a novembre 1553. — Lettre de M. de Lanssac au roi

Sire, suivant la lettre qu'il vous a pieu m'escrire par le secrétaire Boucher, aprez l'avoir communiqué à Mgr le cardinal du Bellav, avec son adviz, j'allav incontinent vers notre Saint Père luy compter les bonnes nouvelles d'Angleterre que vous nous mandiez, dont Sa Saincteté a eu grant plaisir et se sent merveilleuzement obligée à vous

des bons offices que vous avez faictz et faictes en cest endroict , et de ce que vous avez mandé au cardinal Pol, m'ayant Sadite Saincteté demandé par escript ce que je lui avois dict pour le communiquer à MM. du sainct collège. Pareillement je luy feis entendre la grande provision que vous avez faicte de deniers pour subvenir à la despense de votre extraordinaire de la guerre pour le reste de ceste année et de l'autre advenir, et le bon estât où sont voz affaires tant en Corsèque comme au Senois, dont Sa Saincteté me dist qu'elle estoit fort aise et bien contente et satisfaicte de la prudente réponce que Votre Majesté a faicte à son nunce sur ce qu'il vous avoit proposé de sa part, congnoissant par icelle qu'avec grande raison vous debvés estre mal content des Gennevois, et d'avoir faict ce que vous avez faict et qu'elle ne vouldroit pas que les choses fussent autrement, pour ce que si voz affaires se portoient mal les siens ne seroient guères asseurez, sçachant bien la mauvaise volunté que luy porte l'Empereur, me disant davantage que quant elle se courroussoit quelque foys de vos entreprinses ce n'estoit pas pour malcontentement et desplaisir qu'elle en eust, mais pour la satisfaction du peuple affin qu'il ne pensast qu'elle fust particulièrement affectionnée de votre part et aussi pour entendre les provisions que vous y donnez. Je luy dictz pareillement que Votre Majesté m'avoit respondu à ce que je vous avois mandé de l'exclusion de l'accord avec le duc de Florence, que vous estiez content de le laisser là espérant qu'avec le temps il congnoistra de luy mesme son erreur. A quoy Sadite Saincteté demeura sans parler et sans me faire aulcune response.

Sire, je dictz aussi à Sadite Saincteté que voyant le temps de la suspension d'armes qu'elle avoit faict avec Votre Majesté prest à expirer dans troys ou quatre moys lesquelz coulleroient bientost, vous m'aviez commandé d'entendre d'elle comme vous auriez à vivre ensemble à l'advenir, et

que si Sadite Saincteté estoit eu mesme volante qu'elle ' ;i\oil dicl à M^'r le cardinal de Tournon et à mov depuis pour vous faire entendre, qui est que ladite suspension fust entendue pour une paix perpétuelle, que nous avions charge Mgr le cardinal du Bellay et mo\ dm traicter et pouvoir pour ce faire. A quoy Sadite Saincteté me respondit qu'elle n'avoit point changé de vouloir et que vous ne debviez aucunement doubter de son affection et bonne votante et ne failloit aultre traieté, nous pouvant bien asseurer qu'elle se gardera bien d'entrer jamais en aulcung différend avec Votre Majesté. Me tenant les propoz dessus ditz avec une contenance d'homme estonné et bien empesebé ta respondre, et qui pour vous dire la vérité à mon advis eust esté bien content de me paver en parolles. Mais je l'estraigniz plus fort et luv dietz que eneores que Votre •Majesté fust trop certaine de sa bonne volunté, si est ce que les princes ne sont pas eoustumiers de se contenter de cela et qu'ilz veulent avoir asseurance à tout lemoings par traictez et que vous en vouliez estre résolu, attendu mesmement que l'Empereur estoit nommé en ladite suspension pour tiers, et que de reschief je la suppliois de m'en résouldre poursçavoir ce que j'aurois à vous en mander. Sur quoy elle me dict en colère qu'elle vous porteroit tousjours le respect qu'elle debvoit, mais pourtant qu'il falloit qu'elle eust regard à son honneur et à celluv du Sainct Siège, et qu'il ne seroit pas raisonnable que le duc Octavio *, son vassal et rebelle, demeurast son supérieur. A quoy je réplicquay que vous ne l'entendiez pas ainsv, et que ledit duc demeureroit tousjoursson très humble et très obéissant serviteur et subject soubz votre protection, laquelle je pensois que ledit duc ne fust pas pour babandonner ne vous aussy luv, et en fin il me dist que je le laissasse ung peu fortiffier et guérir et aussi Msr le cardinal deTranv