Corneto

leur ay donné charge de passer vers Mrae de Castres à laquelle j'ay escript et supplie de leur donner escript pour les conduyre le plus seurement qu'il seroyt possible. Je leur ay baillé du susdit argent pour faire leur voiage Ix escuz, que j'ay pensé estre assez ; toutesfois, s'il ne suffisoyt pour leur retour, je vous supplie leur en bailler et me commander au demourant ce que je deveray faire pour le service du Roy et le vôtre.

Monsieur, si d'adventure vous me mandez de faire quelque expédicion par deçà, il vous plaira me mander la liste des cappitaines que vous vouliez que je dépesche, entre lesquelz s'il vous plaist vous aurez souvenance du sr Bonifface de Sermonette, du sr Ilenrico Ursino et de Hiéronime de la Corbare, et me laisserez s'il vous plaist lieu de y en mettre trois ou iiij, car je ne y mettray pas gens qui ne le méritent. Aussi vous me manderez s'il vous plaist en quelle sorte vous vouliez qu'ilz soient expédiez, d'une ou de deux ensegnes, et quel nombre pour ensegne. Il y en a plusieurs qui se viennent offrir que je tiens en bonne espérance, mais je m'asseure que vous ne ferez pas faire sans occasion cette despence. Il vous plaira aussi me mander si vous aurez receu mon pacquet, où il y avoyt des lettres des xxvij0 et xxviije et ung alphabet de chiffre que je vous en vo vois, et serois en grant peyne s'il estoyt perdu.

Monseigneur, je me recommande, etc.

194. — 2 février 1554. — Lettre chiffrée de M. de Lanssac à Pierre Strozzi.

Monsieur, j'ay receu votre lettre du dernier du moys passé par le cappitaine Mazvn Delbeyne ' auquel suivant

1. Le capitaine Mazin del Bene, un de ces fuorusciti réfugiés dans l'armée de Strozzi. Brantôme le mentionne à deux reprises (11,269; VII, 237) parmi les plus vaillants serviteurs de la France.

votre mandement j'ay baillé ijc escuz. Et quant aux iij c que vous me mandiez que je baillasse au sr PauleUrsyn, vous aurez peu entendre par ma dernière lettre que incontinent (pie je (uz adverty de l'entreprinse des ennemys je le dépeschay pour aller à Soranne, Petilhano, Montalchino et Montichello pour pourveoir ace qu'il verroit estre nécessaire pour la deffehse de ees lieux, craignant que par surprinse à l'improviste il y advint quelque inconvényent mesmement en l'absence du conte. Pareillement je dépeschay pour mesme cause le sr Emilie Cabrianne et donnay à tous deux mil vc escuz, sçavoir est mil audit sr Paule, et vc audit sr Emilie, dont il vous plaira leur faire lenyr compte. Car je les advertiz sur toutes choses qu'il s vous fissent entendre s'il éstoyt possible de leurs nouvelles, pour sçavoir des vostres, et ne faire riens que ce que par vous leur seroyt ordonné.

Monsieur, je vous veulx bien advertyr des choses qu'il me semble à quoy vous devez prandre garde. Premièrement aux lettres qui s'escrivent hors de Siennes, mesmement à celles que la Seigneurye escrira à messer Anthonio Panelini leur ambassadeur, car il est serviteur domesticque et fort aiTectionné du Pape, et du s1" Baldoyn, par où il y auroyt dangier que si on luv communiequoyt quelque chose de secret, que le duc n'en fust bientost advert \ . Aussi vous veulx je bien dyre que Mgr le cardinal du Bellay m'adict que autresfois durant que les ennemys estoient à Syenne on luy dict qu'il y avoit une poterne dans le monnastaire de Saint Dominicque par laquelle on pou\ on t sortyr et entrer dans la ville, et aussy que le canal par où les eaues viennent dans ladite ville est fort grant et large et que on pourroyt venyr par ieclluv jusques soubz ladite ville pour y faire quelque myne qui porteroyt grant dommage. Je vous veulx semblablement advertyr que par les lettres qui vindrent hyer de Napples, l'on mande que les deux mil Espagnolz et quelque autre nombre de gens