AIT. étr. : « fidellité

dict cardinal et ne le vouloit accepter avec ceste condition. Car il luy semble, puisque Votre Majesté a usé de ceste libéralité envers ung sien neveu, qu'elle doibt estre entière et que ce que ledit cardinal aura sera tousjours pour employer à votre service. Sur quoy Msr le cardinal du Bellay et moy avons advisé de ne luy en parler point sans avoir nouveau commandement de Votre Majesté, craignant que si nous luy en parlions à ceste heure, tant pour l'ennuy qu'il a eu de sa maladie comme pour ce que c'est chose qui ne luy est point agréable, il n'en prinst telle fascherie que Votre Majesté fust après mal contente de ce que je me serois tant hasté. Et par tant votre bon plaisir sera de me faire entendre ce que vouldrez que je y fasse et si Votre Majesté luy veult laisser l'évesché et lesdites abbayes, qu'il vous plaise, Sire, avoir souvenance de messer Roch, serviteur de M. le conte de Petiliano, auquel celle de Saint Ghildaz estoit promise. Car il y a près de deux ans qu'il est sur l'espérance d'ung bénéfice de mil eseuzdontMgr le cardinal deTournonluy feit promesse de la part de Vostre Majesté.

Sire, j'ay céans pour hoste mondit s'* le conte de Petiliano qui est venu en ceste ville pour aucuns siens affaires ; lequel m'a dict n'avoir qu'ung seul filz i qu'il désireroit estre en France pour estre nourry auprès de Mgr le Daulphin, me pryant d'en escripre à Votre Majesté pour sçavoir si ce seroit chose qui luy feust agréable : sur quoy il vous plaira me faire entendre ce que j'auray à luy respondre. Et me semble que ce ne seroit que chose bien à propoz pour vostre service d'avoir encores ung tel gaige de luy.

Sire, je supplie le Créateur vous donner en parfaicte santé très longue et très heureuse vye.

De Rome le 19e jour de novembre 1553.

Vostre très humble subject et très obéissant serviteur. — Lakssac.