Leone Januario, Gennaio ou Gennaro

602 AMBASSADE DE [avRIL 1542J

pas mal à propoz, attendu qu'il est tout charrié sur les lieux, en faisant délivrer argent par qui bon vous sembleroyl, et luy mander lettres et pouvoyr de ce faire, m'en remettant ce néanlmoings a vostre singullier et bon jugement, qui congnoyst trop mieulx comme telles choses se doibvent gouverner que ne sçauroys panser.

« Monseigneur, après avoyr bien gousté et congneu la suffisance du seigneur capitaine Polyn m'a semblé tant grande que certainement vous puys dire qu'on eust peu bien faillir à en eslire ung aultre qui eusl sceu mieulx négotier telle charge que la sienne, tant pour sa dilligence que aussi pour entendre aussi bien ou mieulx telz affaires que nul aultre que je congnoysse. A quoy n'a failly de faire tant bien son debvoyr qu'il n'est possible de mieulx; toutesfoys attendant que cez Seigneurs nous ayant faict réponse, si ne lairray-je à vous dire mon petit jugement de ce qu'il me semble qu'ilz sont pour faire à présent. C'est qu'ilz ne sont pour passer oultre, sinon de venir à la neutralité jusques ad ce qu'ilz veoyent aux champs les forces du roy et du Grand Seigneur; car ilzpencent certainement que S. M. n'est pour commencer aucune guerre cest esté, et ne leur sçauroyl-on faire croyre le contraire s'ilz ne veoyent quelque commancement d'effect. Dont ne veullent commancer à entrer les premiers en la dance, craignans que puys après le roy et l'empereur s'accordassent ensemble; mais l'on est bien d'advis que si S. M. avoyt quelque bon exercite en Italye, que d'eulxmesmes se vouldroyent offrir de les recepvoyr. Ce que m'a semblé vous debvoyr faire entendre... »

Pellicier recommande ensuite à l'amiral le cardinal Grimani , patriarche d'Aquilée. « Lequel m'adict que ayant droict sur l'évesché de Sainct-Pons de Thomières *, à cause d'une sentence autrement appellée à Rome regrez ^, l'avoyt quicté à monseigneur le cardinal de Tornon^ tant pour obéyr au roy qui fort instamment luy en avoyt escript, que pour faire plaisyr audict monseigneur le cardinal de Tornon et aultres, sous l'espoyr et promesse qu'on luy avoyt faicte de bien toust luy en faire quelque bonne récompanse, laquelle est encore attendant. Dont povoyt S. M. et vous en avoyr souvenance, car ne seroyt pas peu de faveur et support aux affaires de S. M., mesmement quant aux choses

1. Saint-Pons de Thomières, ville du bas Languedoc (néraull), érigée en évêché sufTragant de Narl)onne, le 18 février J318, par le pape Jean XXII.

L'évêché fut supprimé en 1790.

2. Regrès (du latin regressum), demande pour rentrer dans un bénéfice qu'on a résigné. Le regrès était admis dans trois cas : r quand celui qui résignait, étant dangereusement malade, agissait ainsi par crainte de la mort, avec la condition tacite de rentrer dans son bénéfice lors de son retour à la santé; 2° quand le bénéficiaire, âgé de moins de vingt-cinq ans, avait été entraîné à résigner contre le gré de son père ou de son tuteur; 3" par le défaut d'accomplissement de quelques-unes des conditions de la résignation.

Le concile de Trente interdit tous les regrès, sous quelque prétexte que ce fût.