Salpêtre

[avril 1542] GUILLAUME PELLICIER 597

y avoys envoyé m'a raporté, cinq cens poix, qui sont douze milliers et demy. Lequel, en oultre, nous a faict entendre que se V. M. voulloyt qu'on en print davantaige, qu'il a moyen d'en recouvrer à meilleur marché à présent, presque de la moictié, qu'on ne pourroyt pas avoyr si le temps se changeoyt. Ce néantmoings, pour n'avoyr aulcune commission de vous quant à ceste afTaire, ne nous a semblé en debvoyr prendre plus grande quantité, jusques ad ce que V. M. nous en ayt faict entendre sa vouUenté, et combien l'on en aura encores à prendre. « Sire, estant venu icy ces festes passées monseigneur le cardinal Grimany, lequel, sachant combien il est affectionné à vostre service, feuz visiter et aussi pour le remercier de la faveur et aide qu'il avoyt donnée à ceulx de Marran au temps plus nécessaire et qu'il estoyt despourveu et délaissé presque de tous, l'estant le plus voysin et à propoz que nul aultre. Et sur ce propoz sachant combien d'empeschement et d'ennuiclz le roy des Romains luy faisoyt en son patriarquat d'Acquillée, luy ocuppant son esglise et cité, tenant dedans garnison contre tout debvoyr, obsecque * et service de tout l'homaige que luy doibt à cause de la comté de Goritia - qu'il tient fief de luy, de laquelle despend Marran, et que ces Seigneurs qui luy doibvent garentyr et faire valloyr et tenir les droictz et prééminences de sadicte cité et patriarchat contre tous; et nommément ledict seigneur roy, comme comte, mettoyt en longueur et négligence ledict garentissement : dont il estoyt pour tourner devers ladicte Seigneurie et s'en resentir et plaindre, — j'advisay lui recorder et remonstrer que en traictant avec eulx de son affaire, il ne seroyt pas peu d'avancement à icelluy, et service ensemble àV. M., de remonstrer à ladicte Seigneurie les griefz et oppressions que ledict roy et l'empereur son frère charchoyent journellement faire en tous les endroictz de la chrestienté. Et en oultre luy présenté que s'il voulloyt aucun ayde et secours pour défendre le droict de son esglise, que je congnoyssoys V. M. tant affectionnée, selon l'ancienne coustume de la couronne de France, et surtout la vostre à la protection des droictz et prééminences de l'Esglise, qu'elle ne seroyt pour le délaisser et destituer d'aide : de quoy je ne fauldroys à en escripre à V, M. chaudement. Bien est vray que pour avoyr meilleur droict et coulleur, il me sembleroyt bon que avant toute aultre chose il eust faict toutes les réquisitions et exploictz acoustumez et nécessaires en telz affaires, pour le povoyr déclairer n'avoyr commis ingratitude félonne contre luy, pour puys après inféoder ladicte compté à celluy que V, M. adviseroyt, laquelle congnoystroyt par là combien il veust faire pour icelle. Tous lesquelz recordz et choses me semble qu'il print très bien, et me promist ne faillyr à s'en résouldre et à y