Autre agent de P. Strozzi

[août 154i] GUILLAUME PELLICIER 397

» Je ne veulx oblyer à faire mes affectionnées recommandations k messer Francesco da Pazzi. »

Vol. 2, f» 218, copie du xvi* siècle; 1 p. in-f>.

PELLiaER ET LE CAPITAINE POLIN AU ROI *.

263. — [Venise], i 8 août iô4i, ^ a Sire, par les lettres du v de ce moys V. M. aura peu veoir l'exposition que avons faicte k cez Seigneurs, suyvant la charge et commission qu'il vous a pieu nous donner, de la négotiacîon que avons faicte avecques eulx jusques audict jour.... Vous dirons comme depuys très instamment les avons sollicitez puysque leur bon plaisyr avoyt esté nous concéder une gallère, ainsi que vous avons escript, qu'il leur pleust la faire aprocher plus prez que Histrye, attendu que les plusgrans dangers estoyent de passer jusque là : chose, Sire, que nous ont libérallement accordé, l'ayant faicte admener jusques auprez de ceste ville. Et pour ce. Sire, que auicuns de voz grans et affectionnez serviteurs qui sont icy ont esté d'adviz que avant mon partement je leur proposasse et misse avant la déclaration que a faict faire le Grant Seigneur à leur ambassadeur Badouare, de laquelle avez envoyé un double à moy de Montpellier, moy, cappitaine Polin, leur déclairant de rechef la grande voulenté et désir que aviez de leur faire plaisyr en toutes choses, affîn que si le Grant Seigneur venoyt à m'en demander, m'aviez commandé sçavoir d'eulx ce que je luy en debvroys respondre pour selon cela m'y gouverner, pour aultant que V. M. ne désiroyt sinon entre tenyr l'amytié qu'ilz avoyent avecques le Grant Seigneur, congnoissant très bien le bien et repoz qu'ilz en povoyent recepvoir; et aflin qu'ilz poussent congnoistre la sincérité et intégrité d'icelle estre telle que ne diriez jamais chose que n'en voulsissiez encores monstrer davantaige par effect, leur réplicqué aussi que là où ilz vouldroyent vous rechercher d'entrer en une plus estroicte confédération et amy tié secrette ou aultrement avecques vous, que y entendriez et l'auriez très agréable; et s'il leur sembloyt en parler audict seigneur de Montpellier, ainsi que leur avoys dict dernièrement, il y feroyt responce. Leur remonstrant très bien que si voz forces et les leurs estoyent joinctes ensemble, seroyent non seullementpour asseurer leurs affaires, mais entreprendre pour illustrer et augmenter leur républicque : les exhortans le plus modestement et efficacement qu'il nous esloyt possible d'entrer en bonne et estroicte ligue avec V. M. Et que le plus tost seroyt le meilleur, attendu que le Grant Seigneur les en pryoit, ainsi qu'ilz

1. « Geste lettre fut mise au mesmes pacquet de la suy vante, du xxii de ce moys. »

povoyent avoir entendu, comme je croyois que le semblable ayoyt-il faict à V. M., combien qu'il n'en fust aulcun besoing pour vous affectionner davantaige envers eulx, veu la naturelle inclination que avez tousjours eue à leur estât. Sur quoy, Sire, avons trouvé estre le meilleur de ne les presser ne rechercher aultrement de nous y faire responce, ains les laisser faire ce que bon leur sembleroyt pour veoir si d'eulx-mesmes viendroyent h nous la faire; mais les allant remercyer de leur gallère qu'ilz avoyent faict venyr et prendre congé d'eulx, n'ont faict aulcun semblant d'en avoir jamais oy parler. Et si n'ay failly de rechef de leur faire très bien entendre la bonne voullenté que leur avez toujours portée, et s'ilz me voulloyent rien commander où j'alloys, que je ne fauldroys m'y employer comme pour voz affaires propres, ayant tel commandement de V. M. Aquoy ne m'ont faict aultre responce, sinon généralle et à l'accoustumée, qu'ilz ne fauldront en tout ce qu'ilz pourront vous agréer et complaire, sans nous toucher aultrement d*aulcune particularité : chose que aulcuns estiment à bon augure, allégant une reigle de droict que dict : Qui se taist se consent. L'on verra avecques le temps ce qu'ilz en vouldront faire, et moy de Montpellier ne fauldray à les entretenyr tousjours en l'affection qu'ilz vous portent, en les y attirant davantaige s'il me sera possible ^ »

