Par une estafette

et le Roy feust une paix perpétuelle, et que estant les affaires d'entre Sa Majesté et l'Empereur aux termes qu'ils sont, elle ne pouvoit nommer ledit traicté, paix. Pour ce qu'il est diet que au bout des deux ans le duc de Parme demeurera en sa liberté. Ce néantmoings il ne veut point habandonner le service de Sadicte Majesté, laquelle aussi ne veult laisser sa protection qui est chose bien agréable à Sadicte Saincteté. Toutesfois si elle le consentoit par traicté, ce seroit trop ouvertement offenser l'Empereur. Parquoy elle nous prioit d'estre contans que ladicte suspension feust seullement prolongée pour deux ans à mesmes conditions que la première et qu'elle feroit à part une seureté audict duc de Parme1, telle que non seullement les faultes commises envers Sa Saincteté seroient effacez, mais encores il seroit asseuré de ne recepvoir jamais desplaisir d'elle ne par son moyen, et que durant ces festes elle mettroit par escript son intention pour la vous communicquer. Depuis M«* le cardinal du Bellay et moy l'avons sollicité particulièrement et à part l'ung de l'autre et elle nous a respondu tousjours de le vouloir faire, mais pour en dire la vérité il me semble que elle y aille fort lentement; et quant à moy je ne me puis contenter de ses déportements, pour ce que quelquefoys Sa Saincteté me tient les meilleurs propos du monde et quant je y retourne je la trouve toute changée. D'autre part vous voiez les effects qui s'en ensuivent et le peu de compte qu'elle actend du Roy en la dernière promotion. Et semble que plus nous aillions en avant et plus nous voyons augmenter l'intrinsèque intelligence d'entre Sa Saincteté et le duc de Florence avec très grande jalousie qu'elle a prinse de la venue dudit s1 Pierre, combien que nous luy tenions les plus gracieulx et honnestes propos

1. Oc lave Farnèse, second fils de Pierre-Louis Farnèse, né en 1524, mort le 21 septembre 1586.

qu'il nous est possible, l'asseurant tousjours de la bonne amitié que le Roy lui porte, cl aussv quelquefoys nous parlons plus vifvement selon que nous veoyons qu'il en est besoing.

Monseigneur, Mgr le cardinal du Bellay m'a requis de mettre le propos qui s'en suict dans ma lettre, c'est que vous avez cy devant entendu par luy l'attente où est le s1' Camille Vitello tant de l'alliance de vos alliés que du pari v par luy tant désiré. De quoy ledit sr cardinal dict se trouve fort empesché, car s'il pensoit estre accepté il ne vouldroit pour son honneur toucher le poyement de ses troys moys, pour ses chevaulx ligiers, et de ceste heure vouldroit entrer au service du Roy, ou si mieulx sembloit à Sa Majesté, il demanderait ce congé de se reffaire deux ou troys moys d'ung peu de mal qu'il a, et aussi pour se desvelopper de quelques autres affaires sans pour cela rompre avec, le ducjusquesà tant qu'il lui seroit ordonné de ce faire. Et cependant advertiroit secrcttement de tout ce qu'il pourroit entendre par Rodolfo Bâillon ' son beau frère et par autres. Il a fait entendre de nouveau audict sr cardinal du Bellay que attendant ceste response il ne se deffera de quatre mil rubes de grain et de grande quantité de vin qu'il a à Montonne2, place forte et bien garnye, ne de bonne somme de deniers qu'il a en ceste ville et à Florence, ne aussy de soixante sallades de ses subjects pour ce qu'il voudroit accommoder le Roy de tout cela en entrant à son service.

Ledict lieu de Montonne seroit, ainsi qu'on a dict audict sr cardinal, bien à propoz s'il voudroiet faire entreprise; mays vous, Monseigneur, le pouvez mieulx entendre que nous, et feriez grand plaisir à mondict sr le ear-

1. Baglioni. Une branche de cette famille célèbre, qui donna des tyrans à Pérouse, et un évêque au siège épiscopal de Poitiers, est encore représentée en Poitou. (Beauchet-Filleau, Dictionnaire des Familles du Poitou, Poitiers, 1801, 1. 1, p. 240.)