Le cardinal Pôle

dyre que s'en retournant le jour préceddent messer Bernardo Colla devers son maitre le duc de Florence, le Pape s' estoyt laissé entendre que, quant ledit ducvouldroyt envoyer icy quelques personnaiges avec pouvoir pour traicter le mariage de sa fille avec le sr Fabyen, Sa Saincteté estoyt preste de l'arresteret conduire. Parquoy voullant ledit syr Baldoyn s'acquicter de la promesse qu'il m'avoyt faicle, il m'envoyoit advertyr comme les choses passoyent. A quoy j'ay respondu que j'avois bien souvenance que quant ledit sr Baldoyn m'avoyt parlé de ce propoz c'estoyt avec promesse de ny conclurre et de ne y faire riens sans le contentement et satisfaction du Roy, comme il me sembloyt estre bien raisonnable puisqu'il avoyt dédié le service et la protection de son fil/, les' Fabyen à Sa Majesté ; de laquelle je ne pouvoys pas si lost avoir responce pour en sçavoir son intention, comme j'en pourrons bien dire mon adviz si j'en estoys requis, mais que Mr le cardinal du Bellay devoyt revenir ce jour mesine de Porto et que nous adviserions ensemble si nous aurions à en faire quelque office envers Sa Saincteté ou ledit sgr Baldoyn. Lequel je fuz trouver le lendemain par l'advis de mondit sgr le cardinal du Bellay, et luy diz que es choses qui touchoient le devoir de ma charge et le service du Roy, j'aymoys beaucoup mieulx négotier moy mesmes que par messagiers; qu'à ceste cause j'estoys venu vers luy, ayant entendu par son secrétaire les propoz qu'il luy avoyt pieu me mander le jour préceddent sur la résollution du mariage qu'il avoyt prinse de monsieur son fdz, et que je le supplvois de me dire pourquoy il me faisoit cest advertissement et s'il désiroyt que je y fisse quelque office, car encores que je fusse obligé comme ministre du Roy d'advertir Sa Majesté de toutes les choses que j'entendoys, sy esse qu'il y avoit grande différence de le luy mander par manière d'advertissement ou bien de sa part. A quoy il me dit qu'il m'avoyt fait cet advertissement

comme à ministre de Sadite Majesté envers laquelle il désiroyt rendre toutes ses actions justiffyées, et aussy comme à l'ung de ses amys, en quy il avoyt fiance et duquel il espéroyttous bons offices, le faisant entendre à Sa Majesté; laquelle il pensôyt ne le sçauroyt trouver mauvais, veuque cydavant quant Mgr le légat S* George et le nonce de Sa Sainteté luy en avoyent parlé, Sadite Majesté avoyt respondu qu'elle trouveroyt tousjours bon tout ce que Sadite Sainteté feroyt pour le bien, grandeur et commodité de sa maison. El que ee parlv leur estoyt sy à propoz, tant pour l'égualilé de l'aage des personnes, que pour estre en leur propre pays, aussy pour avoir esté le duc de Florence tousjours bon amy de Notre Saint Père et bienfaiteur de sa maison, que ung aultre plus grant et plus proffitableneleureut point esté de si grande satisfaction ; et encores qu'ilz prinssenl une fille dudit duc de Florence ce n'estoyt pas pour espouser toutes ses passions, mais plustost s'il est possible de l'att\ rer à est re serviteur et min de Sa Majesté, de laquelle lia et son filz voulloyent à jamais demourer très humbles cl tirs affectionnez serviteurs et soubz sa protection. Et me dit davantaige que sy son filz avoyt trois ans plus qu'il n'a et qu'il peusl endurer la peyne du voiaige, qu'il l'envoyroyt [tour estre aourry au service et près de la personne de monseigneur le dauphin ; qu'il me disoyt tout ee<\ affin que j'en adverlisse Sadite Majesté, de laquelle je pourrois bien avoir responce premier que les choses fussent plus avant publiées. Sur quoy je neluyvoulluz pour l'heure repplicquer autre chose, et aprez avoir eu eommunicqué le tout à mondit sgr le cardinal du Bellay et bien pensé et dispulté par ensemble s'il seroyt bon que nous en tinssions quelque propoz à Sa Saincteté ou audit s1 Baldoyn, il nous a semblé meilleur de nous entayre et tenyr cella en suspendz sans passer plus avant, attendu que en une chose qu'ilz disent desja estre conclue, et ou ilz ont tant d'affection et pensent avoir suffi-

samment satisfaction de Sadite Majesté par les lectres dudit

nonce qu'il/ nous ônl offert <lc monstrer, nous y pourrions plustost faire mal que bien, ne sçachans en quel langaige en parler, et si Sadite Majesté vouldra monstrer le trouver bon ou mauvais. En attendant la voullonté de laquelle si on nous en parle, nous y respondrons selon que nous jugerons estre le plus conforme à son intention.

