Ce qui suit est en chiffres

j'entendz a fort grand envye de sauver toutes ses pièces, et qu'il laissera mal voluntiers celles qu'il vous plaist, par quoy il m'a semblé devoir suyvre en cella le conseil desdicts srs cardinaulx.

Sire f, suivant ce que mondict sr le cardinal du Bellay vous escript des plaintes que nous avons ordinairement du peu de compte que font Messieurs de voz parlementz de Bretaigne, Provence et Savoye de ce que vous avez accordé à Nostre Sainct Père, pour l'obéissance desdicts pays, je vous envoyé le mémoire d'une desdictes plainctes, à ce que par icelle, il plaise à Vostre Majesté juger des aultres et veoyr si lesdicts srs desdicts parlementz font bien ou mal selon vostre intention, et en ordonner vostre bon plaisir pour faire cesser lesdictes plaintes.

Sire, je supplye le Créateur vous donner en parfaicte santé très longue et très heureuse vye.

De Rome le xije novembre 1553.

Sire, j'ay esté tout à ceste heure adverty que le Pape a esté tenu pour mort, plus d'une heure, de son catarre et que l'on l'a seigné et ventouzé. Je feray bon guet pour vous advertir de ce qu'il surviendra, mais je vous asseurc que l'on en a fort mauvaise opinion. Hz tiennent à ce matin son logis fermé.

Vostre très humble subject et très obéissant serviteur.

— LAjNSSAC.

147. — 11 novembre 1553. — Lettre de M. de Lanssac au cardinal

de Ferrare.

Monseigneur, pour répondre à la lettre qu'il vous a pieu m'escrire par le courrier de Lyon du ixe de ce moys, je vous advise que je suis bien aise que le sr Pierre Strossy vienne résider auprezde vous à Sienne, car j'espère qu'il y

lt L'écriture ordinaire reprend.

fera bien service au Roy et à vous, tant pour estre homme accompagné de si bonnes qualitez que aussj vostre particulier serviteur, et qui congnoyl les moyens d'endommager les ennemysde Sa Majesté. Mais je suis bien esbahy que Sadicte Majesté vous mande casser les six cens hommes; dont peult estre elle changera d'opinion avant veu la dépesche du] secrétaire boucher. \u demeurant, quanta ce que vous espérez entendre du duc de Florence à la venue du Prévost, je ne faietz nulle doubte que ledit duc ne fust bien aise de vous abuser de parolles le plus qu'il pourra; mais il me semble que vous ne vous y debvez aucunement fyer, car toutes les foys qu'il aura le moyen de faire desplaisir à Sadite Majesté je suis certain qu'il le fera. Et qu'ainsi soit j'ay esté adverty qu'il avoit mandé au Pape qu'il esloit fort marry que Sa Saincteté nous avoit faict entendre l'exclusion de l'accord et qu'il eust voulu qu'elle nous eust tousjours entretenu en quelque espérance, et cependant il envoyoit secours aulx Gennevois pour faire la guerre en Corsèque, et suis asseuré qu'il sollicite tant qu'il peult pour la faire faire aussi à Sienne; par quoyje suis d'advis de nous tenir sur nos gardes et de le prévenir qui pourra et si c'est la volunté de Sadicte Majesté.

Monseigneur, quant à ce qu'il vous plaist me mander que je mette peine de recouvrer six ou dix mil escuz à emprunter icy et les vous envoyer, je vous ay cy devant mandé que le Roy m'a expressément deffendu que pour quelque chose que l'on me puisse mander je ne prenne pas ung escu en son nom, parquoy en cela j'ay les mains lyées et ne l'oserois faire ; et vous sçavez que de moy sans l'authorité de Sa Majesté je n'ay pas si bon crédita Rome que je les peusse trouver sinon en vendant ce peu de vaisselle et de meubles que j a\ , comme je feray tousjours pour votre service particulier quant vous le me commanderez.

