Parpcllo? ou Prépetto

2. Camisade (du latin camisa, chemise), attaque nocturne faite par des soldats qui ont mis leurs chemises par-dessus leurs vêtements, afin de se reconnaître.

542 AMBASSADE DE [FÉVRIER 1^42j

tous les portz ou à tout le moings les lites ou plaiges \ ce quartier là, sont à eulx. Sur quoy leur feiz responce à Timproviste que, quant aux bourches, s'estans trouvez quelques ungs pour faire l'entreprinse de Précenis, et non saichant qu'ilz feussent de ceste Seigneurie, leur estant grandement de bezoing, et ne pençoys sans iceulx venyr au chef d'icelle, les retindrent pour s"cn servir. Despuys les fcirent ronduyre à, Marran, s'ofïrantz ce néanlmoings, après avoyr entendu qu'ilz estoyent à quelquez marchans de ceste ville particuUiers, leur payer lesdictes bourches et boys qui estoyt dessus. Dont verrez de vous en accorder avec lesdictz marchans; et si n'en avez si véhérncntement affaire, aflin que à bon droict cesdictz Seigneurs ne se puyssent quereller ne attacher à nous, l'on trouveroyt le meilleur de les rendre, car messire Colas * dict en avoir trouvé d'aultres, voyre en plus grand nombre, lesquelz pourra avoyr à louage, en leur payant ledict boys et les journées des gens qui y ont esté. Quant à d'aultres victualles, je ne pansoys ny sçavoys aucunement que en eussiez détins ne prins en leur estât, ne pareillement levez ne retirez aucuns de leurs subjectz pour souldars là dedans. Quant estoyt audict bastilhon, que j'estimoys que ne vouldriez avoyr faict chose qui feust contre le gré et desplaisir de ceste Seigneurie et à son dommaige, et que n'avoys poinct entendu que eussiez rien entreprins sur leur domyne. Dontleur promis vous en escripre afin d'avoyr délay et prendre conseil avec les serviteurs du roy qui sont icy, de leur pouvoyr faire quelque meilleure et plus ample responce. Dont je vous prye nous en mander aussi votre advis pour l'assembler avecques ceux desdictz serviteurs du roy, vous advisant que ce jourd'huy après disner font ung pregay sur ceste affaire de la conclusion duquel ne fauldrons à vous advertir si le pouvons entendre. Et cependant ne laissez à faire bezoingner audict bastion le plus vivement que vous pourrez, car l'on verra s'il sera possible trouver moyen de les apaiser. Touchant de la lettre que demandez pour envoyer au sanzacque, il me semble qu'il n'est que bon, puisque avez ung homme qui pourra faire tel message, que de vous mesmes le luy mandez avec telle lettre que sçaurez très bien adviser. Car, par les lettres du roy est commandé que ceulx qui sont audict Marran ayant à faire tel office sans que l'on puysse entendre ne sçavoyr que ce soyent ses ministres, bien que y pourrez employer le nom de S. M. comme de vous-mesmes, estansses subjectz etayans prins le lieu pour tenir à sa dévotion et empescher les enemis du Grand Seigneur, sçaichant combien le roy est son amy, alié et confédéré, les provocquant de venir sur les terres et pays dudict roy Ferdinando, et aultres choses que verrez estre à propoz. Il semble que n'ayez bien entendu l'intention