A partir d'ici la lettre est en chiffres

dessaing sur sa mort, qui luy feroit par adventure faire plus grand nombre de cardinaulx ou de choses à vostre désaventage ; vous advisant sur ce que depuys que la fouldre tumba en sa chambre et en sa vigne, en ung

mesme jour, il y a environ troys mois, elle a tousjours eu peur. Il est vray qu'en santé elle ne laisse pas pourtant de faire bonne chère '. Je croys que de ceste heure vous avez entendu la mort de feu Mgr le cardinal Salviati à quoy je pense que vous avez perdu ung bon serviteur et feriez encores plus si vous perdiez M. le cardinal de Trany, qui est malade, il y a tantost ung moys, d'une fiebvre continue et double tierce, laquelle depuis quatre ou cinq jours en ça est diminuée et a l'on bonne espérance qu'il eschappera pour ce coup. Cependant et aussi que Mgr le cardinal de Naples 2 ne bouge point de son logis, Mgr le cardinal du Bellay est le plus ancien et faict roflice en doyen avec grant contentement de tout le collège. Mgr le cardinal Sainct-Ange est arrivé depuis quinze jours, qui je m'asseure sera fort bien, séant icy, pour vostre service, tant pour l'affection et obligation qu'il y a, que pour estre ung très sage et honneste seigneur qui a une très grande et honorable réputation par deçà.

Sire, l'indisposition de Sa Saincteté m'empesche de pouvoir riens négocier avecques elle, mesmes pour les deux abbayes qu'il vous plaist que Mgr le cardinal de Monte laisse, en prenant l'evesché de Mirepoix, comme je feray aussi tost que j'en pourray avoir le moyen 3. Il est vray que Mgrs les cardinaulx de Ferrare et du Bellay m'ont conseillé d'atendre que la promotion de 4 cardinaulx qui se doibt faire au prochain consistoire soit faicte, pour ce que Sadicte Saincteté en veult faire honneur audict sr de Monte et que cella soit conduict par luy, lequel à ce que