Par la voye de Venize

le Pape pour le faire conduire au fait de la suspencion, et les longueurs et remises dont il nous a usé pour attendre des nouvelles de l'Empereur, ains\ que flnablement luy mesme a confesse à mondit sgr le cardinal auquel d'avant hier il dit que sans plus attendre il y voulloit mettre fin. Et hyer au soir m'envoya parung sien secrétaire son intention par escript dont je vous envoyé le double, et me manda qu'il estoyt prest de faire ladite conclusion et de traicter quant nous vould rions, pourquoy nous sommes délibérez d'assembler demain votre conseil pour faire mettre par escript ledit traicté de prolongacion pour deux ans de suspencion aprez les deux autres expirez, avec semblables condicions et substance que ledit premier traicté, et à part nous ferons si nous pouvons par une bulle secrette annuller toutes les sentences et censures et privations données à l'encontre de M. le duc de Parme et de ceulx de sa maison, ainsy que Sa Saincteté le nous a accordé ; et ferons le tout avec les termes les plus advantaigeux et honnorablement pour Votre Majesté qu'il nous sera possible, vous advisant, Sire, que nous eussions encores plus pressé ladite conclusion que nous n'avons fait n'eust esté que mondit sr le duc de Parme nous avoyt mandé et requis de différer jusques à ce que nous eussions autres nouvelles de Votre Majesté. Mais ayant attendu assez longuement pour en avoir et craignant quelques changements en la voullonté de Sadite Saincteté, il me semble que nous ne pouvons faillyr de suyvre votredit premier commandement, qui est d'y mettre fyn par voye'de traicté de paix ou de prolongation de suspension, avec les mesmes condicions que dessus, car vous démolirez en voire liberté de la ratiffier sy bon vous semblera.

Sire, M. de Selve m'a escrit vous avoir mandé quelques adviz venans de deçà qu'il avoyt veuz à Venize, lesquelz disoient que le Pape et le duc de Florence concluant le mariage du sr Fabvcn avec la fille dudit duc avoient

accordé de faire quelque contribucion pour la guerre de Siennes, et de mettre ensemble pour le dot iijcra escuz pour achapter ung estât audit Fabyen, lesquelz deniers l'Empereur prenoyt s'obligeans de bailler ledit estât au royaume de Napples et ailleurs. Sur quoy j'ay fait toute la diligence à mov possible pour en sçavoir la vérité et mesmement envers Msr le cardinal d'Imola lequel m'a asseuré sur son honneur qu'il n'en est riens. Et combien qu'ilz sovent d'accord que ledit mariage se doive faire il n y a encores aucuns articles par escript ne accordez, et que Sa Saincteté attend chacun jour quelqu'ung que ledit duc luy doibt envoierpour traicter ; et que Sadite Saincteté n'a point assez d'argent pour faire telz marchez, et (juant elle en aurovt, elle ne se vouldroyt pas fyer de le bailler à l'Empereur pour achapter riens à Napples, d'aultant qu'il n'y sçauroit riens vendre que la principaulté de Salerne dont personne ne pourroyt et ne vouldroyt prendre asseurance, et davantaige qu'elle a bon exemple voyant que le duc Oclavio ne joyst pas de celle que feu pape Paulo luy avoit achapté audit royaume, m'asseurant bien ledit sgr cardinal que Sa Saincteté ne demande que de vivre en paix, et que pour le parentaige du duc de Florence elle ne se laissera pas tyrer à chose que \ienne au préjudice de Votre Majesté, laquelle toutesfois je ne vouldrois pas persuader de se y fyer trop. Mais je vous puis bien asseurer que Sadite Saincteté ne pourroyt fournir comptant pour le plus soixante mil escuz, car je le seay par ceulx qui ont la garde de ce qu'il en a.

Sire, suivant ce que mondit sgr le cardinal du Bellay vous escript, j'ay entendu que Sadite Sainctelé doibt dépescher ung de ces jours ung courrier devers Votre Majesté pour ce qu'elle a entendu qu'il estoyt venu à Marseille -quelques allumes ' de Levant, et qu'elle prétend obtenyr

i. Alun.

quelque promesse de Votredite Majesté qu'il ne se y en

puisse vendre sinon de celle qui se lire de Testât de l'Eglise. Toutesfoys elle ne m'en a point encores parlé ne fait parler.

Sire, je supplie le Créateur, ete.

187. — 28 janvier 1554. — Lettre de M. de Lanssac à Pierre Strozzi.

