Par M. de Ramboillet
blasl qu'elle voulsist oblyer ce qu'elle vous doibt, ne se laisser tyrer audit duc quelque parentage ou amvtvé qui puisse estre entre eulx, mais que au contrayre elle avoyt tousjours désyré d'attyrer ledit duc à estre vostre serviteur et m'a encores renouvelle les plainctes de son nonce qui ne vous avoyt point monstre l'instruction qu'il luy avoyt envoyée L'esté passé, et que s'il la vous avoyt monstrée, il ne luy en avoyt point faict de responce. A quov j'av corespondu de belles paroles le mieulx que j'ay peu, sans entrer en aulcune cboze particullière. Depuis le cardinal Montepulcyan, ainsi que je sortoys, m'est venu trouver pour me parler de la part de Sa Saincteté des affaires des allums qu'il m'a fort prié de recommander à Votre Majesté, et après me feit ung long discours qui en conclusion ne tendovt à autre fyn que à louer la bonne intention du Pape et excuser le duc de Florence duquel il est affectionné amy ; et qu'il désiroyt merveilleusement de veoir lever ceste guerre, et accommoder les choses de Siennes à votre contentement et à la seuretté de ceste République, en sorte qu'elle ne fust point en soubson aux voysins. A quov je luy ay dit que il y a deux moys que j'eusse bien respondu de votre intention pour ce que je la sçavoys, mais que depuis les choses estoient changées et que je ne pouvoys riens dyre en ceste mattière sans avoir commandement de Votre Majesté. Vous pouvez penser. Sire, qu'il y a six jours qu'ils ne tenoyent pas ce langage, mais ayant trouvé Sienne pourveue et plus difficile à prendre qu'ils ne pensoient, et entendu que votre armée de mer avec tel équippage qu'elle est vient pour le secours de Corse, à mon ad vis cela les fait parler ainsi. Dont vous recueillerez ce que bon vous semblera, et me commanderez ce qu'il vous plaira que je responde si on me tient plus semblables propoz que dessus.
Sire, il y a des marehans icy qui me donnent espérance que s'il plaisoyt à Votre Majesté ilz pourroient donner de
l'argent à prix bien raisonnable, et croy à mon advis qu'il ne cousteroyt pour l'intérest pas plus de x ou xij pour cent par an ; mais ilz vouldroient avoir le sr Robert Strozzy pour respondant, lequel à mon advis n'y feroit point de deffault pour votre service. Il vous plaira aussi me commander si vous aurez agréable que je poursuyve ce party. Sire, je supplie le Créateur, etc.
203. — 13 février 1554, à cinq heures du soir. — Lettre de M. de Lanssac à Pierre Strozzi.
Monsieur, je suis allé cejourd'huy vers le Pape et luy ay dict que Sa Saincteté avoyt faict deflfense qu'il ne sortist point de soldatz de ses estatz pour aller au service de l'une ne de l'aultre part. Dont nous estions contentz pourveu qu'elle fust bien observée, mesmement à présent que j'avois entendu que le sr Ascanio de la Corgne voulloyt faire iij ou iiijm hommes pour le service du duc de Florence. A quoy elle m'a respondu que ledit Ascanio ne levoyt point de gens de nouveau pource que ledit duc luy avoyt donné charge de iij"1 hommes qui estoient desjà levez, estrangers et non pas des subjectz de l'Eglise. Je luy ay aussy dict que soubz umbre de ladite deffence, il y avoit des gens qui gardoient les passaiges auprez d'Orviette qui avoient desvalizé aucuns soldatz qui venoyent de Lombardye au service du Roy, et que je le supplyois de commander au gouverneur d'Orviette et pareillement au vice légat de Pérouze de laisser passer librement les soldatz estrangiers qui viendroient pour l'une part et pour l'aultre. Ce qu'il m'a promiz de faire pourveu qu'ilz viennent à la fille * et non pas en trouppe, et sur ce propoz me dict davantage que ce matin l'ambassadeur de l'Empereur luy avoyt demandé passage pour ijm Espagnolz et cinq cens chevaulx qu'il