Vol. 2, fo 218 v«, copie du xvi® siècle; i p. 1/2 in-f».

PELUCIER AU MÉIIS *.

264. — [Venise], 22 août iô4i. — « Sire, j'estime bien que V. M. pourra avoir entendu le passaige de l'empereur par Ispruch. Depuys le xo de ce moys est arrivé à Trente, où sesjourna troys jours attendant ses lansquenetz et aultres gens qui, pour les grand journées qu'il avoyt faictes, ne l'avoyent peu suyvre. Et le commun bruyct est icy que il veult aller en Algier, et certes Ton est adverty qu'il a dict aax ambassadeurs de cez Seigneurs avoir le moyen de le prendre; ce néantmoings, quant il ne pourroyt ce faire, que à tout le moings endommageroyt-il beaucoup les choses des InQdelles. Et par le bruyct de son armée s'attendoyt bien de divertyr le voyaige du Grant Seigneur en Hongrye ; aux affaires de laquelle avoyt donné tel ordre qu'il n'avoy t pencement, quant toutes les forces dudict Grant Seigneur y seroyent, qu'ilz y feissent rien. Et que jusques à présent les gens que y avoyt mandez icelluy Grant Seigneur n'estoyent que canailles telles que le siège de Bude n'estoyt pour se lever pour eulx ; toutesfoiz qu'il ne

1. • Escript le xx" d'aoust à M. de Rhodez, ainsi qu'est contenu en ung mémoire qui est avecques les mynutes. ■

2. « Geste dépesche fut mandée en dilligence jusques à Thurin par messer Jo. Baptista Corso. »

[aOI}T i54i] GUILLAUME PELLICIER 399

laisseroyt encores de y mander pour renforcer le camp du roy Ferdinando troys mil Italiens soubz la charge du marquis de Mus, quelque bruict que Ton gette d'Algier. Le pape, discourant de son voyaige avecques l'ambassadeur de cez Seigneurs prez de Sa Saincteté, s'est arresté qu'il estoyt plus tost pour couryr sur vos terres et marynes de Lenguedoc, et nommément d'Àigues-Mortes que aultre part. Dont À présent ceulx qui icy ont plus à cueur les affaires de Y. M., — ayant esté descouvert le traicté du cappitaine de Suysse et aultres en Piedmont, et entendu que le pape qui monstroyt avoir paour de l'empereur et qui pour ceste cause faisoyt grant nombre de gens, pour ainsi que on est adverty en avoir mandé une bonne partye à Noverre \ et luy, qui faisoyt semblant se reffuser tant l'entreveue et aboucquement avecques ledict empereur, quant est venu le point et temps s'estant rendu plus facille pour aller si loing comme Lucques et en pays et povoyr d'aultruy, — se doublent et estiment que Tung et l'aultre, ayant intelligence par ensemble, ont faict getter ce bruict d'Algier, pour pencer couvrir cesdictes entreprinses si d'aventure il ne povoyt venyràbout d'icelles ou d'auUres que il seroyt pour tenter; carde celle d'Algier on estime que s'il tardera guéres plus, qu'il en sera bientost excluz. Et ne faict hors de propoz une lettre que ay receue de vostre serviteur d'Allemaigne qui admoneste debvoir advertyr incontinant que l'on doibve envitailler et munyr très bien les terres de Pyémont, et tenyr dedans gens loyaulx et fi délies, pour ce que l'empereur avoyt deslibéré de faire une cmprinse contre V. M., que, comme il dict, l'on ne pourroyt jamais pencer de quel cousté ne en quelle sorte ne manière : de quoy n'ay failly soubdainement advertyr M. de Langey. Je vous envoyé la coppye de ladicte lettre, par laquelle V, M. pourra plus au long veoir combien ledict personnaige est vostre affectionné serviteur; mais que celluy qui yra par devers luy pour entendre encores plus au long de bouche les choses qu'il ne veult mettre en danger d'estre descouvertes en les escripvant, soyt de retour, je ne fauldray incontinantà vous dépescheren toute dilligence homme exprès pour le vous faire scavoir, s'ilz requièrent telle dilligence. Je vous ose bien asseurer, Sire, que je l'ay tousjours trouvé aultant seur et véritable en ses advertissemens que nul aultre de deçà que vous servent en telz affaires. Je vous envoyé aussi une aultre lettre d'ung vostre affectionné serviteur de Millan, par laquelle pourrez veoir quelque provision qui se font de barcques, pontz et eschelles, je ne sçay entendre à quelz fins. J'ay mandé aussi ung double de ladicte lettre à M. le maréchal d'Hannebault qui pourra à l'adventure mieulx entendre où telle chose se pourroyt dresser.