Monseigneur, je \ous envoyé ung mémoire qui m'a esté baillé d'aulcuns Sénois qui font de mauvais offices, mesmes

une boitteux qui est en ceste ville nommé II Toro, qui liante ordinairement en la maison de l'ambassadeur de l'Empereur, et autres qui y vont secrètement que je n'ay peu descouvrir, mais le sçachant je vous en advertiray. N'ayant aultre chose pour le présent digne de vous mander sinon que le Pape se hasta l'aultre jour trop de se lever pour aller à Belveder où il luy tomba ung catarre qui l'a depuis tourmenté et tourmente encores, de sorte qu'on ne négocie riens avec luy, dont je suis merveilleusement en peine. Le Bendedio vous mandera des autres occurrences de cesle ville, parquoy je ne vous feray plus longue lettre.

De Rome le xje jour de novembre 1553.

148. — 12 novembre 1553. — Lettre de M. de Lanssacau connétable de Montmorency.

Monseigneur, je ne vous puys, pour ceste heure, dire aultre chose oultre le contenu en ma lettre du Roy, sinon qu'il y a ung gentilhomme calabrais nommé Cola Francesco de Tarsy, homme qui a grant suitte et réputation et que AI. le prince de Salerne congnoit bien, qui est venu secrètement parler à moy et m'a dict que l'année passée, à l'instance dudit s1 prince et pensant que l'entreprinse de Naples se feist, il avoit assemblé ung bon nombre de gens et faict beaucoup de choses au dommage des ennemvs : parquoy il avoit esté banny et contrainct de s'enfuyr; que depuis il a trouvé moyen de faire son appoinctement et a eu son induit pour pouvoir retourner à sa maison comme il fera, mais c'est avec la continuation de bonne volonté pour faire service au Roy. Et m'a dict que toutes les foys que Sa Majesté vouldra faire ladicte entreprinse, il a le moyen de faire cinq ou six mil hommes des meilleurs de tout le royaulme, et faire beaucoup d'aultres ser-

vices, et ne demande riens sinon que les gens qu'il feroit luy fussent poyez. I.l que ayant conquis ledit royaulme Sa Majesté luy donnas! liens mil escuz de rente sur les casalz de Cosenza1, ou bien que si Sadite Majesté ne vouloit faire ladite entreprinse ains vôulust faire quelque diversion pour empeseher que les forces dudict royaulme ne peussent partir pour venir endommager le Scnois ou la Corsèque, il m'a diet qu'il a moyen de se saisir d'une bonne forle place prez de la mer et de les empeseher si bien là qu'ils n'auroient point envye d'aller ailleurs, mais il vouldroit estre asseuré d'estre secouru dedans six moys, ou bien que s'il estoit contrainct se retirer il fust receu serviteur de Sadite Majesté et récompensé de ses pertes. Vous pourrez entendre de mondit sr le prince de Salerne s'il est homme pour faire ce qu'il promect, et me commanderez ce qu'il vous plaira que je luy responde.

Monseigneur, il y a troys moys que j'avois envoyé ung de mes gens nommé Marseille pour quérir la demye année de mon estât que m'est deu, mais vostre maladye a retardé sa dépesche jusques à ceste heure ; que m'est de grant intérest, car on ne preste pas icy argent qu'il ne couste bien cher. Parquoy il vous plaira y avoir esgard et m'avoir pour recommandé, car eneores que Testât que le Roy me donne soit grant, si est-ce que la despense passe beaucoup plus oultre ; aussi, Monseigneur, il vous plaira avoir souvenance que quant le Roy donnera quelque gros bénéfice, de le faire charger de troys cens escuz de pension pour Mgr l'évesque de Yiterbe, en récompense de l'office de maistre des courriers qui luy fut ostée pour bailler au Boilleux, car il y a long temps qu'il en est en espérance.

De Rome le xije novembre 1553.

1. Chef-lieu de la Calabre citérieure. — Casalz, de l'italien casalc, village.