TOME XXXIII

Voullant comme tousjours réserver à soy en particuilier; et à la fin sur l'instance qne nous luy avons dextrement faicte que ceste secrette seuretté nous fust communicquée pour l'interest que Yostre Majesté a en la protection dudict sgr duc, elle nous a donné intencion et à la fin promesse de le faire. Et quant au demourant de la continuacion de la suspension susdicte pour deux ans, qui est le poinct là où à la fin nous en tombyons, elle nous a dit qu'elle ne pouvoit point astreindre ledict Empereur en ladicte suspension ou la reffuser jusques à ce que le temps de la trefve et suspension première fust expiré, mais qu'elle ne laisseroit pas pourtant de cependant traiter pour elle et continuer ladicte suspension, laissant terme audict Empereur d'y entrer si bon luy semble quinze jours après que ledit traité sera expiré.

Sire, remettant le surplus de ce que nous vous pourrions mander à nostredict mémoyre, nous ferons fin à la présente après avoir supplyé le Créateur vous donner, en parfaicte santé et prospérité, très bonne, très longue et contente vye.

De Rome ce vije jour de janvier 1553.

Vos très humbles subjeetz et très obéissantz serviteurs. — J. cardinal du Bellay. — Lanssac.

Sire, j'ay présentement esté adverty que le cardinal d'Angleterre ' a escript au Pape avoir eu lettres de l'Empereur, lequel luy permet qu'il puisse aller devers luv et que de là icelluy cardinal est délibéré de passer aussi vers Yostre Majesté.

175. — Mémoire de M. de Lanssac et du cardinal du Bellay au roi.

Le iiije de ce mois, qui fut jeudv dernier, le sr Baldoyn envoya ung sien secrétaire vers moy de Lanssac pour me