Le capitaine Turclietto di Nave, de 15rcscia

[janvier i'6i2] GUILLAUME PELLICIER 501

voys impétrer cela d'eulx, qu'ils prinsent bien garde de donner la moindre suspeçon que ce feus L soubz vostre nonri, leur faisant plusieurs remonstrations et entr'auUres que cela pourroyt empescher à l'adventure plusieurs aultres grandz desaings voslres. Par quoy esloyt nécessaire attendre responce de V. M., qui à mon adviz ne' pourroit plus guères tarder à venyr; dont, non sçaichant quelle estoyt vostre voulenté, fuz constrainct de respondre à toutz ceulx qui soubdainement m'en vindrent parler, que ne sçavois point que cela eust esté faicl par commandement de V. M. ne par mon moyen ne sceu. Et peu aprez vint une lettre entre mes mains dudict seigneur Beltrame par laquelle advertissoit de l'heureuse exécution de son entreprinse, et qu'il ne luy failloyt que quelques gens, pryant qu'on luy en envoyast le plus tost que l'on pourroit. Par quoy me sembla faire mon debvoir d'envoyer chaircher toutz voz meilleurs et affectionnez serviteurs qui sont icy, et entr'aultres M. l'évesque de Lodes, plein d'aussi bon conseil que nul aultre, et le seigneur Robert Strossi, frère du seigneur Pierre, avecques le seigneur Vallerio, abbé de Saint-Pierre-le-Vif, pour consulter et adviser avecques eulx, comme chose de plus grand importance qui me soit advenue depuys que suyz icy, comme je auroys à m'y gouverner. Qui furent d'adviz, puysque la chose estoyt faicte, ne la debvoir habandonner, et que j'envoyasse, le plus seurement et secrettement qu'il seroit possible, par delà pour entendre le tout, et mesmement s'il estoyt vray qu'ilz eussent employé vostre nom et armes. Et furent d'advis que pour conserver et entretenir ledict affaire en son estât jusques ad ce que on eust eu responce de V. M., d'y envoyer le nombre de gentz qui y feroit besoing. Dont fuz contrainct, ne pouvant faire de moings, de m'en descouvryr secrettement à quelques cappitaines vos affectionnez serviteurs, etlespryer voulloir démonstrer par effect la bonne voullenté qu'ilz vous portent sans dire pourquoy. A quoy trouvay promptz et appareillez à vostre service, je ne parleray point dudict seigneur Strossi, car il y est tant cogneu et expérimenté parles bons effectz qu'il n'est besoing le nommer; mais diray entr'aultres que le seigneur Scipion Constance, lequel a charge de V. M. de mil hommes de pied et cent chevaulx légiers, advenant l'occasion de vous faire service, et pareillement le seigneur cappitaine Marcello, gentilhomme vénitien, en la faveur duquel vous ay escript puys naguères, s'y sont employez d'aussi bon cueur que possible. Mais pour ledict jour, pour ce qu'il estoyt fort tard quand nous conclusmes d'y envoyer gentz, ne fut possible d'en pouvoir recouvrer beaulcoup, et n'y eut que ledict seigneur Scipion qui fournist d'une douzaine de bons souldartz voirement dignes, ainsi que j'ay entendu, d'estre appelez cappitaines, qu'il tient ordinairement à ses dépens, attendant tousjours l'occasion de les employer à vostre service, et une barcque pour les conduyre et porter jusques là. Lescyuels y avons envoyez avecques ung

gentilhomme de Brelaigne nommé M. de la Motte, qui toute sa vve a faict proffession aux armes, et mesme a esté guydon et porte-enseigne de cincquante hommes d'armes soubz la charge de M. [de] Chastoaubryant; lesquelz comme nous a escript sont arrivez là à saulveté, Dieu mercy.

