Cola Bunello
["février lo42j GUILLAUME PELLICIER o43
du roy par le seigneur Cornélio,veu que m'escripvez que avez entendu que M. Darramont est arrivé yci et que là où vous estes on disoyt qu'il avoyt apporté nouvelles que S. M. ne voulloyt accepter ladicte place. Je vousadvise que en cecy fault user de la plus grande dextérité que l'on pourra pour le faire croyre à ceulx qu'on désire qu'ilz croyent que ainsi soyt, et aux aultres secrètement que Ton verra estre bezoing d'en sçavoyr la vérité, le dire modestement pour les ouster du double où ilz pourroyent estre. Or, quant à cela, je ne vous en puys rien dire davantaige, et me fauldra bien tost serrer boutique se je veul.x acomplir le commandement du roy. Dont je vous prye ne m'envoyer plus personne fâcheuse comme ce prebstre *, car je ne sçay qu'en faire et vauldroit mieulx que les envoyassez droict à la Mirandola; et de moy je suys délibéré et l'ay par conseil de n'en recepvoir pas ung.
« Quant aux nouvelles de Levant, dont me priez vous faire part, je vous asseure que pour ceste heure ne vous en puys rien dire sinon que les affaires du roy y sont en aussi bon estât. Dieu mercy, qu'on les sçauroyt désirer. Je ne fauldray de faire advertir le seigneur Francesco Beltrame, quant je vous le dépescheray, affin qu'il vous puysse faire part des nouvelles de ce quartier par le menu; car, à dire la vérité, il en a mieulx le loysir et commodité que moy. Au demeurant, vous verrez de vous pourveoyr de tout ce qu'il vous fera bezoing le plus tost qu'il vous sera possible, mesmement de bledz, vins et aultres victuailles, et m'advertyr de la réception de troys cens cincquante septiers de farine que je vousay mandez cejourd'huy, que ay dépesché ung de mes gens pour aller trouver le marchant au delà des Fornaises que messer Francesco de Pazzi avoyt trouvé venant de Ferrare; et pareillement si celluy du Sézénacticque - vous aura porté les cincq cens septiers, sçavoyr est moictié bled, et moictié farine, comme il nous avoyt promis. Et que jà estoyt arrivé pour ce faire à Piran ^, car depuys je n'en ay poinct ouy de nouvelles, vous priant me faire sçavoyr combien de bledz, farines vous pouvez avoyr là dedans et aultres victuailles, et ce qu'il vous est encores de bezoing afin de y pourveoyr le plus loust. Touchant du prisonnier Anthoyne Grop, il n'est que bon de le garder encores ung peu, jusques ad ce que ayons veu si en pouvons servir quelqu'ung de nos amis, suyvant ce que m'escripvez. Dont je vous mercye de bien bon cueur, et me recommande affectueusement à vostre bonne grâce et de MM. de Venlay *, capitaine Turquet, Lamotte et
1. Nous n'avons pu découvrir quel était ce personnage, non plus que le prisonnier, Antoine Grop, dont il est parlé plus loin.
