tome xxxin

et que aprez il adviseroit avec aucuns de MM. les cardinaulx ce qui seroit bon de faire en cest endroict pour votre contentement. Mgr le cardinal du Bellay avec aultre occasion ira devers luy et luy en reparlera et ne fauldrons ensemble à solliciter la résolution de cest affaire le plus tost qu'il sera possible.

Sire, je suis merveilleusement aise de ce que j'ay veu par votre lettre la compassion qu'avez de ceulx qui ont à négotier avec cest homme, car je u'ay aultre peine et desplaisir au monde que de ne pouvoir espérer auprez de luy de vous faire le service que je désire pour ce que tout ce que nous pouvons faire pour le mieux est de l'empescber de mal faire, vous ad visant, Sire, que Mgr le cardinal Sermonette me dist l'aultre jour que Sa Saincteté luy avoit demandé s'il estoit vray que je vous eusse escript sa grande maladie et que vous feissiez venir MM. les cardinaulx français, ce que j'ay nyé et dietz byer à Sadite Saincteté que je pensois qu'elle avoit le bien et utilité dudit Saint Siège en plus grande recommandation que sa propre vye, et quant elle se fust sentye en nécessité j'atlendois plustost l'advertissement de son costé que de nul autre pour vous en advertir, affin de ne laisser point le Sainct Siège entre les mains des Impériaulx qui en sont naturellement ennemys. Bien est vray que voyant le grant nombre d'expéditions que nous avons icy dont nous ne pouvons avoir dépesebe, et la difficulté qu'on nous y fait au consistoire où il y a beaucoup plus grant part de cardinaulx impériaulx que d'aultres, j'avois pour ceste cause il y a longtemps escrit à Votre Majesté qu'il seroit bon d'envoyer encores quelques ungs de mesdits seigneurs vos cardinaux pour supporter et favoriser voz affaires, ce que Sadite Saincteté trouva bon, parquoy il me semble que cela vous pourra servir d'une bonne excuse quant il vous plaira en envoyer, vous advisant, Sire, que Sadite Saincteté se porte assez bien et est sans fiebvre et sans douleur. ïouttefoiz les médecins en

sont en mesmc opinion que je vous ay devant escript.

Sire, j'oublyois à vous répondre sur ce qu'il vous a pion commander à M*r le cardinal du Bellay et à mo\ desupplyer notre Saincl Père de ne pourveoir point aux bénéfices de Metz sinon de personnages confident/, et agréables et nommez par Votre Majesté ; dont je ne peu/, parler hyer à Sadite Saincteté craignant de lny dire trop de choses à ung coup, mais Mgrle cardinal du Bellay y allant demain sçaura trop mieulx faire cest office que moy et la requête sera plus favorable, estant faicte par luy. Aussi de vous dire que nous ne fauldrons à solliciter envers Sadite Saincteté l'affaire de M. d'Alby qui est chose qu'elle a tant de lois jurée et promise à mondit sr le cardinal du Bellay et à moy que je pense que nous n'en debvons aucunement doubler et que avant qu'il soit huict jours elle s'exécutera.

De Rome le xxve novembre 1 553.

Sire, j'ay entendu par M. d'Urfé » qu'il vous a pieu me donner la cappitainerie de Blaye, prez de Bourdeaux, qui est ung des biens du monde que j'eusse peu avoir qui m'est autant à propoz et dont je vous mercye très humblement, supplvant Notre Seigneur me donner la grâce de vous faire aultant de service que je doibz et que je désire.

154. — 2b novembre 1553. — Lettre de M. de Lanssac au duc de Montmorency. (Bib. Nat. F. fr. 20441, f<H08. Original.)

Monseigneur, j'ay eu très grant plaisir d'entendre par

1. Claude d'L'rfé, seigneur d'Urfé, fils de Pierre d'Urfé et de Antoinette de Beauvau et oncle du romancier Honoré d'Urfé, avait été ambassadeur du roi de France au concile de Trente, puis à Rome, qu'il quitta en avril 1551. (Ribier, Lettres et mémoires (Pestât, 1666, t. II,

Il eut pour successeur à l'ambassade de Rome Claude de la Guiche, évêque de Mirepoix, qui, mort le 19 avril 1553, fut remplacé par Lanssac.

le secrétaire Boucher les bonnes nouvelles de vostre santé, laquelle je supplie Nostre Seigneur continuer aussi longuement qu'il en est besoing, pour le service du Roy et pour le bien de voz serviteurs. Ne voulant oublyer a vous dyre que je ne fauldrav, quant l'occasion se présentera, de rementeveoir au Pape, comme j ay cy davant faict, de continuer la promesse qu'il avoit faicte en vostre faveur à M. de Cahors ' , en sa promotion au cardinalat, pour quelque aultre de messieurs vos parens, que vous luy nommerez; mais je ne pense pas pour ceste heure que ce sovt chose qui puisse sortir effect, car Sa Saincteté est résollue, à ce qu'elle dit, de ne faire pour ce coup cardinaulx que M. d'Alby, et deux de ses nepveux. Pareillement je ne fauldray de solliciter l'expédicion de l'abbaie de Monstiers la Selle pour le filz de M. deLveneourt, que je pensois qui fut ja dépeschée, car il y a plus de quatre moys que Sa Saincteté me l'avoyt accordée, et depuis le soliciteur ne m'en avoit point parlé jusques à aujourd'huy.

Monseigneur, ledict Boucher m'a dict que le Roy, en pourvovant Mgr le cardinal d'Imola de l'abbaie de Beaubec, entend qu'il laisse celle de Sainct Ferme qu'il tient; laquelle Sa Majesté, en vostre faveur, a donnée audict Boucher, qui, je vous asseure, la mérite très bien, parquovje vous supplie très humblement l'avoir pour recommandé en cest endroyt et tous autres; vous asseurant bien que quant j'auray l'expédicion entre mes mains, je ne la bailleray pas audict cardinal, sans avoir la procuration pour résigner Paultre qu'il tient, affin de n'en estre point trompé, comme j'ay esté de celle du cardinal de Monte.

Monseigneur, je suis après pour accorder avec M*r le cardinal de Marseille, qui m'a dict qu'il luy estoit deu, toutes choses déduictes, quatre mil huict cens escuz, et qu'il se contenteroit pour l'honneur de vous de trois mil.