« Sire, le landemain, entendant que l'ambassadeur de l'empereur s'estoyt allé lamenter à la Seigneurie, m'accusant d'avoir faict faire telle entreprinse, fuz vers elle pour luy faire entendre que ne sçavoys point que telle chose eut esté faicte par vostre commandement ne par mon moyen ne sceu, comme de ce les asseuroys fermement. Bien les pryois, puysque les choses estoyent ainsi, ne se voulloir empescher non plus de l'ung que de l'aultre, et que quand bien seroyt vostre voullenté de tenyr et garder ladicte place, ne seroyt pas moingz à leur dévotion et commodité que de V. M. Sur quoy ne me feirent aultre response qui méritte vous estre escripte, et aprez avoir prins congié d'eulx, m'en retiré à mon logeis, où trouvay vosdictz aflectionnez serviteurs avecques lesquelz m'estoys conseillé le jour auparavant; et aprez nous estre bien conseillez les ungs avec les aultres, fusmes d'adviz d'y envoyer plus grand nombre de gentz. Et de faict ledict seigneur Strossi et lesdictz cappitaines Scipion Constance et Marcello feirent tant par leur bonne sollicitation qu'ilz feirent amas ledict jour de gens, sans dire pourquoy ne sçavoir où ilz debvoient aller, jusques au nombre de im" hommes, avecques les barcques convenables pour les porter : qui estoyt ce que faisoyt besoing pour la deffanse de ladicte place, avecques ceulx qui sont jà dedans, qui peulvent estre environ cent cinquante hommes. Et ce que nous en faisions d'en mander si grand nombre ensemble estoyt pour ce que Ton m'avoyt adverty que ledict ambassadeur de l'empereur y avoyt mandé quelcque nombre de barcques armées, et qu'il avoyt donné ordre d'en faire venyr d'aultres en grand nombre de Trieste pour garder les passages de l'entrée du canal et bouche du port de ladicte place affin que nul secours y peut venyr; mais, entendant cez Seigneurs ledict amas de gens, comme à dire la vérité, à grand peine est-il possible pouvoir faire telles choses en ceste ville sans qu'ilz en soyent advertys, pour se trouver en beaulcoup d'endroitz, et craignantz que par telz moyens et assemblées de souldartz ne sortist quelcque désordre, et aussi pour ne donner matière à l'ambassadeur dudict empereur de caviller ne se plaindre que cecy eust esté faict par leurs dissimulations ou bien consentement, — d'aullant que pour mettre à exécution ladicte entreprinse, la compagnye s'estoyt amassée en cestè ville, et les provisions de pouldres et aultres choses apprestées icy, — feirent particullièrement, pour estre nuict, faire defTense à toutz lieuxlenantz où estoyent barcques pour pouvoir faire telz efïectz, qu'ilz n'eussent à lever aulcunes personnes de quelconques estatz ou condi-

[janvier 1o42j GUILLAUME PELLICIER 503

cions qu'ilz fussent. Ce néantmoingz ne sçeurent faire si estroictes deft'enses que l'on n'en trouvast bien pour lever lesdictz gens de guerre, lesquelz se embarcquèrent et se meirent en chemyn; mais se assemblans au lieu assigné pour faire la masse, quelcques baroques d'entr'eulx furent rencontrées par les cappitaines et gardes des Capi de Diexe \ qui les arrestèrent et ramenèrent toutz en ceste ville. Quov entendant, le landemain au malin fuz à ladicte Seigneurie à laquelle recordé ladicte pryère que luy avoys faicte le jour auparavant de ne s'empescher non plus de l'ung que de Taultre; et oultre vins à luy remonstrer que pour le debvoir de ma charge je ne pouvoys faire de moings que d'entretenyr les choses en Testai que je les trouvoys jusques ad ce que fusse adverty de voslre voulenté. Et qu'ilz estoyent bien recordz de la deffaicte des seigneurs Cézar Frégose et Rincon pour estre mal accompagnez, et encore de fraîche et sanglante mémoire avoyent bien estez advertiz comme prez de Jarre avoyent esté taillez en pièces deulx de voz serviteurs et tous ceulx de leur compagnie. Dont, voulant sçavoir la vérité du faict de la prinse pour vous en advertyr bien au long et par le menu, m'avoyt semblé y debvoir envoyer homme de sçavoir et suffisant pour en sçavoir faire bon rapport; lequel, prenant exemple aux inconvéniens cy dessus pour la crainte que javois qu'il ne luy en advint et fust faict aultant que aux aultres, le trouvant mal acompagné comme de ce l'on se pouvoyt bien asseurer s'il se rencontroit en mains de telles gentz, ne le vouluz mander sans bonne scorte et compagnye, pour ne le mettre à l'aventure d'estre ainsi massacré de ceulx qui sont de tout temps coustumiers de ce faire. Par quoy les pryois ne donner aulcune occasion ne matière à V. M. de me trouver aultre que véritable, en ce que vousay tousjours asseuré de la bonne et vraye amytié qu'ilz m'ont toujours dict vous porter, et que par les effectz et au besoing Ion congnoist qui amy est, comme ilz ont toujours faict V. M. en toutes leurs occurrences qu'ilz ont eu besoing de vous. Dont les pryois faire deslivrer et mettre en liberté lesdictz gens de guerre prins et arrestez par leurs officiers avecques restitution de toutes leurs armes : ce qu'ilz feirentune heure aprez que je fuz sorty d'avecques eulx. Qui donnera beaulcoup à penser audict ambassadeur dudict empereur, lequel, encores qu'il allast à la Seigneurie deux foyz devant moy, ne faillyt à y retourner incontinent que je en fuz sorty. Et pour ce, Sire, que avons esté advertyz encores de rechef par ledict seigneur Beltrame et dudict seigneur de la Motte qu'ilz ont besoing de ce nombre de gentz que je vous ay dict, et ne pouvant poulser avant ceulx que nous avions jà assemblez icy, pour les empeschementz et defîenses que dessus, avons

