Le comté de Gorilz, en Istrie

bezongner le plus toust. De quoy, Sire, il vous plaira me faire entendre si vouldriez que je poursuyve envers luy cest affaire et en quelle qualité et façon. Et sur ce propoz, Sire, je ne doibz oblier à vous dire que non seuUement au secours de Marran comme dict est, mais en toutes aultres choses tant pour recouvrer livres '^que] pour faire escripre [à] V. M., je Tay trouvé aussi affectionné à V. M. et aux voslres que nul aultre de sa qualité que je congnoysse deçà. Il m'a de sa grâce autrefoys faict entendre Testât de ses affaires famillièrement, lesquelz j'entendz estre lelz que pour la petite rente et biens qu'il a, joinctz les intérestz et dommaiges que a souffertz et luy convient soufrir ordinairement pour le trouble que les ministres dudict roy Ferdinando luy font en son patriarchat, il est contrainct de espargner pour se pouvoyr entretenir, laisser la demeure de Rome et s'en venir cacher en ung coing de sondict patriarche la pluspart du temps. De quoy luy desplaist beaucoup, d'aultant que entre aultres choses par là il n'a le moyen d'estre tousjours ententif sur ledict lieu comme il vous peult et comme il désire faire meilleur service : chose qui m'a semblé estre mon debvoyr vous en advertyr afin. Sire, qu'il vous plaise ie congnoyslre tel qu'il est envers vous et les vostres et luy user de telle récompense que V. M. congnoystra le mériter; et s'il vous semblera bon luy en escripre à présent quelque bonne lettre, afin qu'il congnoysse que je n'ay point obmis de vous en escripre, et que V. M. n'a point peu à gré ses offices et services.

« Sire, nous avons entendu que troys mil lansquenetz estoyent pour venir de brief en Italye. Despuys ay esté averty qu'ilz sont partiz et peulvent estre déjà au deçà de Ysproch ', desquelz est conducteur le comte Baptiste de Lodron-, et que les chevaulx légiers qui estoyent à Bosolo et Sabionnetla avoyent eu commission d'aller à Reoly ^ et à Luzare; mais l'on entendoyt qu'ilz l'avoyent refusé, disant qu'ilz vouloyent estre payez avant bouger. Semblablement j'entendz comme le marquis du Ouast avoyt demandé Albc * au cardinal de Mantoue qui luy avoyt accordée, ayant faict mettre dedans troys cens hommes de pied; et se disoyt que oultre la fortiffication qu'il faict à Guirasco '', il se veult asseurer de toutes les terres fortes qui sont prochaines à Testât de Millau. Et à ceste cause il a rechairché le seigneur Loys de Gonzagues, pour raison de Castelgeoffroy, qui s'en est très bien et beau excusé. Lequel nous a en diverses façons, tant par gens que par lettres, faict grand instance de se voulloyr appoincter à voslro service ;