A la Ûle

disoyt venir du royaume de Napples, ce qu'elle luy avoyt reffusé. Je luy ay encores de rechef parlé de la traicte qu'elle avoyt révocquée, avec toutes les plus gratieuses remonstranees qu'il m'a esté possible. A quoy Sadite Saineteté me feyt tout plain d'excuses qui seroient trop longues à racompter. Et entre autres qu'elle n'avoyt point baillé ladite traicte au Roy ne à aucuns de ses ministres, ains à aucuns de ses subjectz et que en la révocquant elle ne faict tort à personne, et qu'il ne seroyt pas honneste qu'elle eust accordé ladicte traicte au préjudice du duc de Florence qui estoyt son amy et son parent, et que nous nous devions bien contenter qu'elle ne fust ne pour les ungs ne pour les aultres et demourast en sa neutrallité. Depuis je luy ay réplicqué plusieurs choses et luy ay [dit] que ce que nous en faisions n'estoyt pas par nécessité et que quand nous en aurions besoing j'espérois tant de sa bonté qu'elle ne me vouldroyt pas reffuzer quand je luy en demanderois une traicte. Ce qu'elle ne m'a pas dényé et m'en a donné bonne espérance, me disant que nous avions assez de moien d'en recouvrer sans luy en demander et que pourveu que on en tyrast secrettement et sans son congé, qu'elle ne s'en courrousseroyt point.

Vous advisant que Mgr le cardinal S' Ange, qui venoyt de parler à Sa Saincteté comme je y suis allé, me dit qu'il venoyt de s'excuser envers elle de ce que l'aultre jour elle luy avoyt dit que madame sa mère avoyt envoyé les batailles de Testât de Castres à Siennes, et que en s'excusant de cella il luy a dict que leur maison estoyt tant obligée au Roy qu'ils ne pouvoient de moings que de servir Sa Majesté de vivres, de gens et de tout ce qu'ils pourroient. A quoy Sadite Saincteté luy a dict qu'elle avoyt raison et qu'elle se contentoyt, pourveu que cella se feist secrettement, et que si l'on envoyoyt des gens, que ce ne fust point avecques ce nom là des batailles de Castres.

Monsieur, pour vous dyre véritablement mon advis de

ce que je pense du Pape, je ne faiz nul doubte qu'il ne face soubz main et le plus secrettement qu'il pourra tout le plaisir qu'il sera possible au duc de Florence à notre préjudice, et néantmoings il vouldera estre estimé neuttre, et nous paistre de belles parolles, que je dissimulera)' le plus doulcement que je pourray, faizant semblant de le croyre, luy remonstrant toutesfoiz cependant ce que je verray estre à propoz. En attendant que je saiche du Roy quel langaige j'auray à luy tenir, et lors si j'ay commandement de me courroucer, et de faire le brave, je le sçauray bien faire, car j'en ay bonne envye. Sadite Saincteté m'a dict davantaige que ceste guerre se faisoyt aux despens communs, la moictyé de l'Empereur et l'aultre du duc de Florence, qu'ilz faisoient leur compte d'avoir xm hommes de pied et mil chevaulx, et qu'il coustoyt audit duc de Florence xxiij m escuz tous les moys, qui n'estoyt pas grant despence, et qu'il la pourroyt bien supporter longuement. A quoy j'ay respondu que ces forces là ne de beaucoup plus grandes ne seroient pas suflizantes pour forcer le Syennoys, et qu'il ne nous failloyt pas grant nombre de gens, oultre ce que nous en avons desjà, pour estre les plus fortz.

Au demourant madame la duchesse de Castres, etc. (c'est touchant ijm escuz que M. l'ambassadeur luy a prestez, lesquelz il supplve le sr Pierre de le faire rembourser en assignations sur luy s'il fait quelque marché de grains avec ladite duchesse, etc.)

Monsieur, je vous veulx bien dyre que à ce que j'entendz les ennemis ont quelque espérance que l'unyon, bonne intelligence et fidellité que vous trouvez à présent aux Siennoys ne durera pas tousjours, et aussi par ce que je suis adverty ils espèrent quelque chose par traicté dont je m'asseure que de l'un et de l'autre vous vous sçaurez bien donner de garde.

(Par autre article de ceste lettre fait recommandation de

ung pouvre cappi laine nommé Henrico, Corse, pour le faire employer, etc.)

Monsieur, je me recommande humblement à votre bonne grâce et prie Dieu, etc.

De Rome le xiij® jour de février 1554.

204. — 14 février 1554. — Lettre de M. de Lanssac à Pierre Strozzi *.

Monsieur, puisque le Pape a fort pressé Mgr le cardinal du Bellay et moy de respondre à la lettre du sr Ascanio de la Corgne, nous avons advisé pour sa satisfacion de vous dépescher ce courrier exprès pour vous prier, après avoir veu la coppie de la lettre dudit Ascanio, luy vouloir faire responce à Montepuleiano où a ce que j'ay entendu il est, vous voullant bien dyre daventaige que par tout ce que je puis entendre la cause de l'entreprinse que a faicte le duc de Florence a esté pour avoir quelque traicté ou intelligence à Siennes ; et pour ce que j'ay oy dyre que la nuyt de ceste allarme les gardes feurent changées, il me semble que vous feriez bien de vous enquérir qui estoyt en garde avant ledit changement à la porte Camolye * pour vous en donner garde, car il est à présupposer, puisqu'ilz se vindrent adresser en cest endroit, que ceulx qui avoient ledict traicté ou intelligence en main s'il y en avoyt, estovent de ladite compaignye, vous advisant aussi que je suis bien fort ayze d'avoir veu par toutes vos dernières lettres et des effectz qui s'en ensuivent le bon couraige que vous avez. Car l'on dit que ledit Ascanio a escript à son frère le cardinal en sorte qu'il semble qu'il tienne la prinse de Sienne pour certaine. Mais il n'est pas cappitaine de si grande expérience qu'il s'en faille du tout arrester à son jugement, vous priant ne trouver poinct estrange si je vous mande