Montone, province de Pérouse
dinal du Bellay de luy mander ce qu'il doibt respondre la dessus, veu qu'il n'en a response du Roy, et ne luy ne moy ne sçavons que en dire. Son homme a dict à mondict sr le cardinal que avant son partement de Florence, il veit troy Sienois parler deux heures à part au sr Rodolpho Bâillon, desquelz l'ung estoit Salvy, celluy de qui le frère a eu la teste tranchée, et ne congnoist les deux aultres. Mais il ne vouldroit estre allégué pour ne descouvrir son maistre.
Monseigneur, je vous remercye très humblement du présent qu'il vous a pieu faire à la fabrique de Sainct Loys, vous asseurant que je n'eusse pas voulu vous charger de faire ceste dépense n'eust esté que je sçay que vous prenez plaisir à en faire de si chrestienues et honorables que ceste là ; et davantage il me semble qu'estant protecteur de France il estoit très convenable que ce lieu là vous fust réservé pour y employer votre aulmosne .
De Rome le premier jour de janvier 1 554.
171. — 1er janvier 1554. — Lettre de M. de Lanssac au cardinal
de Ferrare.
Monseigneur, depuis mon aultre lettre escripte j'ay esté adverty qu'il est venu ceste nuict ung courrier de la court de l'Empereur pour demander la dispense du mariage de son filz le prince d'Espaigne avec la Royne d'Angleterre, lequel mariage est conclud. Vous pouvez penser que cela ne favorisera pas noz affaires de deçà, combien que je pense que ladite Royne d'Angleterre empeschera plus ledit Empereur d'icy à quatre ans qu'il ne luy aydera, et encores ne nous sera ce riens de nouveau à veoyr les forces d'Angleterre et de l'Empereur ensemblement contre nous, car c'est chose qui s'est veue plusieurs foys et, Dieu merci, nous nous sommes tousjours bien deffenduz.
Monseigneur, j'entendz que le Pape et le sr Baldoyn
désirent fort que les sers de Sienne leur fassent quelques grans privilèges en l'acquisition de la fratte, en quov il/ vouldroient estre gratifiiez sans le rechercher. Il vous plaira adviser s'il sera bon que vous moyenne/ envers ces seigneurs de le faire. Quant à moy il me semble que ce ne seroit que bien faict.
Monseigneur, j'ay esté adverty que l'ambassadeur de l'Empereur a demandé la susdite dispense au Pape, et que Sa Saincteté a répondu que non seulement elle la vouloit donner en plomb mais en or. Et monstre Sadite Saincteté et tous les siens avoir grant plaisir de ceste nouvelle. Aussi l'ambassadeur et ses adhérant/ en font grant fesle.
De Rome le premier jour de janvier 1554.
172. — 1er janvier io"ji. — Lettre de M. de Lanssac à Pierre Strozzi.
Monsieur, vous verre/, par les lettres que Mgr le cardinal du Bellay et moy escrivons à Mgr le cardinal de Ferrare, par lesquelles nous luy faisons entendre vous avoir communiqué tout ce que nous sçavions et notre advis sur les entreprises et deffensives qu'on pourroit faire, parquoy estant sur le lieu, comme vous estes, avec si cler jugement en telles choses, il n'est point de besoing que je vous en fasse plus longue lettre, m'asseuranl que vous sçaurez bien choisir ce qu'il sera bon d'y faire et le conseiller au Roy, n'ayant pour le présent aultre chose à vous dire sinon qu'on m'a adverty, mais je ne le tiens pas encores pour certain, que l'on avoit dépesché quelques cappitaines à Naples pour faire gens. Je m'en enquerray mieulx pour en sçavôir la vérité et la vous mander, vous advisant suivant ce que j'ay dernièrement escript à mondit s* le cardinal que audit Naples y a plus de malcontentement et les peuples y sont plus mal traiclez que jamais, et que le marquis d'Aquaviva n'a pas longtemps fut fort
nlessé par aucuns Espagnolz et le duc de Trajette * a esté aussi tué.
Monsieur, il vous plaira donner ordre à ce que Mgr le cardinal du Bellay vous eseript, et advertir vos gens à qui vous communiquerez voz affaires d'estre secretz.
De Rome le premier jour de janvier 1554.
173. — 5 janvier 1554. — Lettre de M. de Lanssac au cardinal de Ferrare.
Monseigneur, incontinent que j'euz receu votre lettre • du premier de ce moys je l'envoiay à Mgr le cardinal du 1 Bellay qui estoit à Port2 dont il reveint hyer au soir, et tous deux ensemble sommes merveilleusement aises de ce que vous avez si bien et fîdellement esté adverty des entreprinses du marquis de Marignan, et aussi de ce que par la confession de ceulx qu'avez faict prendre il ne se trouve aucun citoyen de Sienne chargé ; qui toutesfois est chose bien difficile à croyre qu'ilz eussent une telle entreprinse et demeurez si longtemps là pour l'exécuttér sans y avoir quelque intelligence. C'est la seconde partie que l'on vous a dressée, je m'asseure que vous donnerez bien garde de la tierce, vous advisant, Monseigneur, que j'ay faict entendre ceste nouvelle au Pape et ailleurs le plus dextrement que j'ay peu et sans en faire grant cas, suivant ce que vous me mandez qui m'a semblé très bon,
