Tenir lieu

sont les affaires de Syenne, je ne vous ennuyray de plus longue lettre.

Sire, je supplie le Créateur, etc.

Postscript. — Sire, je ne veulx oblyer de vous dyre que encores qu'il semble à la braverye des Impériaulx que tout soyt perdu, que je trouve beaucoup de personnes de deçà qui se viennent offrir corps et biens, mesmement messer Bernardo Acbioly et messer André Vimercato, qui ce matin m'a apporté sa bourse et sa boitte pour l'emploier si j'en avois besoing en votre service.

191. — 31 janvier 1554. - Lettre de M. de Lanssac au connétable de Montmorency.

Monseigneur, j'eusse différé à dépescher le secrétaire Boucher, présent porteur, pour attendre de porter au Roy le traicté de la suspencion, n'eut esté que j'ay présentement receu ung pacquetde Mg5 le cardinal de Ferrare pour leRov, par lequel je pense qu'il faict entendre à Sa Majesté comme les choses sont passées à Siennes jusques icy, n'ayant point moien de l'advertyr par autre voye. Qui m'a fait faire ceste dépesche en toute dilligence, n'y pouvant adjouster riens oultre ce que vous verrez par la lettre de Sadite Majesté, sinon que l'on dict que deux mil Espaignolz se sont embarequez à Napples pour venir à ceste entreprise de Siennes, et pareillement que l'ambassadeur de l'empereur a dépesche l'évesque d'Ottrante i à Napples pour faire bénvr la cavallerve dudit royaume. Ne voullant aussy oblier à vous dire que en l'audience que nous eusmes hyer du Pape, Mgr le cardinal du Bellay n'oblia riens de ce qu'il sçayt bien dire pour vivement remonstrer toutes choses requises à SaSaincteté, et si j'avoys assez bon

1. Pierre Anton, archevêque d'Otrante de 1536 à 1579, date de sa mort.

mémoire pour le redyre par escript, je le feroys ; car je croy que vous y pranderyez plaisir. Mais vous le verrez par le mémoire qu'il eu a luy mesme faict dresser.

Monseigneur, pour pourveoir autant qu'il me sera possible aux affaires qui se présentent, j'ay prins deux mil escuz de messer Bernardo Achaioly dont j'ay desja baillé xve escuz, comme vous verrez par mes lettres du Roy, et vc qui me restent dont je tiendra) compte. Il vous plaira, Monseigneur, les faire délivrer audit Boucher pour les rendre aveeques iiijxx escuz pour l'intérestz : vous ad visant que si j'en eusse demandé davantage ledit Achioly les m'eust voullontiers baille, car je ne congneuz jamais homme desaquallitc plus affectionné serviteur qu'il est. Pareillement je vous supplve, Monseigneur, faire bailler audit Boucher la demye année de mon estât et quelques partyes que j'a\ faictes jusques icy.

Monseigneur, remettant le surplus de ce que nous vous seaurions ilyre à la suffisance dudit Boucher, je feray fyn par mes très humbles recommandations, etc.

Postscript. — Monseigneur, je vous escriptz cy dessus que j'envoye au Roy ung pacquet de Mgr le cardinal de Ferrare parce que le secrétaire dudit sr cardinal qu'il a dépesché icy me l'avoyt dit ; mais il s'est trouvé qu'il ny en avoit poinet, et vous envoyé seullement une lettre que m'a escripte ledit sr cardinal.

192. — 31 janvier lo*J4. — Lettre de M. de Lanssac au cardinal de Ferrare.

