PELUCIER AU CARDINAL DE TOURNON

266. — [ Venise], 22 août iô4i ,-^ii Monseigneur, estant bien asseuré que verrez tout ce que j'escriptz présentement au roy, ne vous seroyt que chose superflue de vous en faire aulcune répéticion, mais vous diray que aprez avoir esté l'empereur à Trente troys jours aprez son arrivée, qui fut le x' de ce moys, pour attendre ses lansqueneU et aultres gens qui venoyent aprez pour ne l'avoir peu suy vre à cause des grans journées qu'il avoyt faictes, se partyt de là le xm« pour continuer son chemyn en Itallye; et, ainsi que l'on entend icy, sa cour estoyt fort petite et peu en ordre, et n'eust esté quelque compagnye de gentilzhommes italliens qui furent au davant de iuy avecques le marquis du Guast, qui estoyent fort bien montez et tous dorez, il eust esté mal acompaigné. Auquel marquis l'on dict qu'il feit le plus grant recueil que l'on veit jamais et ne vouUut souffryr que parlant à Iuy fust descouvert; et aprez avoir tenuz propoz ensemble quelque espace de temps, s'arrestèrent en se regardant l'ung l'aultre en soubzriant : ce que l'on veult estimer avoir esté faict pour quelque bon tour et stratagème que ledict marquiz pourroyt avoir faict, que l'on ne pourroyt mieulx interpréter que la prinse des seigneurs Cézar Frégose et Rincon, et de la deshontée et impudente négation du cas. Si est-ce que l'on entend de plusieurs endroictz qu'ilz sont à Grémonne, mesmement par ung cirurgien qui s'est laissé entendre avoir esté dedans le chasteau pour penser et curer le seigneur Camille * des férides'et coups qu'il avoyt euz à ladicte prinse; et disoyt de plus qu'il avoyl senty quelque vent que de là à huict jours l'on debvoyt bailler la question au seigneur César Frégose. Aultres disent que aprez avoir sceu d'eulx ce que l'on en pourra avoir, que on les fera mener à Yschia*, bisle et lieu grandement fort dedans la mer prez de Naples xx ou