TOME XXXIII

pension pour deux ans, i! ne m'a pas semblé debvoir entrer plus avant en dispute avec luy.

Monseigneur, ces jours passez, le filz i du sr Camille Colonne 2, qui avoit espouzé la fille 3 de la signora Livia Colonne *, entra en sa chambre aeompaigné de huict ou dix et la tua, que tout le monde par deçà estime à une grande cruaulté et meschancelé. Car, encores qu'elle eust réputation de se gouverner mal, si esse qui le sçavoit bien auparavant que d'espouser sa fille. Parquoy on dit qu'il l'a plustost faict pour avoir ses biens que pour occasion d'honneur. Toutefois le Pape ne faict pas grande démonstration d'en vouloir faire justice, combien que le sr Ascanio Collonne, qui est chef de la maison, et plusieurs autres parens le prenent fort à cueur, tant contre l'homicide que contre ledict sr Camille son père, de sorte que beaucoup pensent que cella pourra estre cause de la ruyne de leur maison .

Monseigneur, après m'estre très humblement recommandé à vostre bonne grâce, je supplieray le Créateur vous donner en santé très bonne et longue a ye .

De Rome ce xxvije janvier 155'!.

Vostre très humble, très obéissant et très obligé serviteur. — Lainssac.

A Monseigneur, Monseigneur le duc de Montmorency, pair et connestable de France.