Etienne Boucher

229. — 2 juillet 1554. — Lettre de M. de Lanssac au roi. (Bibl. nat. F. fr. 20455, fo 241. Autog.)

Sire, avant la réception de la présente, vous aurez entendu par Mgr le cardinal du Bellay mon soudain parlement de Rome, qui fut pour ce que le sr Pierre me mandoit qu'il estoit nécessaire que je veinsse icy pour vostre service résider en son absence, ce a quoyje ne feis difficulté, sans avoir aultre commandement de Vostre Majesté, pour ce qu'estant ledict sr Pierre vostre ministre en telle dignité qu'il est, et aussi que mondict seigneur le cardinal du Bellay le me conseilloit, il me sembla ne pouvoir faillir de les croyre, attendu mesmement que voz affaires par delà ne pouvoient demeurer en arrière, y estant mondict sr le cardinal du Bellay et pareillement Mgr le cardinal d'Armaignac, qui y est arrivé depuis. Et à mon arrivée icy trouvay ledict sr Pierre desjà party la nuict de devant, qui y avoit laissé le sr Robert, son frère, avec l'ayde duquel j'ay pourveuaulx affaires de ceste ville et de tout cest estât, en sorte que ledict sr Pierre, à son retour, m'a dict en avoir contentement, et est d'advis que je y demeure encores durant le voyage qu'il va demain commancer et jusques à ce qu'il vous plaise aultrement en ordonner, parquoyje vous supplie très humblement, Sire, m'en faire entendre vostre volunté, s'il vous plaist que je demeure icy ou que je m'en retourne faire ma charge à Rome ; car, quant à moy, je ne désire sinon estre au lieu où il se présente plus de moyen à vous faire service, sans avoir soucy de condition ne qualité aultre que de faire chose qui vous soit agréable.

Sire, pour ce que ledict sr Pierre vous faict ample déduction de son voyage, et que ce porteur, qui y a esté, vous en sçaura rendre bon compte, je ne vous en tiendray plus long propoz, sinon pour vous dire, qu'à ce que j'en puis voeyr par Testât où se trouvoient les affaires de voz

ennemys, si vostre armée de mer fust arrivée au temps qu'il vous avoit pieu luy mander, sur quoy il avoit fondé ses principaulx dessaings, il estoit impossible qu'il ne conquest la moytié de Testât du duc de Florence, comme Vostre Majesté le pourra juger par le discours de sondict voyage, dont toutesfois il n'est pas encores hors du moyen et espérance, mais je pense, pour autant que le retardement de ladite armée de mer a retardé d'ung moys sesdicts dessaings, qu'il sera nécessaire que Vostre Majesté luy veuille continuer la despence pour encores le moys d'aoust, et ordonner à M. de Lodève d'y pourveoyr. D'avantage pour ce que ce pays n'est pas assez fertille pour y nourir si grant nombre de gens et que les récoltes de ceste année ne sont pas fort bonnes, il sera aussi nécessaire qu'il plaise à icelle Vostre Majesté faire pourveoyr, qu'il soit amené du costé de Provence à Port-Hercule quelque bonne et grosse quantité de bledz et de vins, ce qui se pourra aisément faire soubz la faveur de vostredicte armée de mer, et à ce les marchans ne peuvent faillir à gaigner beaucoup. Vous asseurant, Sire, que j'estime qu'en ces deux poinetz susdicts consiste la victoire de ceste guerre. Car, par tous les adviz que nous avons, les ennemys commencent à avoir en tout leur pays grande nécessité de vivres, et, Dieu mercy, jusques à ceste heure il y en a tousjours en grande abondance sur cest estât, mais ce a esté par le bon ordre que ledict sr Pierre y avoit donné longtemps auparavant, lequel continue en la distribution le mieulx qu'il est possible.

Sire, je supplie le Créateur vous donner en parfaicte santé longue vye.

De Sienne le ije jour de juillet 1554.

Vostre très humble subject et très obéissant serviteur. — Lasssac.

230. — H juillet 1554. — Lettre de M. de Lanssac à Pierre Strozzi. (Arch. de Florence, Mediceo, 1863, 256. Orig.)

Monsieur, ces deux porteurs qui sont Lucquois estoient envoyés devers vous par le marquis de Marignan pour luy rapporter de vos nouvelles, mais ils ont esté gens de bien, car ils m'en sont venus advertir, et m'ont apporté les lettres de M. Marquis, que je vous envoyé par eux. Il vous plaira vous en servir ainsi que vous adviserez de les avoir pour reccommandez. Et moy aussi humblement à vostre bonne grâce, pryant le Créateur de vous donner, Monsieur, en santé, longue vie.

De Sienne, le xj de juillet 1554.

Vostre humble serviteur. — Lajvssac.

A Monsieur le sr Pierre Strozzi, chevalier de l'ordre et lieutenant général du Roy en Italie, au camps.

231. — 11 juillet 1554. Lettre de M. de Lanssac à Pierre Strozzi. (Arch. de Florence, Mediceo, 1863, 256. Orig.)

Illrao et Eccm0 Sigr mio Ossmo.

Sarà portatore di questa miaGio. Carlo, soldato del sig. Maherbale Orsino *, il quale viene da V. Eccza per purgarsi di una certa sua differenza con Achille da Macerata 2. Et ricercandomi ch'io l'accompagni di una mia lettera in sua raccomandazione a questo effetto, io non ho voluto mancargli. Et cosi prego V. Eccza a volerlo havere per raccomandato . Et io alla sua buona gratia mi raccommando con tutto il cuore, che Dio la conservi.

Di Siena, alli xj di luglio 1554.

Délia Eccza afectionato servitore. — Laivssac.

Al Illm0 Sig. Pietro Strozy, luogotenente del Re in Italia, mio ossm0.