Le comte Niccolô di Tolentino

608 AMBASSADE DE [MAI i 542j

obmettre à vous advertyr et supplier qu'il vous plaise en avoyr souvenance. Et entre aultres du seigneur Augustin Abondieu', duquel moy susdict de Montpellier vous ay escript plusieurs foys; car, à vous dire la vérité, Sire, c'est lui qui nous a donné les meilleurs et plus certains advis que mandons ordinairement à V. M. pour avoyr fort grandes intelligences et amiliez à plusieurs de ceste républicque, de sorte qu'il ne se traicte pas grand chose que nous n'en soyons incontinent advertiz par luy sans lequel nous trouverions bien empeschez de vous faire entendre si amplement des nouvelles et occurances de deçà*. Dont supplions V. M. luy donner quelque honneste provision afin qu'il ayt toujours meilleure volunté de continuer à vous faire service, ce qu'il faict d'aussi bon cueur que personnage que congnoissions de par deçà. Il a plusieurs enfans et entre autres ung qui est en aage compétent et de tel sçavoyr et qualité, quant V. M. luy feroyt quelque bien à l'Église, nous vous pouvons bien asseurer que le bénéfice ne seroyt poinct mal colloque en son endroyct ^ Par quoy supplions V. M. en avoyr telle souvenance que sa naturelle bonté est acoustumée avoyr de tous ses autres humbles et affectionnez serviteurs.

« Sire, despuys avoyr achevé la présente despesche et sur le poinct que estions pour la signer, avons receu vostre pacquet du xxiif du passé, et pour ce qu'il nous semble vous avoyr presque respondu sur tous les poinctz que par icelle nous escripvez, ne vous en ferons plus longs propoz pour ne vous user de redicte et ne retarder davantage le présent porteur. »

Vol. 2, f'^ 328 x°, copie du xvF siècle; 3 pp. in-f°.

PELLICIER AU MÊME.

399. — [Venise], 9 mai 1542. — « Sire, vous avez peu veoyr par lettres que je vous ay escriptes le dix-huictiesme du passé comme le seigneur Bertrame Sachia estoyt restitué dans Marran. Depuys, pour éviter les empeschemens que journellement adviennent à faulte de se déclairer, sommes allez vers la Seigneurie pour luy faire entendre le contenu de la lettre du xiiii'^ dudict moys touchant l'acquisition dudict Marran : ce que avons faict le plus persuasiblement qu'il nous a esté possible, avecques toutes les remonstrations que avons peu adviser estre à propoz pour leur faire trouver bonnes les causes qui vous ont