Innsbriick

2. Le comte Gian-Baltista di Lodrone. Le château de Lodrone est situé dans le Tyrol italien.

3. Rivoli, à 22 kilom. au nord de Vérone, près de la rive droite de l'AdiKC.

4. Alba, ville du Piémont, sur la rive droite du Tanaro, à 40 kilom. de Turin.

5. Cherasco, place forte du Piémont, située au confluent de la Stura et du Tanaro, à 35 kilom. au nord de Mondovi.

[avril 1542] GUILLAUME PELLICIER 599

auquel avons, M. le capitaine Polyn et moy, faict responce la meilleure et plus acorte que nous sommes peu adviser, pour à toutes advantures l'entretenir en ceste volunté qu'il monstre avoir. De quoy vous avons bien voulu advertir, afin que V. M. entende le tout; car, quant à la certitude de sa volunté, ne vous puys bonnement aultrement asseurer pour la longue praticque qu'on faict en cecy sans en estre jamais ensuyvie aucune résolucion. Ce que donne à pancer à vos serviteurs quant à la commodité et importance de laquelle il seroyt s'il venoyt à vostre service; n'est bezoing que je vous y adjouste rien, estant asseuré qu'en estes si bien informé que ne seroyt que redicte et chose superflue. Pareillement l'on m'a donné intention que le seigneur capitaine Paulo de Lasasques ' seroyt pour prendre vostre party, s'il vous plaisoyt l'accepter à votre service et le traicler ainsi que ses qualitez et vertuz le méritent. Il vous plaira m'en commander vostre bon plaisir le plus toust, car j'entendz qu'il est grandement sollicité par le marquis du Guast et aultres Impériaulx luy offrant partiz tant advantaigeuz qu'il n'est possible de plus.

« Sire, je ne vous escripray de la négociation de Janus Bey, ayant advisé, M. le capitaine Polin et moy, pour la variété et copiosité ^ des matières, estre le meilleur les despartir entre nous, pour ne vous attédier de trop longues lettres. Dont pour sa part telles matières a, et touche à luy à vous l'escripre; par quoy ne vous en feray aultre. Reste à vous dire seuUement que avons receu les lettres du xiiip de ce moys, et veu ce que nous escripvez touchant Marran et les entreprinses qu'on y taschoyt faire. Dont je vous dire que jà v ou vi jours auparavant y avoyt esté pourveu, de sorte qu'il n'y est resté personne que probablement l'on puysse doubler de tel dangier; car n'y est demeuré dedans capitaines sinon Florentins et quelques Françoys. Semblablement la meilleure part des souldars sont aussi florentins; et desjà y a de françoys bien soixante, la pluspart gentilzliommes et bons souldars, et verrons d'y en mettre journellement le plus que nous pourrons, en oustant à l'équipotent des Italiens, et telles municions de choses nécessaires que V. M. s'en peult hardiment reposer sur la seureté que le seigneur Strossi vous en donne, ainsi que par luy en mon advis aurez peu estre adverty. Nous verrons aussi de traicter avec le seigneur Beltrame Sachia, qui a esté restitué dedans, touchant la récompance de ladicle place, et après le déclairer et faire entendre à ces Seigneurs, ainsi qu'il vous a pieu nous commander, et du tout ne faudrons à vous advertir. Nous n'avons peu contanter de garder le capitaine Turquet que ne soyt allé trouver V. M. pour luy exposer la

1. Le seigneur Paolo de Lusasco. 11 fiiL question de lui, à cette époque (mai 15i2), pour remplir la charge de colonel général de la cavalerie italienne (V. Desjardins, loc. cit., t. III, p. 2i).