Monseigneur, je receus hyer la lettre qu'il vous pleust m'escripre par le sr Jehan Paule votre secrétaire, laquelle j'ay cejourd'huy envoiée au Roy par le secrétaire Boucher, pour luy faire entendre Testât des affaires de deçà et mesmement de la suspencion pour autres deux ans que nous conclusmesavec Notre Saint Père, dont je vous envoieray

la coppie du traicté par la première occasion. Vous ad visant, Monseigneur, que Mgr le cardinal du Bellay et moy fismes bien hyer toutes les exclamations et remonstrances qu'il estoyt possible à Sa Saincteté pour favoriser la déffence de la liberté de Siennes et de la protection de Sa Majesté en icelle, sans oblier l'intérest du Saint Siège apostollicque au cas que Siennes revinst entre les mains de l'Empereur. Sur quoy Sa Saincteté nous en confessa plus que nous ne luy en pouvions dyre, mais qu'elle estoyt bien marrye de veoir les affaires en ces termes, et qu'elle ne voulloyt faire pour une part ne pour l'aultre, et voulloyt demourer neutralle, ce que Dieu veuille, sur quoy vous ferez tel jugement qu'il vous plaira, et des propoz qu'il tinst à votredit secrétaire que je pense qu'il vous escript.

Monseigneur, je croy que dès ceste heure vous aurez entendu comme dèzqueje fus adverty de ceste soubdaine entreprinse je dépeschay incontinent le sr Emilie de Cabriannes, etc. (le tout selon le mémoire qui fut baillé au sr Emilie pour ne faire riens sans en advertvr ledit sr cardinal et le sr Pierre).

Monseigneur, je receus hier au soir une lettre de bancque de xvijm escuz de M. de Selve,lesquelz j'ay receuz et les vous envoyé présentement par le mai sire des courriers d'ordinaire et Guillaume le Conte, ung de mes gens, et leur ay donné charge de passer vers IYlme de Castres à laquelle j'ay escript et supplie de leur donner escript pour les conduyre le plus seurement qu'il seroyt possible. Je leur ay baillé du susdit argent pour faire leur voiage lx escuz, que j'ay pensé estre assez ; toutesfoiz s'il ne suffisoyt pour leur retour je vous supplie leur en bailler et me commander au demourant ce que je deveray faire pour le service du Roy et le vôtre. A quoy j'obéyray, etc.

Monseigneur, je me recommande, etc.

193. — 31 janvier il>5*. — Lettre de M. de Lanssac à Pierre Strozzi.

Monsieur, je croy que vous aurez este adverty de la dépesche que j'avoys faite au sr Paule L rsin et à Emilie Cabriannes pour aller à Petilhanno, Soranno, Montalchino et Montichello, et leur avoys donné charge de vous faire entendre de leurs nouvelles pour sçavoir de vous ce qu'ilz auroient à faire et n'entreprandre aucune choze s'il eslovt possible, sans seavoir ce que leur vouldryez ordonner. Je leur baillav, pour faire les provisions qu'ils trouverovent les plus nécessaires, mil vc escuz dont j'espère qu'ilz tiendront bon compte, car ilzsont saiges et bons serviteurs du Roy.

Monsieur, je fîz partir hier la fragatte que Gassot avoyt faict aehepter en eesle ville, ne l'ayant peu plus tost faire partyr parce qu'il n'y avoit point de pattron pour la conduvre, et fuz contrainct d'en envoyer cercher ung jusques à Cornette % nommé André Symon de Cornes, Corse auquel j'av baillé xxv escuz d'advance, et promis qu'il aura pour l'entretenement de luy seul dix escuz le moys. Je n'ay point voullu faire marché des compaignons, pour ce que par adventure il n'eust pas eu de si bons hommes pour servir pour en prandre meilleur marché, mais j'av escript à Serres qui est à Portohercule qu'il y pourveoye, et vous envoyé les parties de tout ce que le tout couste. Sur quoy ledit Gassot avoyt laissé à mon homme lx escuz dont il reste deux escuz moings ung julle, qui seront pour la peine de cellui qui a faict lesdicts marchez et mises.

Monsieur, je receuz hier au soir une lettre de baneque de xvijm escuz de M. de Selve, lesquels j'ay receus et les vous envove présentement par le maistre des courriers d'ordinaire et Guillaume le Conte, ung de mes gens, et