Voir la lettre à M. de Termes du 31 décembre
[janvier 1542] GUILLAUME PELLICIER 505
a pieu luy donner, comme dict est, de mil hommes de pied et cent chevaulx ligiers, que vostre bon plaisyr fust de luy donner quelcque moyen d'entretenyr une douzaine de gentz de bien avecques luy pour employer à vostre service toutes foi/, et quantes qu'il en sera besoing, comme à dire la vérité, Sire, il a faict à ceste foiz, ainsi que avez peu entendre cy devant. Quant est du seigneur cappitaine Marcello, il ne désire aultre sinon sçavoir si vostre bon plaisyr est de le recepvoir à vostre service; car il a esté grandement rechairché de cez Seigneurs, depuys qu'il est retourné du gouvernement de Candie ', et comme ay esté adverty, il a reffusez partiz de la Seigneurie que à l'aventure on ne luy vouldroyt présenter maintenant, pour l'avoir cogneu si affectionné serviteur de V. M. qu'il est, et s'y estre démonstré par effect à ceste entreprinse de faire amas de gentz sans qu'il ayt eu aulcun esgard ne respect à ladicte Seigneurie. Par quoy. Sire, il vous plaira me faire advertyr de tout ce que dessus de vostre bonne voulenté.
« Sire, depuys avoir achevé la présente j'ay receu ung pacquet du seigneur cappitaine Polin pour vous faire tonyr, que vous envoyé présentement...
« Sire, tout à cest heure les personnaiges que avoys envoyez aux lieux pour faire la prouve que vous ay escriptz par ma lettre du xxiiii' du passé, comme pouvez veoir par le double d'icelle que vous en envoyé présentement, sont retournez vers moy, qui m'ont asseuré la chose estre plus facille que aysément on ne pourroyt croire. Dieu voulsist que je fusse adverty de vostre voulenté, car ilz m'asseurent que devant qu'il fust six jours l'on en voirroyt bien bonne issue : dont vous plaira me la faire sçavoir le plus tost de paour que les commoditez ne se altèrent. Il est vray, Sire, que le personnage principal, qui entreprend ministrer ladicte entreprinse, vouldroyt estre asseuré, après estre faict, de dix mil escuz; lesquelz vouldroyt que premièrement fussent remys et constituez en ceste ville pour luy estre deslivrez la chose achevée. De rechef vous supplye m'en faire faire responce le plus tost.
« Sire, oultre un petyt pourtraict encloz en ce pacquet que ay peu recouvrer de Maran, je vous envoyé aussi une carte de tout le Friol que je tenoys pour entendre des lieux icy circonvoysins -. »
Vol. 2, ï°21i, copie du wi" siècle; 5 pp. 1/2 in-f.
d. L'île de Crète ou de Candie, conquise en 1204 par les Vénitiens sur Byzance, fut possédée par eux jusqu'en 1660, date de l'occupation ottomane. Des gouverneurs ou ducs l'administraieul; ce furent, de lo38 à lo40, Francesco Bernardo, et de loiO à 1542, Carlo Capello. '
2. « Escripl à M. de Termes ccdict jour; miis la lettre est couchée cy dessus en datte du dernier décembre. »
506 AMBASSADE DE [JANVIER 1 :i42]
l'ELl.ICIER A I/AMIIIAL CIIAIiOT. A MM. D"aNNEBAL'LT ET DK LANGEY'.
329. — [Te?2i>se], S janvier 1542. — « Monseigneur, depuys avoir faict la mienne au roy du dernier du passé, enclose en ce pacquel, me fut dict qu'il y avoyl deux brigantins par voyage venantz de Raguse en <^esle ville; dont, estimant bien que ce ne seroyt sans y avoir quelques lettres de Levant pour S. M., me sembla debvoir supercéder madicte dépesche jusques ad ce qu'ilz fussent arrivez icy, attendu mesmement qu'il n'y avoyt chose dedans qui requist scélérité; et depuys, advenant aultre occasion de dépesclier à mon advis de telle importance qu'elle méritte estre faicte entendre audict seigneur et à vous, en toute dilligence, ay dépesché le présent porteur expressément avecques Icdict pacquet venant de Levant, et une aultre lettre de ce jourd'huy que j'escriptzà Sadicte Majesté : laquelle ensemble celle dudict dernier du passé suys bien asseuré que voirrez. Dont ne m'estenderay à vous en faire aulcune répéticion, pour MM. d'Annebault et de Langey, sinon que suyvant le double que vous avoys escript en quoy j'esloys du pouvre Saincl-Pol, nouvelles sont venues icy toutes communes qu'il avoyt esté desfaict et taillé en pièces avecques toulz ceulx qui estoyent en sa compagnye prez de Jarre, chose qui à l'aventure a donné matière et hardiesse de faire haster ceulx qui avoyent vouloir faire l'entreprinse de Maran, la mettre à exécution... »
Le consul espagnol, l'un des principaux fauteurs des attentats contre les agents du roi, a été pris dans Marano. « Dont, s'il plaira au roy, avant qu'il eschappe, l'on luy fera bien deviner qui aura mangé le lard -. L'on estime ladicte prinse de Maran faicte au nom du roy d'aussi grande importance que de lieu qui soyt en toute ceste mer Adriaticque, voire jusques en Constantinople mesmement, estant sur le poinct de certaine oppinion que l'on a icy que le duc d'Urbiu est appoincté avecques le roy pour estre son estât, principallement les fortresses et portz de Sénégaye et Pezaro ^ correspondans audict Maran; qui est bien pour donner à penser et estre grandissime esperon au pape de ne se allienner ou descouvryr aulcunement contre le roy pour respect de la
1. « A Mgr l'admirai. MM. d'Annebault VI de Langey, dudict VlIT janvier -il, chascun apart soy. •«
2. Avoir mangé le lard, au figuré, signifie être fautif ou coupable. Cette locution populaire, suivant Litlré, provient peut-être de l'accusation portée contre ceux qui auraient rompu l'abstinence, et fait gras un jour maigre. On dit également, au sens ligure : Nous allons voir qui mangera le lard, c'est-à-diro qui gagnera la jiartie et aura l'enjeu.
Une ballade célèbre de Marot, datée de 1o2d (Œuvres, t. Il, j). 241), a son refrain inspiré par le vieux dicton français :
Prcnez-lc, il a mangé le lard.
On en trouverait dautres exemples dans Brantôme, La Fontaine, etc.
