Alexandre Orsini

152. — 24 novembre 1553. — Lettre de M. de Lanssac au cardinal

de Ferrare.

Monseigneur, mercredy dernier au matin arriva le secrétaire Boucher avec Marseille, mon secrétaire, qui m'apportèrent lettres du Roy par lesquelles Sa Majesté me mande avoir paravant dépesché le sr Pierre Strossy avec M. le grant pryeur, frère de M. de Guise, pour s'embarquer à Marseille et venir descendre seavoir est, mondit s' le grant pryeur en Corsèque et ledict sr Pierre aux portz de Sienne, par quoy ayans passé Lyon auparavant que ledict Boucher y arrivast je pense que de ceste heure, s'il n'est arrivé devers vous, il ne peultguères tarder et par luy vous serez amplement informé de la résolution que Sadite Majesté a prinse pour les affaires que vous avez en charge, qui est, à ce que j'entens, de pourveoyr bien à la fortiffication des places du Senois et les guarnir de gens et aultres munitions nécessaires et aprèz veoyr que vouldront dire noz ennemiz, estant content pour ceste heure de laisser votre voisin pour tel qu'il est, espérant qu'avec le temps il recongnoistra son erreur de luy mesmes. Au demeurant Sadite Majesté me mande avoir si bien regardé et pourveu au faict de ses finances qu'elle a faict estât certain de pouvoir grossement satisfaire à la despense tant de deçà que delà les montz pour cest hiver et pour les moys d'apvril, may, juing, juillet, aoust et septembre prochain venantz faict compte de despendre chacun moys pour l'extraordinaire de la guerre six cens mil escuz qui est une bonne provision, vous ad visant, Monseigneur, que Sadite Majesté m'a de rechef mandé que pour quelque chose que ce soit ne pour quelque cause que l'on me puisse mander je ne prenne pas ung escu icy pour son service, car il dict avoir faict estât de ce qu'il veult despendre d'ailleurs. Parquoy il vous plaira, Monseigneur, prendre à bonne part la responce que je vous feis dernièrement sur ce propoz et

croyre qu'encores que je sçache que vous ayez beaucoup de plus grans et meilleurs moyens que les miens, qui sont bien petitz, si est ce que je les vouldrois employer avec ma vye en ce qui concerneroit votre service particulier d'aussi bon cueur que nul aultre serviteur que vous ayez point, mais en ce qui touche le service de Sa Majesté je ne vouldrois ne m'y oserois empescher contre son commandement.

Monseigneur, Sadite Majesté me mande aussi que la Roy ne d'Angleterre adjoustant plus de foy à ses remonstrances et persuasions qu'à celles des Impériaulx s'est résolue de rompre le mariage que l'Empereur luy mettoit en avant, et de prendre pour mary le milord de Courtenay, et se debvoit conclurre ledict mariage au parlement des estatz dudit royaulme, qui ont esté dernièrement assemblez, et pareillement ladite Royne promettoit de faire conclurre les affaires de la relligion et l'obéissance du Saint Siège audit parlement, ce que je croys qu'elle n'eust osé entreprendre en son nouveau règne veu les troubles qui y estoient, n'eust esté les offres que Sadite Majesté luy a faict faire pour luy assister de toutes ses forces à cest effect, attendu mesmement que l'Empereur luy conseilloit de faire tout le contraire. Le cardinal d'Angleterre estant refusé de l'Empereur de le laisser passera envoyé devers le Roy qui luy a respondu que s'il veult faire son voyage par France il y sera honoré et bien receu comme ont accoustumé d'estre ceulx qui viennent de la part du Saint Siège, desquelles nouvelles notre Sainct Père et tout ce collège ont eu ung fort grant plaisir.

Monseigneur, par le commandement de Sadite Majesté, je parlay hyer à notredit Sainct Père pour sçavoir comme il entendoit vivre avec nous aprèz le temps de la suspension d'armes expiré, et que si Sa Saincteté estoit en mesme propoz qu'elle avoit dict à Mgr le cardinal deTournon qui estoit qu'elle entendoit que ladite suspension fust une paix

perpétuelle, Sadite Majesté nous commandoit à Mgr le cardinal du l'>clla\ el à ino\ d'en traicler avec icelle suivant le pouvoir que nous avons «le ce faire. V quov Sadite Saincteté m'a respondu quelle estoit encores en mesme volunté et intelligence, et qu'estant ung peu mieux disposée elle adviseroit avec aulcuns de MM. les cardinaulx ce qui seroit bon de faire en cest endroict pour le bien et honneur du Saint Siège et contentement de Sadite Majesté dont je solliciteray la résolution le plus que je pourray et vous advertiray ordinairement de tout ce qui y sera négocié.

Monseigneur, le sr Pompeo de la Croce m'a mandé de luy envoyer la pièce d'artillerye que j'ay icy et que je la feisse monter, ce que je feray et aussitost qu'elle sera montée je ne fauldray à la luy envoyer. Il m'escript aussi que lu\ aviez faict entendre que je le pourveoyrois de pailleriz et couvertures pour cest hyver et pareillement de deux frégates armées. Qui sont choses dont je n'av jamais ouy parler, car quant aulx frégates il me seroit bien difficile de le faire, pource qu'il ne s'en trouve point icy, et quant aux pailleriz et couvertures en ayant entendu votre vouloir je feray en cela et toutes aultres choses ce qu'il vous plaira me commander.

.Monseigneur, je vous envoyé le double de toutes les nouvelles que j'ay.

De Rome le xxiiije jour de novembre 1553.