« Sire, le seigneur Pietro Strocy, cherchant tousjours tous les moyens

i. Novara, place forte du Piémont, & 80 kilom. de Turin.

400 AMBASSADE DE [AOUT lo4l]

dont il se peult adviser de faire chose qui soyt au service et grandeur de Y. M., avoyt avecques M. le prieur son frère * communicqué au seigneur cappitaine Polin et à moy quelque entreprinse de bien fort grande importance et commodité; laquelle ce néantmoings pour n'estre les chemyns maintenant trop seurs pour mander lettres et pacquetz à la court, et qu'il ne vouldroyt pour rien du monde que tel affaire fust descouvert, avoyent advisé vous debvoir advertyr seullement que s'il plaira à V. M., qu'il se transporte par devers vous pour le vous faire entendre avecques aultres choses que, en luy commandant, ne fauldra incontinant à ce faire. Dont nous supplyons V. M. nous faire entendre sa voullenté si bon luy semble; et suivant ce que ay escript à V. M., que le comte de la Myrandola m'avoyt envoyé ungde ses gentilzhommes avecques M. de Sainctaye, pour m'advertyr que venant l'empereur en Ytallye luy seroyt besoing pour la conservation de sa place d'avoir plus grant nombre de gens, et que pour ce faire n'avoyt argent prest; et oultre que, comme luy avoyt certiffyé ledict seigneur de Sainctaye^ les chemyns de Thurin à la Myrandola n'estoyent seurs pour en faire venyr de là, et qu'il sçavoyt bien ledict seigneur de Langey n'avoir argent pour cest effect, dont estoyt contrainct se retirer vers moy pour luy en fournyr, m'ayant encores depuis envoyé icy son sçcrétaire pour m'en solliciter de rechef, me remonstrant les dangiers et causes pour lesquelles à meilleur droict il auroyt occasion de pourveoir à son affaire, pour ladicte venue de l'empereur, attendu que le pape et cez Seigneurs qui ne se debvroyent doubter dudict empereur comme luy, pour l'amytié, ligue et parenté que Sa Saincteté a avec icelluy, ne laissent à se pourveoir et tenyr sur leurs gardes. Par quoy d'aultant plus luy estant tenu grandement contraire et rebelle dudict empereur, et, considérant en oultre la confyance qu'il povoyt avoir aux ministres dudict empereur par le tour qu'ilz ont faict aux seigneurs Cézar Frégose et Rincon, se debvoyt tenyr sur les siennes. A ceste cause me pryoit le plus tost luy envoyer argent, affin d'entretenyr tousjours les souldardz qui sont en ses terres et autour, qu'ilz ne prinssent aultre party. Dont, ensuyvant la promesse dudict seigneur Strocy, l'ay pryé en voulloir fournyr quelque bonne somme ; ce qu'il a très libérallement et promptement accordé, etdepuys desboursé, pour faire par Tadviz dudict seigneur cappitaine Polin, six mil escuz, et mandé à la Myrandola, en compagnye du commissaire et contrerolleur que y avons ordonnez, son lieutenant messer Francesco de Pazzy, pour faire le payement. Lesquelz estant arrivez là, le xni® de ce moys, ont trouvé