I. Capi dei Dieci, chefs des Dix, ainsi se noiiimaienl los membres de ce conseil souverain.

advisé mander en la Romaigne' et lieux circonvoysins, pour assembler gentz pour se rendre et trouver au port de Magnavacque - ou à celluy de Cézenaticque ' qui sont les plus au droict et commodes pour traquetter gens à Maran que nulz aultres, et ne fauldrons y envoyer le plus de gens que nous pourrons de ceulx que nous avions assemblez icy affîn de leur faire gagner l'argent qu'ilz ont receu avant la main, qui est deux escuz pour homme. Et affin que V M. soyt advertye de tout par le menu, ma semblé estre le plus expédient vous debvoir mander celluy qui a esté sur les lieux, lequel est serviteur desdictz seigneurs Strossy. Toutesfoiz, encores qu'il vous en puysse dire bien au long," ceTnéantmoings ne lairray à vous advertir que l'on tient icy ladicte'place estre d'aussi grande importance que nulle aultre qui soit en ceste mer Adriaticque *... Etdavantaige est une bride à cez Seigneurs, pourjeur faire faire le debvoir, plus grande que nulle aultre. Ne reste plus'sinon à vous supplyer me faire entendre vostre bonne voulenté, et comme j'auray à m'y gouverner; ce que je vous supplye. Sire, fairefaire le plus tost et faire ordonner telle somme d'argent que congnoistrez estre besoing pour l'entretien de ladicte place si aurez vouloir de la tenyr, ou bien ordonner aux seigneurs Strossi de fournyr l'argent qu'il y fera mestier. Et cependant je feray du mieulx que je pourray jusques ad ce que aye entendu voz bons plaisyrs, lesquelzde tout mon pouvoir mettray peyne d'accomplyr.

« Sire, encores que ceste lettre soyt bien longue, ce néantmoingz m'a semblé ne debvoir obmettre à vous recorder voz humbles et affectionnez serviteurs et mesmes lesdictz Beltrame Sacha et cappitaine Turcquetto, et leur faire escripre pour le moingz quelcque lettre de bonne espérance. Et pareillement y a ledict seigneur Augustin Abondio^ beau-frère dudict Turcquetto, qui ordinairement s'employeàvous faire service en choses de bien grande importance, et me trouveroys bien empesché de vous donner tant de nouvelles que je faiz si n'estoyt avecques son ayde. Car il m'en faict la meilleure part, sans qu'il ayt jamais eu aulcune récompense ne rémunération de ses services, sinon ce peu qui n'est prezque rien pour luy ; mais si est bien pour moy assemblé avecques les petytz présenz que je baille aussi aux aullrespour les entretenyr. Dont vous plaira, Sire, luy vouloir user de vostre grande générosité et libéralité. Pareillement ledict seigneur Scipion Constance m'a pryé vous supplyer que, attendant le moyen de vous pouvoir faire quelcque bon service suyvant la commission qu'il vous

1. La Romagnc, région comprise entre les duchés de Fcrrare cl d'Urljin, annexée aux Etals de l'Église, en 1503, par Jules H, qui en forma les légations do Ravenneet de Forli.

"2. Magnavacca, port de la Romagne; siUié près de Comaccliio, sur IWdrialique.

3. Cesenalico, porl de la Romagnc, situé près de Cesena, sur rAdriatiquc.