Tornielli

Vbkisb. — 1540-1542. 27

418 AMBASSADE DE [SEPTEMBRE 154l]

Ferrare, je n'ay failly de Ten advertyr et Madame aussi de ce que touchoyt à luy. Et pour ce qu'il estoyt jà party de Ferrare pour ledict voyaige, Ton luy a mandé la lettre. De laquelle n*ay encores eu responce» mais madicte dame m'a faict sçavoir qu'il avoyt entreprins seullement le voyaige pour satisfaire an vouUoir de Nostre-Sainct-Père» lequel Tavoyt recharché pour accompaigner sa personne, et en oulire pour certain sel qu'il veult avoir de luy. Et quant aux choses de la Myrandola, qu'il en a faict telle demonstracion par le passé que Ton n'en peult que bien espérer à l'advenyr, mesmement pour avoir faict une responce assez crue à ceulx qui l'en avoyent n'y a guières recherché. Sire, pour ne po^oir bonnement entendre le principal point qui a meu le pape et l'empereur de se assembler à Lucques, l'on en gette icy plusieurs et divers sortz; mais ce néanlmoings tout s'accordent ad ce que ice n'est pour aultre que pour butlinemens d'estatz. Et mesmement d'itallye, sçavoir est k qui telle chose pourroyt toucher, tiennent que le pape chercheroyt avoir la Tuscane en fornissant d'argent à l'empereur. Les aultres qui vont en cest affaire discourant plus incerlainement veuUent dire que icelluy empereur veult persuader k Sa Saincteté de faire que le concilie général se convocque en Allemaigne selon la promesse qu'il a faict aux AUemans; ou bien que en reffuz de ce il le feroyt faire national entre les obédiens et protestans. Mais, Sire, aulcuns de voz affectionnez serviteurs qui sont icy et mesmement entre les aultres ung qui est venu d'auprez de Sa Saincteté n*a pas longtemps, comme vous ay escript le v® du passé, qui est M. de Lode, par les propoz que icelle Saincteté luy a tenuz, sont d'adviz qu'elle s'est voullu trouver à cest abouchement de Lucques plus pour essayer d'avoir la duché de Millan que pour aultre chose, et que pour ce faire Sadicte Saincteté avoyt amassé de longue main une grant somme d'argent pour fournir ad ce, laquelle y a plus de deux moys se montoyt à ung million deux cens quatre vingtz mil escuz. El mectoyl ordre par tous les moyens qu'il povoyt adviser d'en assembler encores jusques à troys cens mil, pour povoir fournyr audict empereur, si l'affaire venoyt avant entièrement, un million d'or et demy, et, pour couvryr ledict affaire, faire semblant en premier lieu de la prendre par manière d'engaigement ou mieulx de dépostz du consentement de l'empereur, et vous faire recharcher de vous voulloir accorder ad ce, monstrant depuys de vouUoir essayer de vous getter du tout hors de ce débat par une voye ou aullre ' .

1. Des variantes de cette rumeur circulaient à Lyon, dans la colonie italienne» suivant une intéressante dépêche de Howard à Henri VIH, dalce de Lyon, le 24 septembre 1541 : ■ There is a saying hère in Lyons emongest the Italliens, Ihat th'Emprour will graunte the Bischopc of Rome the towne of Sienna for his nephew, and that the Bischope will gyve llym a myllian of golde. Some say the Bischope of Rome will gyve Hym Avynion, but fewe beleve that th'Emprour will take yl> bycawse yt is within the Frenche Kinges domynion » (State papers of Uenry VI li, vol. Vm, p. 607).

