TOME IXIHI

tout ce que je puis entendre, dont vous ferez vostre proffict tout ainsi comme vous vouldrez.

Monsieur, si vous avez affaire de iij ou iiijc picques je les vous envoieray à Portoherculle, et aussi de la pouldre tant d'artillerye que de hacquebutte si vous en vouliez, car j'en trouve assez qui m'en offrent à ung julle la livre : vous m'en manderez s'il vous plaist vostre voullonté. J'ay baillé au surplus suivant ce que vous me mandastes par Le Boitteux deux cens escuz au cappitaine Sarraviste, et porte quant à luy xl corselletz que je luy ay faictz mettre hors de ceste ville. J'ay aussi baillé à ung homme du sr Emilie Cabrianne c escuz pour emmener quelques soldatz dont son maitre luy avoyt donné charge, et m'en avoyt escript et pryé, qui seront vjc escuz qu'il aura receuz, lesquelz il vous plaira luy faire précompter et rabattre sur la première monstre.

Monsieur, je me recommande très humblement à votre bonne grâce, etc.

De Rome le xiiije jour de février 1554.

205. — 16 février 1554. — Lettre de M. de Lanssac à Pierre Strozzi *.

Monseigneur, j'ay présentement receu par ung courryer qui n'a pas fait trop grande dilligence, une lettre de Mgr le connestable avec ung pacquet qu'il me commande vous faire tenyr, lequel je vous envoyé par ce porteur que j'ay dépesché expressément, et aussi vous envoyé la coppie des nouvelles d'Angleterre que j'ay receues de mondit sr le connestable, dont je pense bien que vous aurez autant ; vous ad visant que oultre xxm escuz que j'ay encores entre mes mains comptant, j'ay aussi par ceste dépesché receu une lettre de crédit de xxm escuz qui seront xlm, dont