Combien que le sr Vincencio de Nobylly nous eust fait entendre que aussitost que son filz seroyt cardinal il se nsouldroyt de venir au service du Roy et d'accepter les conditions que nous luy avions proposées, néantmoings il ne nous a encores riens dit depuis la promotion de sondit filz, et de notre costé nous ne sommes pas délibérez de l'en recercher sans avoir sur cella nouveau commandement de Sa Majesté, ains attendrons à le veoir venir, et lors nous nous y gouvernerons sellon ce qu'il nous est ordonné.

Le Sr Àscanio de la Corgne, qui est venu iev depuis la malladye du Pape, nous a fait recercher de faire office envers Sa Sainteté qu'elle le voullust retyrer du service de l'Empereur au syen, nous donnant espérance que y estant il ferovt de bonnes choses pour celluy de Sadite Majesté ; dont touttefoiz nous nous sommes excusez, disans que quant il nous vouldroyt employer en choses deppendans de nostre charge, nous luy ferions voullontyers plaisir, tant pour ses mérites que pour la bonne oppinion que nous seavons que Sadite Majesté a de luy, mais que nous pensions que Sadite Sainteté ne sçaurovt trouver bon que nous fussions si présomptueux de le voulloir conseiller en ses propres affaires sans en estre recerchez.Et luy feismes ladite responce pource que nous n'avons point de seuretté de luy comme il se depporteroyt quant il seroyl où il désire estre, qu'il seroyt tel que ayant mauvaise voullonté il âuroyt très grand moyen d'cmpcschcr le bien des affaires du Roy ; dont quand il en adviendroyt mal, nous serions coulpa-

blés d'avoir fait cest office sans commandement, principalement pour ce que il prétend avoyr Testât que le Pape avoyt fait entendre qu'il voulloyt bailler au sr Camille Ursin, qui est tel personnage et affectionné serviteur de Sa Majesté qu'elle le congnoist. Parquoy il ne nous a pas semblé honneste de solliciter chose qui directement fust contre le desseing qui en avoit esté faict tendant à sa grandeur. Et d'aultant plus qu'il est désormais tout descouvert que cecv se vacque par ledit Ascanio avec grand mescontentement de ceulx qui se y sentent intéressez, il plaira à Sadite Majesté nous mander sy elle veult que nous nous y gouvernyons autrement.

176. — 7 janvier loo4. — Lettre de M. de Lanssac au connétable

de Montmorency.

Monseigneur, j'ay paour que vous serez ennuyé de veoir tant de mes lettres et dépesehes, mais le désir que j'ay de vous rendre bon compte par le menu comme toutes choses passent par deçà et les changemens que je trouve en ceste négociation me contraignent à vous faire souvent différentes mesdites dépesehes, vous laissant tousjours le jugement, Monseigneur, d'y prendre ou laisser ce qu'il vous semblera bon ou mauvais, ne voullant pas vous importuner d'y respondre, sinon à ce que vous congnoistrez eslre requis. Présentement vous verrez, parles lettres que M°r le cardinal du Bellay etmoy escrivons au Rov et par le mémoyre cy encloz, tout ce que nous avons faict et appris depuis le partement du s* de Manne, parquoy je ne vous diray autre chose sinon que Notre Saint Père se porte à présent assez bien.

Monseigneur, vous me pardonnerez, s'il vous plaist, sy de rechef je vous sollicite pour faire satisfaire M. l'évesque

deViterbe1 desiijcescusquiluyontestépromizen béneflices pour la récompense de Testai de maistre des courriers que tient Le Boitteux. Car il y a qualtre ou cinq ans qu'il a laissé ledit office et n'a point depuis esté récompense, et pareillement de messer Roccho, serviteur du comte de Petilhan, suivant ce qu'il luy a esté promis par Msr le cardinal de Tournon, car je ne suis iey pressé que de ces deux choses.

Monseigneur, je me recommande, etc.

177. — 7 janvier 1584. — Lettre de M. de Lanssac à Mgr de Guise et au cardinal de Lorraine.

Messeigneurs, vous verrez par ce que Mgr le cardinal du Bellay et moy escrivons au Roy Testât ouquel sont tous les affaires de deçà, et la responce que nous avons faicte à MSrle cardinal de Ferrare sur la communicquacion qu'il nous a faicte de la dépesche de messer Thomas Delveschc 2, qui me gardera de vous faire plus longue lettre, sinon pour vous dyre, Messeigneurs, que je suys en grant peyne pour plusieurs abbaies et autres béneffices, que j'ay entre mains pour faire expédier pour des frères ou parent/ de beaucoup de bons serviteurs de Sa Majesté dont je ne puis obtenir la dépesche, poureeque les unes sont de tiltre en commande et les aullres ontdeffault d'eaige. A quoy le Pape ne veult aulcunement entendre. Par quoy je désireroys sçavoir de Sa Majesté ce qu'il luy plaist me commander d'y faire.

Messeigneurs, il vous plaira me commander votre bon plaisir, etc., me recommandant, etc.

1. Sebastiano Gualtieri, évoque de Viterbe (1551), mort le 10 septembre 1566.