[septembre 1541] GUILLAUME PBLLICIER 419

Laquelle entreprinse et négotiation Sadiete Saincteté n'est de présente à pourchasser ainsi que j'ay esté adverty; car, dernièrement que Tempereur vint en Itallye, estant à Naples, il Tavoyt conduytte si avant que dès ce temps là' s'attendoyt bien d'en venyr à bout, ne fust que cez Seigneurs entendans les estroictes praticques que le pape faisoyt avecques Tempereur, et se doubtans que ce fust pour aultre enteprinse, se hastèrent de faire la benoiste ligue; par laquelle promirent audict empereur de luy donner secours envers et contre tous à la dëifension de la duché de Millau. Dont Sadiete Saincteté leur en sceust si maulvais gré que Ton ne sçayt si encores il s'en souvient. Or, soyt comme se vueille, je suys adverty que le pape en tint propoz, n'a pas deux moys, qui donnoyent bien à congnoistre qu'il estoyt encores en ceste fantaisye de tascher à ce marché : à quoy aulcuns de bon jugement estiment pour plusieurs raisons que l'empereur seroyt pour entendre, et mesmement pour recouvrer si grosse somme d'argent comptant, et encore que le pape sera en ce faisant pour luy en fournyr par termes aultres aussy grosses sommes. Et aussi voyant en telz termes ses choses de la Hongrye, mais encores plus tost sçaichant très bien que estant entre les mains du seigneur Ottavian, pour qui le pape la vouldroyt *, en joyroyt aussi bien que s'il la tenoyt en ses mains, estimant aussi ledict empereur qu'il ne sçaura moings avoir le moyen et succez qu'il eut du temps que le seigneur Francesco Sforcye la tenoyt ', de la réduyre en son povoir. Et par ainsi auroyt bourse et argent, et avecques ce ne feroyt pas peu de se lever ung si grant fardeau de dessus les espaulles, la deffendant contre ceulx à qui elle appartient, et chasser de soy la jallousye et envye que y ont les potentatz d'Itallye de ce qu'il la retient en y mettant ung particullier et ne perdre rien de la pension qui luy en reviendroyt. Ce qu'il pourroyt bien faire, le tenant en sa main, des rentes et tributz ordinaires, je ne diray pas des extraordinaires durant les guerres, pour ne les povoir recouvrer. Et quant ad ce que l'on pourroyt trouver estrange que le pape se voulsist empatronnyr et mesler de telles choses, il penceroyt bien, soubs le nom et l'umbre de sondict nepveu, filz de madame Constance, pour porter le nom de Sforce, pour ne perdre le nom et armes de la maison, povoir trouver moyen et persuader au monde et faire de sorte avec V. M. que la luy lairriez en paix, et depuys avecques le temps la faire venyr de sforcesque farnesque; et ad ce, pour ceste couUeur a il vouUu persuader ledict M. de Lode, comme il m'a asseuré, à vouUoir ayder et tenyr la main pour estre du sang et nom de la case sfor-

1. L'empereur espérait obtenir de François 1*% par rentremise du pape, une prolongation de la trêve, et le pape se flattait de faire attribuer par l'empereur le Milanais à son petit-fils, Ottavio Farnese.

2. Prancesco-Maria Sforza, mort en 1535, et le dernier de sa famille qui ait régné sur le duché de Milan.

420 AMBASSADE DE [SEPTEMBRE i54l]

cesque. Je ne sçay si cesie mauvaise nouvelle sera suffisante de les divertyr de ceste praticque, mais si est-il que comme cez Seigneurs ont par lettres du im<» de leur secrétaire Fidel, estant allé le Pozzo, auquel Tempereur donne grant crédict, vers luy de par le pape *, luy avoyt dict que Sa Saincteté de présent ne se mouveroyt point à faire aulcune ligue avecques luy pour les choses dltallye, et seroyt bien besoing que voullant S. M. obtenyr cela du pape, qu'il luy fist et promis! choses bien grandes pour le seigneur Ottavian. Dont dict que ledict empereur entra en grandissime collère, et luy eschappa à dire des choses du pape que jamais plus n'avoyt acoustumé dire, adjoustant ce néantmoings que si Sa ^aincteté faisoyt ce qu*il désiroyt, qu'il se pourroyt faire ce qu'il diroyt, et qu'il ne se doubtast point que les Seigneurs Véniciens ne soyent pour confirmer le tout, car il les avoyt en son poing. Laquelle chose a fasché cez Seigneurs jusques au cueur, lesquelz on tient pour certain que au pys faire sont pour demeurer neutralz : de quoy, Sire, ay bien voulu advertyr V. M., affin que là dessus on prenne ce qu'elle congnoistra par son singullier et infallible jugement estre le plus vray semblable.

