Du détroit

572 AMBASSADE DE [mARS 1542]

VOUS persuadant que l'empereur vous deust faire démontrance de quelque satisfaction des defTunctz seigneurs César Frégose et Rincon; mais que V, M., voyant n'y en faire aulcune, estoyt délibérée et avoyt déterminé en faire la vengeance avecques les armes; en quoy Sa Saincteté s'estoyt employée le plus qu'elle avoyt peu, et ne fauldroyt continuer pour le bien de la chrestienté. Espérant aussi icelluy ambassadeur que se corn plaignant avecques Sa Saincteté de ce que ces Seigneurs ne pouvoyent lever quelques deniers que icelle leur avoyt concédez sur le clergié de leur estât, alléguant plusieurs grâces et exemptions qu'elle avoyt octroyées, lesquelles, pour ceste cause, a toutes révocquécs, et mesmement celle du seigneur Valléryo, abbé de Sainct-Pierrele-Vif, qu'il avoyt impétrée par le moyen de M. de Rodez '. Et ce a faict Sa Saincteté d'aultant plus volontiers qu'elle chairche d'en avoyr, le cinquiesme d'apvril, ainsi que j'ay entendu.

« Sire, je croy que V. M. aura bien esté advertye comme, m'ayant faict entendre M. de Langey qu'il y avoyt par deçà ung des barquerolz qui avoyent conduict les assassins des feuz seigneurs César Frégoze et Rincon, feiz tel prochaz que j'aye trouvé moyen de l'avoyr entre mes mains. Et despuys après l'avoyr bien examiné et faict interroger par aucuns voz serviteurs, et le trouvant variable en sa déposition, en advertiz ledict seigneur de Langey pour sçavoyr ce que j'en avoys affaire, qui m'ordonna le mander à Thurin s'il m'estoyt possible, ce que j'ay faict, où il est arrivé scurement, comme m'a escript M. de Termes. Et pour ce que despuys, à mon advis pour l'absence de mondict seigneur de Langey, n'en ay plus ouy parler, et n'ayant eu aussi de mon cousté aucune matière quant au propoz d'en cscripre aultre chose, m'en estoys retenu jusques à présent que est venu à ma notice, qu'il y a environ huict jours, qu'il y avoyt quelqu'ung qui avoyt une lettre assez fresche, monstrant estre escripte par le feu seigneur Cézar. Laquelle non seullement la coppie, mais l'original ay trouvé moyen de recouvrer, que vous envoyé présentement. Et pour aultant qu'il y avoyt grandement le double qu'elle ne fust signée de sa main ne scellée de son sceau, l'avions conferrée avec plusieurs aullres lettres que j'ay de luy. Et pareillement l'ay monstrée à aucuns de ses plus grans amys fort affectionnez à vostre service, et trouvons bien tous voyrement qu'elle est signée et scellée de ses seing et seau, mais non que pour cela croyons qu'il ayt esté jusques en ce temps là en vie. Aucuns estiment bien que avant le faire mourir luy feirent faire plusieurs blancz signetz, et aultres actes et telles choses de non moindre importance; car du sceau, ilz l'avoyent en leur puyssance, pour l'avoyr ledict feu seigneur Cézar, lors de sa prinse, en sa pochete, comme a dict ung sien varlet de chambre qui eschappa. Les occasions pour lesquelles ilz