Monsieur, depuis mon autre lettre escripte, il y a ung bon serviteur du Roy qui m'a dit que parlant cejourd'huy au Pape des affaires de Sienne, Sa Saincteté luy a dit qu'elle eust désiré merveilleusement de pouvoir accorder le duc de Florence avecque le Roy, mais qu'il n'en failloyt point parler à présent, pour ce que vous estant sy grant ennemy dudit duc comme vous estes, et estant à Sienne tenant le lieu que vous y tenez, il sembleront, si ledit duc faisoyt quelque accord, que ce seroyt par craincte de vous, par quoy il ne le pourroyt faire avecques son honneur, et quelle ne favsoit point de doubte que l'on ne vous fist la guerre ; sur quoy on luy a demande comme en ce cas il vouldroyt vivre, et il a rcspondu qu'il voulloyt estre neutral et ne riens faire pour l'une part ne pour l'aultre. Mais par là l'on peut conjecturer qu'il sera neuttre en apparence et qu'il fera plaisir soubz main à qui luy touchera le plus près du cueur. On luy a aussi demandé, s'il venoyt quelques ennemys de Napples luy demander passage pour ladite guerre, s'il ne s'armerovt pas comme il feyt l'année passée : à quoy il a respondu que non pour ce que, à ce qu'il dit, il fera bien tant envers le vice rov que les gens qui viendront passeront a la fdle; et par là on veoyt qu'il n'a pas peur des ïmpériaulx comme l'aultre fovs, et qu'il en peust estre asseuré par le moien du duc de Florence. Vous jugerez des susditz propoz ce que bon vous semblera, et quant à moy je mectray toute

la peyne que je pourray pour entendre tant de Napples que d'ailleurs comme toutes choses y passeront pour vous en advertyr. Mais il me semble que vous devez faire dilligence de pourveoir à voz affaires afïin de n'estre point surprins, et regarder à advancer tant les fortifications que de garnir les places de vivres et munitions, et aussi d'apeller auprès de vous les srs Paulo Ursyn et Aurelio Frégonze ' et autres bons serviteurs du Roy que vous congnoissez avoir moien et puissance de luy faire service ; et aussy il me semble que si M. de Lodesve avoyt quelque bon fondz, il seroyt merveilleusement bon qu'il envoyast de bonne heure la plus grande somme de deniers qu'il pourroyt dedans Siennes, pour ce que l'on n'en fait point de despence davantage qu'il convient faire. Et si les passages venoient à estre fermez, vous sçavez comme il seroit dimcille et hazardeux d'y en faire passer.

188. — 29 janvier 1654. — Mémoire de M. de Lanssac à M. de Neufville.

Mémoire à M. de Neuville * de s'en aller en la meilleure dilligence qu'il pourra à Soranne 3 et là présenter les lettres que M. de Lanssac escript au lieutenant du conte de Petilhan y estant, duquel il s'enquerra de Testât des ennemys, s'ilz sont en campagne sur le Siennoys et en quelque endroyt, et, s'il n'en peult riens sçavoyr, prandra quelque nombre des chevaulx légyers dudit sr conte

1. Aurelio Fregoso fut l'un des confidents du duel fameux entre Jarnac et la Chàteigneraye, en 1547. (Brantôme, éd. Lalanne, t. VI, p. 276.) Il était fils naturel d'Ottaviano Fregoso, doge de Gênes. Il servit longtemps la France en Italie dans l'armée de Pierre Strozzi et passa plus tard (1557) au service du duc de Florence.

2. Il s'agit sans doute ici d'un fils ou d'un neveu de Nicolas II de Neufville, seigneur de Villeroy, secrétaire des finances, mort après

3. Sorano, village de la province de Grosseto, près de Pitigliano.

pour luy faire escorte et aller plus avant dans le pais Sennoys pour en entendre la vérité, et en mander incontinent et en dilligence pardeça ce qu'il en sçaura à Msr le cardinal du Bellay et audit sr de Lanssac.

Et s'il entend quelesditsennemvs soient sur le Svennovs, fera toute la dilligence à luy possible pour s'aller mettre à Montalchino et se faire le plus dextrement et avec le moings de scandai le qu'il pourra maistre de la forteresse, en laquelle il fera toutes les meilleures provisions qu'il sera possible pour la delfendre ; et au cas qu'il n'y peust entrer et que les ennemys fussent si près qu'il ne peust pourveoir à temps à ce qu'il feroit besoing pour la sauver, fera tout son pouvoir pour entrer dedans Monticliello ' pour y faire ce qu'il verra estre nécessaire, remettant à sa prudence et expérience et à l'affection qu'il a de faire service au Roy de se gouverner selon ce qu'il verra ; car ceste entreprinse est si inoppinée que l'on ne le sçauroyt mieulx instruvre.

Et si tant est que desja Mgr le cardinal de Ferrare ou le sr Pierre eussent pourveu auxdits lieux et qu'il congneust son service n'estre nécessaire, ou bien si l'allarme que l'on nous a faict estoyt faulce, il s'arrestera à Soranne et de là il nous fera entendre de ses nouvelles. En quoy nous le prions d'user de toute la dilligence à luy possible ; et semblablement d'advertyi mondit srle cardinal de Ferrare et ledit sr Pierre de la cause de sa dépesche, pour faire ce que par eulx luy sera ordonné, et sur toutes choses se prendre garde que en tous les lieux où il aura charge il ne se dye ne face riens où le Pape soytoffencé, ains publiera partout que Sa Saincteté est bon père commung et neutral et amy du Roy, lequel aussi luy veult tousjours demourer obéyssant filz.

Pareillement prendra garde que la despence qu'il fera