1. Par lettres données à Fontainebleau, le 28 décembre 1541, des provisions de l'état de capitaine de dix galères furent accordées en faveur de Leone Strozzi, prieur de Capoue, commandeur de Tordre de Saint-Jean de Jérusalem, à la charge de prêter serment au gouverneur de Provence (Cat. des actes de François I", t. VU Suppl., p. 648, n*" 22, 281).

[août i54i] GUILLAUME PELLICIER 401

que le seigneur comte avoyt desjà dépesché huict cappitaines, les sept ayant soixante hommes chascun, et le huîtiesme cent quarante, qui sont en tout 560; lesquelz, pour les advertissemens que ledict seigneur comte leur monstra, et que desjà il avoyt la fauterye faicte, m'ont escrit avoir esté esmeuz faire le payement desdictz. Bien est vray, Sire, que ledict seigneur comte m'avoyt faict entendre que venant ledict empereur en Itallye , fust-il tant paisiblement et amyablement que Ton vouldroyt, luy aviez ordonné de faire cent hommes davantaige pour la garde de ladicte place. Or, pour avoir esté adverty d'Mlemaigne, Millan, Rome et d'ung serviteur de Tempereur qui est bien pour sçavoir telles si secrettes et importantes choses, que Tempereur, s'offrantla commodité, n'estoyt pour mettre en arrière Tentreprinse de la Myrandola; et que, pour ce faire, il avoyt faict demander à M. le duc de Ferrare soixante pièces d'arlillerye, tant canons que aultres, avec la municion apartenante pour faire la batterye de ladicte place, l invitant ad ce pour luy promettre la luy infeuder s'il la povoyt prendre. M. le cappitaine Polin et moy avons trouvé nécessaire et expédyant estre faicte ceste despence dont vous plaira, Sire, commander qu'il soyt ordonné estre remboursée ladicte somme, le plus tost que faire se pourra, à sire Françoys Biny, agent desdictz seigneurs Strocy à Lyon, afiin que les proffictz et intérestz ne courent davantaige et qu'ilz ayent tousjours meilleur moyen de faire service à V. M. : à quoy je les veoys tant dévotz et affectionnez qu'il n'est possible de plus.

« Sire, j'ay esté adverty en oultre que l'enjpereur a dict aux quatre ambassadeurs que cez Seigneurs ont envoyez au devant de luy, comme vous ay escript, en la présence de plusieurs aultres ambassadeurs et grans personnaiges, qu'il n'avoyt jamais donné charge à ses ministres de prendre les seigneurs Cézar Frégose et Rincon ; et asseuroyt ce par son serment et que ses gens n'eussent osé faire chose de telle importance et conséquence sans son sceu et congé. Dont failloyt que ce eussent esté quelques assassins et malvueillans desditz seigneurs, et que le marquiz du Guast s'en estoyt très bien purgé et excusé de sorte que en estiez demeuré contant et satisfaict de luy, et que la chose estoyt paciffiée, congnpissant très bien V. M. qu'il y avoyt procédé et procédoyl justement pour faire entendre la vérité et ignoscence du cas.

