I. « Par M. Deschenetz

[avril 1542j GUILLAUME PELLICIER 601

mans, mais à ceulx de voz ministres, se partyt de bonne, libéralle et franche volunté de là avec ledict seigneur Deschenetz pour venir icy. Et despuys, ayant désir vous aller trouver, nous ont prié et requis leur donner lettres adroyssantes à V. M., ce que n'avons peu desnier particullièrement à l'ung ne à l'aultre ainsi que icelle pourra veoyr, et par la présente vous asseurer que ledict seigneur Deschenetz a très bien faict son debvoyr pour la garde et conservation de ladicte place sans que par nous luy ayt esté ordonné aucun estât pour son entretien. A quoy V. M. aura tel esgard que sa libéralité et grandeur est accoustumée avoyr à ung chascun. Et pour ce, Sire, que nous sommes à présent tant ocupez à voz affaires de grand importance que bonnement n'aurions peu vacquer à veoyr et calculler les comptes de l'argent qu'il a employé à la despense dudict Marran que luy avons forny, et qu'il n'a eu loysir d'attendre, avons advisé de les retenir par devers nous, pour les examiner et calculler, pour vous faire sçavoyr puys après combien se monte le tout, ou bien s'il plaira à V. M. que nous vous les envoyons pour les faire veoyr par delà, il vous plaira nous faire advertyr de vostre vollunté pour icelle accomplir. Quant aux aultres nouvelles et occurrances de deçà, nous nous remettons à la suffisance dudict seigneur pour vous en dire ce qui est survenu despuys la dernière dépesche que nous vous avons faicte, espérant aussi de vous escripre de brief plus amplement par aultre voye que ceste cy, par laquelle pourrez recepvoyr nos lettres plus toust que les présentes... »

Vol. 2, f» 326 vo, copie du xvi« siècle; 1 p. in-f°.

PELLICIER A l'amiral CHABOT.

394. — [Venise], 28 avril i 542. — « Monseigneur, vous verrez par les lettres que j'escriptz présentement au roy comme j'ay faict faire la paye des chevaulx légiers de la Mirandola et de cent hommes de pied, estant adverty par M. le comte que jà commenceoyent à se mutiner; et de faict y en a eu sept ou huict qui s'en sont allez et prins aultre party, voyans leur payement demourer si largement à venyr, qui a esté près de deux moys après leur quartier escheu. Dont je vous supplye me tenyr pour excusé si je m'estoys d'avanture trop avancé sans en avoyr commission; car j'ay faict le tout pour le mieulx, considérant que c'estoyt ung faire le fault toust ou tard, vous suppliant à l'advenir faire donner ordre qu'ilz puyssent avoyr leur payement plus à temps. Pour lequel faict m'a semblé vous debvoyr advertyr, attendu les grans difîcultez qu'il y pourra avoyr doresenavant au passage de ceulx qui y seroyent mandez pour cest effect, que s'il plaisoyt au roy et à vous donner la charge de le faire ensemble le contrerolle à maistre Léon Janvier *, secrétaire de madame la duchesse de Ferrare, ne viendroyt