« Sire, j'ay esté adverty que l'empereur, estant à Trente avecques Tévesque de là ' luy voullant persuader de ne se partyr d'Allemaigne ou à tout le moings d'Itallye, pour povoir donner meilleur ordre aux choses de Hongrye, ledict empereur luy feist la responce que j'ay entendu luy et les siens avoir tousjours usée en cest affaire, c'est qu'il avoyt si bien pourveu aux affaires de ladicte Hongrye que le Turcq ne luy feroyt rien pour ceste année; et quant à l'Itallye, qu'il estoyt tout asseuré que V. M. n'y feroyt point guerre pour ceste foyz ne jusques à la prime vère, si d'aventure alors estiez pour la faire. Et sur ce propoz j'ay veu lettres de Gennes par lesquelles s'entend ledict empereur avoir escript à André Doria qu'il a très bonne intelligence avecques V. M., et qu'il ne faut point doubter de vostre cousté d'aulcun destourbier en Itallye, et que cela fust vray, ne faisiez aulcune démonstracion de vous vouUoir mouvoir, ains estiez encore à Moulins, ayant deslibéré au partyr de là aller à la chasse en Bourgongne ^.

1. Giovanni Poggio, évêque de Propea, originaire de Bologne, mort dans cette ville le 12 février 1556. Veuf de bonne heure, il était entré dans les ordres et fut envoyé par Paul III, comme nonce, en Espagne et en Allemagne. Jules 111 le renvoya plus tard en Espagne de nouveau, et le fit cardinal en 1551.

On a publié de lui un recueil de lettres écrites en 1534 sur les événements de son temps.

Le ms. 196 du fonds SainUGermaln, à la Bibl. nat., renferme une « InMiruUione al vescovo Poggi mandalo dalV imperaiore a N. S. per la pace col re Francesco l*rimOj per la ceUbralione del concilio et aliri negotii •,

2. Cristoforo Madruzzi, cardinal. On le retrouvera plus loin.

3. Le roi séjourna à Moulins du 29 juillet au 8 août 1541, et partit de là pour la Bresse et le Méconnais. 11 était à Mâcon le 7 septembre (CaL des actes de François I^^ t. lY, pp. 225 à 230 et 239).

[septembre 1541] GUILLAUME PELLICIER 421

« Sire, j'ay receu lettres escriptes à Constantinople les xxin et XXVII» jours de juillet par ung Petro Pomaro auquel messire Vincenzo Maggio, le congnoissant ancien serviteur du seigneur Rîncon \ a laissé charge de sa maison, et commission de nous advertyr de ce qu'il pourra survenyr audict Constantinople, par lesquelles me faict entendre que le xx* de ce moys Barberousse avoyt eu commission du Grant Seigneur d'armer quatre vingtz gallères, et que ledict Barberousse luy avoyt dict que le camp et armée dudict Grant Seigneur estoyt au commandement de Y. M. Et par lettres de Tambassadeur de cez Seigneurs qui est demeuré en Constantinople, ont entendu que ledict Barberousse avoyt eu commission d'en armer cent, mais que le second defterdari, c*est le trésorier qui demeure à Constantinople comme lieutenant du Grant Seigneur quand il va en camp ', n'avoyt vouUu fournyr argent, craignant que ledict Barberousse fust pour jouer quelque faulx bon audict Grant Seigneur. Et m'escript dadvantaige que cinq jours auparavant la datte de sadicte lettre comme ung More de Thunis, estans sortiz hors la porte Barberousse et le sangiacque de Constantinople, donna d'une escuelle de pourcelaine sur le visaige dudict sangiacque, pençant donner sur celluy dudict Barberousse; lequel More, quant il eust ce faict, constamment dist estre party de Thunis luy et deux compagnons pour cest effect, et que ladicte escuelle estoyt enchantée sur ledict Barberousse. Qui est tout ce qu'il m'escript de ce cousté là, fors qu'il avoyt entendu que auprez de Belgrade estoyt arrivé au camp du Grant Seigneur ung ambassadeur de Portugal.