« Sire, l'ambassadeur de l'empereur qui est icy, incontinant aprez avoir entendu que son maistre fût arrivé h Trente, y alla en toute dilligence, et après avoir consulté cinq ou six heures avecques ledict empereur, le marquis et Granvelle, fut dépesché soubdainement pour s'en revenyr vers cez Seigneurs avecques lettres de créances; mais pensons sçavoir pour vray qu'il ne leur ayt nullement exposé aulcune particularité, sinon de la grant amytié, bonne voullenté et affection que ledict empereur porte à ceste républicque, ainsy que par effect congnoistroyent avecques le temps, et des bons offices qu'il avoyt Vbhise. - 1540-1542. 26

402 AMBASSADE DE [aOUt lS4i'

faictz envers Tempereur pour eulx, mesmement du différant de la jurisdiction d'Âquillée, dont vous ay escript aultresfoiz; ayant aussy prochassé la restiiucion de quelques marchandises qui avoyent esté prinses avecques une nef appartenante à messire Jehan Delphin, gentilhomme de ceste ville, par les gens dudict empereur*. El depuys, Sire, est retourné encore une aullre foiz en coUiége, disant à cez Seigneurs qu'il avoyt receu lettres de l'empereur luy mandant qu'il eusl k Tallér trouver à Millan, et qu'il voulloyt entendre de luy des choses d'Affricque, d'aultant que ledict empereur sçavoyt qu'il en estoyt praticien; et quant il plairoyt à l'empereur il seroyt pour faire le voyaige, pour l'affection qu'il a de luy obéyr en toutes choses. Ce néantmoings que seroyt contant qu'il le laissast auprez d'eulx, leur pryant mettre sur leurs terres pour aller à Millan dix ou douze chevaulx pour chascune poste; et combien. Sire, qu'il ayt pencé par là faire k croyre qu'il y va pour cest affaire, ce néantmoings cez Seigneurs et chascun se doublent bien que ce soyt pour quelque aultre chose; si ne sçayt Ton conjecturer quelle elle soyt.

Sire, j'ay receu ung pacquet de messire Vincenzo Maggio ouquel, pour le seigneur Rincon ne pour moy n'avoyt chose de grant importance, escripvant seullement par ses lettres du premier jour de juillet se debvoir partyr de Péra le v« pour aller trouver le Grant Seigneur, qu'il espéroyt faire à Sophia, d'aultant qu'il debvoyt sesjourner six jours en Andrinopoly, et qu'il avoyt entendu que les janissaires qui estoyent avecques Soliman Bassan qui s*en alloyt contre le Sophy s'estoyent mutinez contre les esclaves dudict Bassan, pour aulcunes injures qu'ilz leur avoyent dictes, de sorte que quelques ungs s'estoyenl tuez entre eulx : k cause de quoy ledict Bassan avoyt faict tailler la teste à plusieurs des chefz desdictz esclaves. Et oultre escript qu'il avoyt aussi entendu que le Grant Seigneur conduysoit Lotphi Bassan ainsi privé qu'il estoyt, et que aulcuns disoyent qu'il seroyt réintégré. El par un postscripta en chiffre du iiii* dudict moys escript que ledict jour estoyt espandu ung bruict en Constantinople que Bude estoyt prins du roy Ferdinando, et qu'il doubtoyt fort que le Grant Seigneur s'accorderoyt avecques l'empereur, pour avoir commodité de s'asseurer du couslé du Sophi ; disant ledict messire Vincenzo qu'il ne fauldroyt y faire son debvoir, car sçavoyt que Laschi feroyt tout son povoir de le pourchasser, mesmement estant fuye la reyne de Hongrye avecques son filz ainsi que l'on disoyt en Transilvania et qu'elle estoyt desjà avecques le roy de Polongne : mais tout cecy, Sire, n'asseure estre véritable, ce néantmoings n'ay voullu obmettre à vous l'escripre.

