Le cardinal de Tournon

[avril 1542] GUILLAUME PELLICIER 603

de Marran, et en caste ville pour y estre bien apparenté, et pareillement à Rome, que de luy escripre quelque bonne lettre pour luy donner à tout le moings à congnoystre qu'on a souvenance de luy et ses services agréables. »

Vol. 2, f° 327, copie du xvF siècle; 1 p. 1/4 in-f".

PELLICIER AU ROI '.

395. — [Venise], 29 avril 1 542. — « Sire, je vous ay escript et faict entendre les services que vous a faictz ordinairement yci le seigneur Francesco Beltrame, mais pour aultant que ne m'en a jamais ne à luy aussi esté faict aucune responce, et le voyant continuer ancores de jour en jour plus que jamais, ay bien osé prendre la hardiesse vous en escripre ancores de rechief et vous supplier le tenir au nombre de ceulx qui méritent estre recongneus serviteurs de V. M., et luy en faire quelque démonstration par effect. Je Tay tousjours tenu en bonne espérance, dont vous supplye m'advertyr de vostre bonne volunté afin que je sache ce que j'auray doresenavant à luy respondre; car ne se veult plus contanter de paroUe, il désire plus avoyr quelque signe de se pouvoyr nommer à bon droict au nombre de voz très humbles serviteurs que ne fait bons or ne argent du monde, ainsi que Y. M. pourra entendre plus amplement par M. Deschenelz présent porteur. »

Vol. 2, f'^ 327 v°, copie du xvi^ siècle; 1/3 p. in-f».

PELLICIER AU MÊME 2.

396. — [Venise]., 29 avril 1542. — « Sire, ayant délibéré il y a environ cincq ou six jours le capitaine Turqueto présent porteur se partir d'icy pour aller trouver V. M., comme verrez par les lettres que nous vous avons escriptes dès ce temps là, en sa faveur, feusmes advertiz de quelque entreprinse de non peu d'importance, pour laquelle mettre à exécution avons esté d'advis qu'il debvoyt supercéder de vous aller trouver jusques ad ce que ce fust faict ou failly, afin de vous -en porter nouvelles tout en ung coup ; mais despuys voyant ne se pouvoyr faire si tost, et que premièrement faÙoyt mander sur les lieux pour tastier le gay, et brasser le tout pour plus seurement en venir à chef, avons conclu ensemblement y envoyer ung de ses gens moult suffisant et fort dévot et affectionné à vostre service et auquel se fye aultant que en luy-mesmes, ainsi que V. M. pourra entendre de lui plus amplement; et cependant qu'il s'en allast trouver V. M., puisqu'il en avoyt si grand envye, estimant qu'il seroyt ici de retour assez à temps

i. <- En faveur du seigneur Francesco Beltrame. ■■ 2. « Par le capitaine Turcquetto. »

604 AMBASSADE DE | MAI lb42]

pour mettre ledict aflfaire à excéquution. Par quoy, Sire, il vous plaira luy faire faire la meilleure et plus prompte dépesche qu'il sera possible, TOUS asseurant que la bonne justice et grande libéralité et générosité qu'avez usée au seigneur Bellrame Sachia, suyvant vostre coustume de faire à ung chascun, a grandement atyré davantaige le cueur de ceulx qui ont voulloyr vous faire service. Et ne sera pas peu de faveur et aide à vos affaires par deçà, si le semblable sera faict audict Turqueto selon sa qualité et mérites. Dont nous vous en suplions très humblement et surtout de prompte expédition... »

Vol. 2, f° 328 yo, copie du xvi° siècle; 3/4 p. in-f'^.

PELLICIER A M. DE RODEZ.