« Sire, j'ay aussy esté adverty comme le seigneur Marin Justinian, à présent ambassadeur pour cez Seigneurs vers l'empereur, que icelluy empereur, entendant ceste desconfilte, en la présence de tous se couvrist des mains le visaige; en quel estât se tint sans se remouvoir ung quart d'heure, et puys s'enferma en sa chambre oti fut plus de six grosses heures seul. Et aprez sortyt le plus triste et affligé que l'on veit oncques, et dépescha sur l'heure M. de Grantvelle vers le pape pour l'en advertyr et le pryer se voulloir hasler le plus tost, pour adviser ensemblement de y pourveoir; car k ce coup y alloyt du tout. Escript aussy que icelluy empereur, l'ayant mandé, luy persuada de voulloir escripre à cez Seigneurs du grant desplaisyr qu'il avoyt de ceste nouvelle, non seuUement pour luy et les siens, mais encores pour cez Seigneurs à qui la chose touche grandement pour estre si prez d'eulx; desquelz, pour la grant amour qu'il leur porte, n'a pas leurs affaires moings à cueur ne en aultre recommandation que les siens propres, les pryant luy voulloir donner conseil et adviz de ce qu'il aura à faire

1. Pietro Pomaro, intendant de l'ambassade de France à Constantinople.

2. Il n'y avait, sous Mohammed II, qu'un seul derterdar préposé à la Roumélie, et auquel était adjoint un aide pour les provinces de l'Asie. Plus tard le nombre des defterdars s'éleva jusqu'à quatre (De Hammer, loco cit., t. III, p. 312).

422 AMBASSADE DB j^SBPTBMBRE iU\

sur ce, et au voyaige et entreprinse d'Algier, laquelle encores qu'il eust grant vouUenté de faire, pour estre bien asseoré luy debvoir bien réuscyr, ce néantmoings qu'il en feroy t ce que le pape et eulx luy conseilleroyeut. Les pryant vouUoir rentrer en une nouvelle et bonne ligue avecques le pape et luy pour la deffension de la cbreslienté et de leurs estatz, les confortans que s'ilz n*ont argent, Hz n'ayent esgard ad ce, car le pape et luy fournyront pour tous, voyre pour l'armée que y fera besoing; et que ilz vueillent bien ouvrir les œilz et pencer, car à ce coup il y alloyt du tout. Luy disant en oultre qu'il dépescboyt son ambassadeur domp Diego vers eulx pour cest effect. Cbose de quoy, comme ledict Marin Justinian dict, s'excusa le plus qu'il peult d'escripre à cez Seigneurs; toutesfoiz, à l'instance et persuasion dudict empereur, et aussy, à dire la vérité, qu'il a bruict de luy estre assez affectionné, le leur a faict sçavoir. Le x* de ce moys ledict domp Diego ^ arriva icy, et le lendemain fut vers la Seigneurie, à laquelle demanda le conseil de Diexe, estant le plus secrect, comme Ton peult conjeclureT, pour luy exposer ce que dessus. Je suys aprez pour entendre mieuli le tout afiin d'en prendre adviz et m'y gouverner selon que verray estre à propoz. A quoy. Sire, ainsi que ay entendu, n'aurons pas granl peyne de rabbattre leurs cloudz, encores qu'ilz ayent grant esgard audict empereur estant en Itallye; car, comme Ton est asseuré, cez Seigneurs ne seront point si despourveuz de conseil que, se voyans ung si grief contre-poix si prez d'eulx que le Grant Seigneur, soyenl pour faire chose qu'ilz puissent congnoistre luy desplaire. Et pour ce respect ayant paour que le Grant Seigneur n'entrast en suspicion s'ilz accordoyent leur ville de Vincence ' au pape pour continuer le concilie là, ainsi qu'il avoyt esté assigné cez années passées, et là l'on traictast entre tous les chrestiens de se unyr pour faire la guerre contre luy, quelque réquisition et instance que Sa Saincteté leur en ayt faict faire souvent cez jours passez par son ambassadeur qui est icy, s en sont excusez et luy ont reffusé tout à plat. Et pour maintenyr et accroistre plus la grâce du Grant Seigneur, ilz ont faict la plus grant dilligence du monde de trouver en toutes les bourses qu'ilz peulvent les cinquante mil chequins qui sont ou seront tôt venuz à payement, pour l'accord d'eulx faict avecques le Grant Seigneur, auxquelz ne fauldronl adjouster xx ou xxv™ pour présenter aux bassatz.

