Monistero, province de Sienne

bardye, les deux mil Espagnols qui viennent de Napples, oultre les forces qui sont jà au camp, et la levée que fait Ascanio de la Corgne. L'on dit que domp Ferrand a retardé son partement d'aller à la court de l'Empereur pour quelque prinse que a faite M. le maréchal d'ung fort qui est auprès de Vellefenière ' et que aussi il attend pour aultre responce d'ung courrier qu'il a envoyévers ledit Empereur pour sçavoir si le marquis de Marignan lairra l'entreprinse de Syennes pour s'en venyr à Milan ou bien pour sçavoir qui c'est qui y demourera en son absence.

Monsieur, j'ay veu une lettre d'Andréa Saviny 2 qui escript icy où il loue grandement les provisions et le bon ordre que vous avez donné à Syennes, mais il parle de quelques gens malcontentz. Je ne puis entendre que c'est. Et ne sçay si c'est par passyon qu'il ayt de leurs factions qu'il en parle, mais si esse que sera bon que vous luy en parlyez, pour entendre qu'il veult dyre. Le cardinal Sermonette vous escript en recommandation du sr Bonifface son frère pour luy donner charge, au cas que voulussiez faire quelque creue. Il vous plaira aussi en ce cas avoir souvenance de la recommandation du conte Hyéronyme de la Corbare,car le cardinal Crispo m'en presse tant qu'il ne me laisse point vivre, et à ce que j'entendz c'est ung homme de bien, etc.

Monsieur, j'ay présentement esté adverty que le conte de Baigne qui estovt au service du Pape avec une compaignie de chevaulx légyers, a demandé congé qu'il a obtenu de Sa Saincteté pour aller au service du duc de Florence. Je ne fauldray d'aller aujourd'huy vers Sadite Saincteté luy remonstrer que ce n'est pas observer la neuttralitté ainsi qu'elle nous a promis. Il vous plaira faire tenyr un pacquet que je vous envoyé addressé à M. de