tome xxxin

grâce el pryant Dieu, Monsieur, vous donner, en santé, longue vye.

De Rome le xj* novembre 1553. Votre humble serviteur. Lawssac.

Monsieur, sij'estoys à Ferrare et que vous fussiez ycy je vous envovroys des salcissons.

Je pense que ce n'est aultre chose que quelque entreprise dez forussiz de Florence comme Robert Strossy, l'arcevesque de Florence et autres qui ayent offert soldoyer une armée pour quelque moys et ne croy point que le Pape soit delà partie \

A Monsieur, Monsieur l'évesque de Lodesve superintendent des finances du Rov en Italie à Ferrare.

146. — 12 novembre 1553. — Lettre de M. de Lanssac au roi. (Bib. Nat. F. fr. 20441, f° 103. Orig.)

Sire, par mes dernières lettres du vingt sixiesme du moys passé, je vous mandois la maladye du Pape 2, qui a duré jusques à présent et beaucoup plus grande et dangereuse que l'on ne dict ; car avec la goutte il avoyt la fiebvre, ung grand flux de ventre et d'ung reume qui luy tomboyt dans l'estomac. Il commence à se porter mieulx et à se lever ; mais il n'aura pas si tost recouvert sa force," et à ce que je puys entendre des médecins et autres qui sont près de luy, ilz ont grand peur qu'il soit homme pour n'estre poinct de trop longue durée, pour ce qu'il est asseuré d'avoir à tout le moings deux ou troys foys l'an de telles venues ; parquoyil vous plaira y penser et pourveoir et prendre garde que le nonce de Sa Saincteté n'entende poinct que ayez cest advertissement de ce costé, car s'il luy mandoit, elle penseroit qu'on feist desja quelque