Valfenera, province d'Alexandrie

2. Andréa Savini, prieur de Sienne. (Voy. Monluc, t. IV, p. 37.)

Termes si vous en avez le moyen comme vous pourrez avoir, s'il est vray que notre armée vienne en la marenne de Siennes.

210. — 3 mars 1554. — Lettre de M. de Lanssac et du cardinal du Bellay au connétable de Montmorency1.

Monseigneur, par votre lettre du xiiij9 du moys passé, nous avons sceu l'arrivée du secrétaire Boucher devers vous. Par lequel vous aurez entendu le commancement de la guerre de Syenne, où les ennemys jusques icy n'ont eu aucun advantage, car il semble que ilz soyent plus assiégez dedans leur fort de Camollye que ne sont noz gens dans Syennes, et ne s'y sont trouvez en aucun endroyt qu'ilz n'ayent esté battuz. Vous asseurant, Monseigneur, que nous avons eu grand plaisir de veoir par votredite lettre le bon commancement que vous avez donné pour y pourveoir, et les provisions d'argent et autres choses nécessaires dont vous nous donnez espérance ; car tous les serviteurs du Roy par deçà désirent bien que si les autres principaulx affaires de Sa Majesté le peuvent comporter, qu'elle prenne cestuy cy à cueur, tant pour son honneur et repputacion, comme pour chastyer l'arrogance et suppcrbye de ce duc mal conseillé, lequel estant assailly vivement en son estât, y estant hay et mal voullu comme il est, nous avons tous gardé espérance que les choses succéderont à l'honneur, profïict et contentement de Sadite Majesté, laquelle se peult asseurer et vous aussi, Monseigneur, que de nostrecosté nous aurons tout le regard qu'il sera possible à la despence, et n'v toucherons aucunement sinon ainsi qu'il nous sera mandé par Mgr le cardinal de Ferrare et les1" Pierre Strozzy. Et jusques icy nous ne nous en sommes aucunement empeschez, sinon au commence-