1. Giovanni Delfin, armateur vénitien. Un Giovanni Delfino fut ambassadeur de Venise en France, du 25 septembre 1584 au 25 janvier 1588 (V. Baschct, Archives de Venise f pp. 342 et 674).

[août i54l] GUILLAUME PELLICIER 403

« Sire, aprez achevé la présente, ay receu ung aullre pacquei de messire Vincenzo Maggio, du premier de ce moys, escripl à Niso*, ouquel ay trouvé une lettre pour V. M., que luy envoyé présentement. Et ne m'escript chose d'aulcune importance, m'advertissant seullement avoir receu mes lettres par lesquelles luy donnoys adviz de la prinse des seigneurs Gézar Frégose et Rincon, et qu'il espéroyt estre dedans huict jours à la Porte. JVestime que par celle qu*ii vous escript n'aura rien obmys de ce qui est requis et digne de vous faire sçavoir.

« Sire, je viens d'estre adverty tout à ceste heure que aulcun des principaulx de ceste ville ont eu advertissemens de Millau que les Impériaulx avoyent très bien deslibéré donner sur la Myrandola s'ilz l'eussent trouvée despourveue ; mais que, la voyant si bien équippée, s'en sont déportez pour ceste foys, se attendans bien que après que l'empereur sera party d'Ilallye, n'ayant plus aulcun souspeçon. Ton fera retirer les gens qui y ont esté faictz, ne sera si bien munye qu'elle est : dont alors lesdictz Impériaulx pourront mieulx faire leur entreprinse. De quoy, Sire, vous ay bien vouUu adverlyr, afTin que s'il vous sembloyt avoir lieu de y faire fondement, vous plaise ordonner de ce que Ton aura à faire. »

Vol. 2, f» 219 vo, copie du XVP siècle; 5 pp. in-P».

PELLICIER A M. D'ANNEBAULT.

265. — [Venise], 22 août i54i, — « Monseigneur, pour avoir entendu par celle qu'il vous a pieu m'escripre vostre arrivée en Pyedmont et de son bon estât, qui m'a esté aultant à plaisyr que nulle aultre chose que eusse sceu avoir, m'a semblé vous faire la présente pour m'en congratuler et continuer à vous advertyr de tout ce que je puys apprendre, comme eelluy qui est grandement obligé à faire chose qu'il cognoistra vous estre agréable; vous remercyant bien humblement de l'ordre qu'il vous a pieu donner avant vostre partement de la court sur mon remboursement des mises extraordinaires que j'ay faictes icy. Mais pour ceste heure, pour la presse que j'ay et habondance d'affaires, vous escripray seullement sommairement ce que plus semble povoir toucher de vostre cousté, me remectant au reste aux lettres du roy que pourrez veoir; lesquelles vous plaira ordonner à M. vostre secrétaire faire fermer quant les aurez leues... »

PelUcier donne ensuite à d'Annebaull des nouvelles des subsides avancés par Pierre Strozzi pour les renforts de troupes destinés à la Mirandole, et lui fait part des projets des Impériaux contre cette place.

i. Nîsch ou Nissa, viUe de Serbie, & 185 kilom. de Semendria, sur la Nissava, afnuenl de la Morava.

404 AMBASSADE DE [àOUT i54i]

«... Monseigneur, vous verrez aussi par quelques doubles de lettres d aulcuns bons serviteurs de S. M., les traictez et menées de ceulx qui ne laschenl par quelque moyen que ce soyt à venyr à chef de leurs attentes, et mesmement en Piedmont : de quoy ay adverty M. de Langey. Vostre Excellence sçaura trop mieulx comprendre à quelles fins se font cez barcques, pontz et eschelles contenues en une desdictes coppyes que ne sçauroys pencer. Dont ne m'estanderay àluy en dire aultre, seullement vous supplieray mander lesdictes«oppyes au roy, et me mainclenyr tousjours en vostre bonne grâce... »

Vol. 2, ^ 222, copie du xyi® siècle; 4 p. 1/2 in-fo.