C'est-à-dire de l'ordre de Malle
[avril 1542] GUILLAUME PELLICIER 579
légièrement, ayant veu par expériances qu'ilz ne peulvent faire fondemant sur l'empereur, et que Sadicte Saincteté estoyt pour droysser quelque commission d'aulcuns affaires d'importance pourtraicter avec cestedicte Seigneurye, à M. le patriarche évesque de Loddes. L'on estime qu'il ne faict pas cecy tant pour la suffisance dudict seigneur, laquelle chascun sçayt très bien estre grande, comme pour le surprendre et préoccupper, saichant combien il vous est affectionné et personne qui est pour vous faire bons services, afin que estant entré en ceste affaire là, honnestement il ne puysse se adonner à vostre service.
« Sire, cez Seigneurs ayant este advertis que le marquis du Guast avoyt quelque ambusche par mer avec certaines fustcs qu'il avoyt secrètement mises ensemble à Brindèse *, pour luy faire comme l'on a faict au paouvre Sainct-Paul et à son compaignon, incontinant en toute diligence ont dépesché une frégate vers leur général de leur armée de mer, auquel ont faict commandement qu'il ne faille soubdainement à aller la part où sera ledict Janus Bey avec toute ladicle armée, pour le conduyre et faire passer seurement en ceste ville. Faisant ledict marquis icelle entreprinse soubz coulleur de les voulloyr mander à Marran; mais, comme vous ay escript. Sire, aucuns qui congnoyssent mieulx ses affections ne voyent poinct que, advenant affaire et empeschement en Lombardye, Marran luy toucher de si près qu'il voulsist employer ses facultez pour le recouvrer, mesmement en ce temps qu'il a que panser et à prouveoyr ailleurs. Et ce, d'aultant plus qu'il peult estre bien adverty que à la vérité il est très bien forny tant de gens à cheval que de pied, barques et aullres choses qu'il vous a pieu ordonner, et si a dedans plus de deux mil sextiers tant grains que farines : qui semble beaucoup pour n'avoyr d'icy à la cuillete des nouveaulx que deux moys. Et quant aux aultres choses nécessaires, il en est forny de sorte qu'ilz ne craignent poinct que par force l'on soyt pour leur rien faire de longtemps. Et n'y a rien à craindre, sinon qu'il survint quelque désordre dedans : de quoy Ton se donne le mieulx de garde que l'on peult, ainsi que V. M. pourra entendre plus au long par M. de Tellegny ', qui est allé avec M. Deschenetz qu'il trouva icy à son arrivée.
« Sire, estant après à vous faire la présente dépesché je fuz adverty que M. le capitaine Polyn estoyt jà arrivé à Vicence, et que le seoyr mesmes estoyt pour venir icy. Dont estant après disner, que cez Seigneurs ne se réduysent en leur coUiége comme ilz font le matin, ne peulx leur faire entendre, synon par une petite lettre que leur adroysay en conseil de Diexe où n'est la coustume que les ambassadeurs aillent; et ce feiz-je d'aultant que avoys esté adverty que les
