février 1554. — Lettre de M. de Lanssac au roi

Sire, combien que par le propoz que vous verrez par mon autre lettre que le Pape nous avoyt tenuz à Mgr le cardinal du Bellay et à moy je pensasse que Sadite Saincteté deust exclurre l'Empereur du traicté de prorogacion

Ide suspencion, si esse que depuis estant mondit sr le cardinal allé jusques à Porto, j'ay recouvert ledit traicté en forme et l'ay mieulx considéré et monstre au conseil, et ya trouvé que encores que ledit Empereur n'y soyt expressément nommé, néantmoings il demoure en sa liberté d'y entrer dedans le temps que fuyra l'autre suspencion si bon luy semble, pour ce que cedit traicté se remet de tout à l'aultre et comprend tous ceulx qui y sont comprins. Parquoy cejourd'huy je suis allé vers Sa Saincteté la supplyer de dyre comme elle l'entendoyt ; à quoy elle m'a respondu qu'elle n'avoyt point voullu faire mention dudit Empereur parce qu'elle ne se voulloyt point obliger pour luy, et qu'elle désiroyt s'en départyr pour n'avoir riens à faire ensemble s'il estoyt possible, et aussi ne l'ai oyt elle point voullu exclurre, aflin qu'il n'eust cause de se plaindre, mais qu'il luy suffiroyt que Votre Majesté envoiast ratimeation dudict traicté en ce qui touche son intérests seullement, sans faire mention dudit Empereur, lequel s'il désyre entrer en ladite suspencion le recerchera s'il veult dedans le temps. Et après Sadite Saincteté m'a tenu tous les bons et honnestes propoz qu il est possible de l'amytyé qu'elle vous porte et du désyr qu'elle a tousjours eu d'accommodder les affaires de deçà à votre bien et advantaige ; et qu'elle avoyt bien voullu conclurre ledit traicté de suspencion à présent, pource que voyant le duc de Florence avoir commencé la guerre, il ne sem-