397. — [Vejiise], 6 mal 1542. — « Monsieur..., j'ay receu la vostre du dernier jour du passé, et veu par icelle le bon office que avez faict envers Nostre Sainct Père pour le seigneur Rodolphe de Gonzaigues. De quoy l'ay adverty bien amplement, dont, oultre que ayez ce faict pour ung grand et affectionné serviteur du roy, et que à vous et à moy appartient pour le debvoyr de nostre charge faire choses que congnoissiez estre au service de nostre commun maistrc comme est ceste cy, laquelle à mon advis S. M. aura très agréable, ce néantmoings de ma part ne lairray à vous en remercier fort affectionnément et vous pryer voulloyr continuer tant envers Sa Saincteté que aultres que congnoistrez faire à propoz, de sorte qu'il ne soyt procédé à toute rigueur contre luy, ainsi que suys asseuré que ferez. Dont ne vous en feray plus longue insistance, mais vous diray que ceste sepmaine cez Seigneurs nous ont envoyé quérir, le- seigneur capitaine Polyn et moy, pour nous faire responce sur la proposition que leur avons faicte, touchant la cause de la venue icy de Janus Bey. Lesquelz, après plusieurs remonstrations et asseurance de l'observance et amitié grande qu'ilz portent au roy, nous ont dict qu'il s'estoyt tousjours démonstré tant affectionné à ceste républicque qu'ilz avoyent congneu S. M. avoyr merveilleusement à desplaisir les pertes et dommaiges qu'ilz avoyent soufertes et supportées, à cause de la guerre, qui leur avoyent esté si griefz et excessifz qu'ils avoyent advisé, pour le bien et considération de leur estât, estre meilleur de ne s'empescher en matière de guerre avecques aucun, ains chaircher et entretenir la paix avecques ung chacun; dont pour ceste cause ne pourroyent entrer en ligue avecques le roy pour faire guerre. Et despuys avons esté advertiz que venant à propoz parler de ceste affaire, aucuns des principaulx d'entre eulx dirent que, ancores que telle responce fust assez notoyre et congneue aux Impériaulx, ce néantmoings que, suyvant leur grande et acoustumée présumption, si d'avanture le roy faisoyt venir quelque exercite

[mai 1542] GUILLAUME PELLICIER 6Ô5

en Italye, ne layroyt de demander ayde et secours à cesle Seigneurie pour la défence de Testât de Millan. Dont estoyt le meilleur se résouldre à présent de la responce qu'on auroyt à leur faire, afin que l'on n'eust plus occasion d'entrer en telles matières. Par quoy fut conclud que dès à présent ceste Seigneurie estoyt totallement désobligée d'avecques ledict empereur, et qu'ilz ne lui donneroyent aucun secours; et que si ledict empereur les vouldroyt contraindre d'aucune chose, estant les forces du roy en Italye, seroyent pour restraindre l'amitié qu'ilz ont avecques S. M. Ceulx qui congnoissent l'humeur de cez Seigneurs sont bien d'advis que si le roy eust eu quelque gros exercite en Italye, qu'ilz eussent bien esté pour passer oultre. L'on verra à l'advenir comme les choses passeront, mais si est que jusques icy on les a trouvez d'assez bonne volunté, et la venue dudict Janus Bey n'a esté du tout inutile, moyennant le bon ordre et soiicitation que y a esté usée : en quoy M. le capitaine Polyn a la meilleure part de mérite. Qui est l'endroict que feray fin à ce propoz, et vous diray comme j'ay receu lettres du roy du xiiif d'apvril, m'advertissant que estant pressé par ceulx de Marran de prendre la place en ses mains avecques conditions fort chères et protestations que s'il n'y vouUoyt entendre, qu'ilz en feroyent leur proffict ailleurs, S. M. avoyt advisé de despendre quelque somme de deniers pour le recouvrer, non tant pour son intérest, pour estre ladicte place lontaine des siennes, que pour obvier qu'elle ne tombast es mains d'homme dont il peult advenir desplaisir etdommaige à cestedicte Seigneurie, m'ayant envoyé procuration pour en faire ladicte acquisition : ce que j'ay faict, et constitué procureur au nom de S. M. le seigneur Pietro Strozzi pour en aller prendre possession; pour quoy espérons, moyennant l'ayde de Dieu, qu'il se partira ce jourd'huy de ceste ville '. Qui est tout ce que vous puys dire pour ceste heure, sinon mes affectionnées recommandations à vostre bonne grâce... »

Vol. 2, f" 328, copie duxvi« siècle; 1 p. 1/4 in-f*»