TOME XXX11I

de pied se mettent en ordre pour s'embarquer. Je vous ay dernièrement mandé que l'ambassadeur de l'Empereur avoyt envoyé audit Napples l'arcevesque d'Ottrante pour solliciter la cavallerye et ceste nuyt passée il a dépesché ung courrier pour la faire advancer.

Monsieur, le sr Henrico Ursin est icy qui est bien marry que l'on ne l'employé. Je vous supplie luy mander ce qu'il aura à faire, ou bien les excuses de ce que ne le mettez en besoingne. Pareillement je vous supplie si vous avez affaire de quelque ung, je vous supplye vous voulloir servyr du conte Hieronime de la Corbare, car oultre ce que j'en suis fort pressé de Mgr le cardinal Crispo, j'entends que c'est ung fort homme de bien et bon soldat, parquoy de ma part je vous en supplye encores de rechef le voulloir employer, s'il vous semble estre pour le service du Roy, et je désireroys que en cest endroyt il vous pleust complaire audit sr cardinal Crispo pour la grande affection qu'il y a.

195.— 2 février 1554. —Lettre de M. de Lanssac à Pierre Strozzi.

— 2e lettre.

Monsieur, il y a des sensalz * qui me sont venuz dyre que si j'ay affaire de xx, xxx, xl, et lm escuz ilz les me feront recouvrer à x p. c pour ung an en baillant caution et pour icelle sont contentz de prandre le sr Robert votre frère. De quoy je ne veulx pas advertyr le Roy sans vostre bon conseil et advys. Et partant si c'estoyt choze que eussyez agréable, il vous plaira m'en advertyr pour m'y gouverner comme vous ordonnerez. Et au cas que le voulsissyez faire, qu'il pleust audit sr Robert m'envoyer de bonne heure procuration et pouvoir pour en passer l'obligation qui seroyt requise, de laquelle je me garderois bien d'a-