Envoyée avec la précédente

Vol. 2, ^ 62, copie du xvi« siècle; 2 pp. in-f*.

[octobre 4540] GUILLAUME PELLICIER 115

bien ample commission. S'il estoyt vray, ce ne me seroyt pas moindre bénéfice que le voyaige icy de M. d'Hannebault. Si le roy en contrepoys en mandoyt icy ung aultre, et si mon souhait estoyt digne d*estre i

oy, estant monseigneur le Révérendissime cardinal de Lorraine par deçà comme Ton attend, s'il plaisoyt à S. M. luy donner charge que en s'en retournant passast par cy pour exposer à cez Seigneurs ce que Ton yerroyt estre à faire, me semble que ce ne seroyt pas peu faict pour les affaires de S. M. Si je entendray par cy aprez mieulx de la venue dudict gentilhomme, je ne fauldray à vous en advertyr, et de sa commission si je en pourray rien sçavoir. Ce pendant, je ne faulx ne fauldray à. rabbattre le mieulx que me sera possible leurs menées et entreprinses. Dont, pour ce faire, les lettres dudict seigneur Rincon seront jà bien venues à propoz, pour avoir esté cez Seigneurs advertiz de la machination des ministres de l'empereur à faire révolter non seuUement Napoli de Ronoianye, mais encores toutes les aultres isles et terres de cez Seigneurs en Levant, ainsi que j'estime entendrez plus amplement par lesdictes lettres dudict seigneur Rincon : chose que a mis cez Seigneurs en merveilleux trouble et effroy. Et ont par là cogneu la vérité et vertu de Tadvertissement que je leur en donnay ou moys d'aoust dernier passé, comme lors vous escripveiz: et ce plus clairement, d'aultant que par les instructions et la patente que Petro Seculi avoyt du vice-roy de Napples, a part par les dattes que desjà Tentreprinse estoyt faicte ou moys de juillet auparavant. De quoi cez Seigneurs, se recordans du bon ofGce qui leur fut faict en ce, sça vent merveilleusement bon gré à S. M. et l'en remercyent infiniment. Leur ambassadeur escript davantaige que ledîct Grant Seigneur avoyt libéré messire Francesco Suriano, gentilhomme de ceste ville, pour aller avecques ung chaous à Napoli de Romanye sçavoir s'il estoyt vray que ceulx de ladîcte ville eussent telle voallenté. Et a mandé ledict ambassadeur Badouare au cappitaine dudict Napoli et aussi au général de l'armée de cez Seigneurs prendre bien garde et veiller à cest affaire.

« Monseigneur, cez Seigneurs ont esté advertiz par leur ambassadeur, qui est prez du roy Ferdinando» que l'empereur avoyt suspeçon sur quelque ung de sa court qu'il ne ayt destruict Tintelligence et traicte de Marseille; et aussi escript que pour ceste heure Tentreprinse et desaings qu'ilz avoyent faict sur le Pyémont n'est pour se mettre à effect, mais que le tout se fera avecques le temps ; et pareillement que en la court dudict roy s'est semé bruyt de donner une de ses filles au nouveau duc de Mantoue, et donnoyt ledict roy quelque espérance qu'il sedebvoyt faire... »

PELLICIER A LA REINE DE NAVARRE

• 60. — [Venise], 8 octobre i 540, — « Madame, j'ay receu la lellre qu'il vous a pieu m'escripre, à laquelle si plus tost n'ay faici responce je vous supplye m'avoir pour excusé; car je Tay eue ung peu bien lard, de sorte que ne Tay peu faire plus tost que par ceste présente dépesche. Par icelle j ay veu la provision qui a esté donnée à messire Sébasliano, architecte ; dont je me sens et tiens aultant attenu et obligé à Yostre Excellence que si ce fust esté à moy-mesknes, estimant que ma sollicitation envers vous luy ayt servi en cest endroict; vous asseurant, Madame, que oultre le bien et libérallité que avez faict à ung personnaige qui le méritte aultant que nul aultre de sa qualité que je coqgnoisse deçà les montz, vous n'avez pas peu donné de réputacion ek commodité aux affaires de S. M. Car, à dire la vérité, il y en avoyt jâi qui murmuroyent beaulcoup de ce qu*il y avoyt si longtemps que on luy avoyt promis quelque provision, sans que on meist Teffect à exécution; et en disoyent mesmement quelques ungs de ceulx qui ne sont pas beaulcoup affectionnez à nostre party ce que bon leur sembloyt, mais cecy leur a faict du tout clorre la bouche de telz propoz. Il est tous les jours aprez pour mettre ordre à ses affaires de par deçà; lesquelles mises, qui sera de brief, ainsi qu'il m'a dict, se partyra pour vous aller trouver, comme verrez s'il vous plaist par ce qu'il vous en escript. Au demeurant, Madame, je ne vous sçauroys assez très humblement remercyer du bien qu'il vous plaist me présenter ou vrayement faire par vostredicte lettre. Et ne suys à présent à congnoistre par bons effectz que de vostre bénigne grâce m*avez tousjours supporté et aydé en tous mes affaires, de sorte que je n'ay jamais rien eu en ce monde que je ne le tienne soubz Dieu de vostre bonté, ne encores espère avoir qu'il ne vienne par vostre faveur et libérallité. Dont comme Tung de voz très humbles et affectionnez serviteurs ne doubteray à vous recorder que il y a environ trois ans que le roy, de sa grâce et propre mouvement, vous tint propoz, afin que j'eusse meilleur moyen et occasion desuyvre la court, de me pourveoyr d'ung office de maistre des requestes ainsi que dès lors il vous pleut me le faire entendre par monseigneur de Narbonne', alors estant nouvellement conseiller de Tholoze. Et de faict depuys, à mon partement pour venyr icy, m'en a faict expédier lettres de la première vaccance, me prefférant à tous aultres. Néantmoingsdepuys le temps de sa première voullenté, il en est jà vacqué troys, sans que par quelque souvenance et propoz que luy ayt esté tenu demoy j'en ave esté pourveu. A ceste cause. Madame, sçachant combien vous avez tousjours mon meilleur bien en bonne recommandacion el