« Sire, je viens d'estre adverly que les Impériaulx ont grant doubte et crainte que le Grant Seigneur ne s'accorde avecques les Terres franches et que, voyans les princes d'Allemaigne l'empereur l'avoir ainsi délaissée en ce trouble et dangier, ne soyent pour eslire ung aultre roy des Romains, voyre à Tadventure ung empereur. Et certes les mar-

\ . Don Diego Hurtado de Mendoza.

2. Vicence, en ital. Vicenza, sur le Bacchiglione, à 75 kilom. de Venise.

[septembre 1541] GUILLAUME PELLICIBR 423

chans du fondicque des Tudesques en ceste ville en parlent ainsi tout clairement, disans que lesdictes Terres franches et TAllemaigne ne sont pour endurer plus tel gouvernement que de Ferdinando, et que Ton est pour eslire ung des ducz de Bavières en son lieu, et le semblable faire de Tempereur. Il semble que V. M. ne se feroyt pas peu davantaige au grant crédict qu'elle a audict pays, et au contraire désadvaniaige à l'empereur et les siens, de tascher envers le Grant Seigneur et lesdictz terres et pays de leur faire faire une bonne paix ou trefve avecques luy ; car par là à. l'aventure Ton pourroyt mieulx ranger icelluy empereur et les siens, que par nul autre moyen que on sceust trouver à présent. Et quant à la part que les ducz de Bavières sont pour avoir à. l'empire, advenant que on y deust pourveoir, ce n'est pas de présent la première foiz que je vous en ay faict sçavoir ce que en entendions icy. « Sire, faisant la présente, j'ay esté adverty que cez Seigneurs estoyent aprez pour se résouldre de faire responce à l'ambassadeur de l'empereur de ce qu'il leur avoyt dict, qui est en somme tout ce que est contenu cy dessus, et davantaige que il convenoyt faire à l'empereur de troys choses l'une : c'est d'aller en Affrique, en Levant, ou bien retourner en Àllemaigne; mais qu'il estoyt nécessaire pour le bien et utillité de la chrestienté asseurer les choses d'Itallye, par qaoy l'avoyt envoyé vers eulx pour faire nouvelle ligue. Et s'ilz avoyent quelque respect qu'ilz ne la voulsissent faire publicque, qu'il se contentoyt qu'ilz la feissent secrette, leur disant là-dessus plusieurs belles parolles pour les y voulloii* persuader; leur promettant pour les asseurer que son maistre observeroyt de son cousté tout ce à quoy il s'obligeroyt en faisant ladicte nouvelle ligue, de bailler et mettre en leui^ puissance Crémonne et deux cens mil escuz. Toutesfoiz, pour conclusion n'a sçeu tant faire que ilz y ayent vouUu entendre; et luy ont faict responce que ilz ne povoyent faire aulcune nouvelle ligue, et que l'empereur povoyt bien considérer avecques qui ilz avoyent affaire, et en quelle puyssance le Grant Seigneur estoyt à leurs confins de tous coustez, et qu'il leur estoyt bien besoing de se sçavoir conserver. Par quoy, Sire, je ne veoy qu'il y ayt lieu de rien rabattre, ainsi que j'estimoys bien tousjours qu'il ne seroyt besoing. »

Vol. 2, f» 229, copie du xvi*' siècle; 7 pp. 1/3 in-f».