Antonio Caralla
et mettre sus quelque force de gens de cheval et de pied, accompaignez d'artillerie pour entreprendre non seullement de recouvrer leursdicts biens et estatz confisquez, mais d'advantaige pour courir sus à Nostredict Sainct Père et au Sainct Siège et jusques à menacer publiquement de voulloir donner ung sacq à Rome ; ainsy que de tout Nostredict Sainct Père nous a advertiz bien amplement, nous faisant requeste et instance, suivant les traicté et capitulation entre nous, de luy maintenir la protection telle que nous luy avons promise, et à ceste fin pourveoir et donner ordre, tant au fournissement de gens de guerre que nous debvons avoir et joindre avec les siens, pour faire teste et mettre et deppartir es lieux et endroictz que besoing sera, afïin de s'opposer aux desseings et entreprises desdicts rebelles, leurs alliez et adhérans; que aussy pareillement à ce qui est nécessaire de faire de nostre part pour l'establissement et consignation du dépost que Nostredict Sainct Père et nous debvons faire à Rome ou à Venize, pour subvenir et satisfaire aux commungs fraiz et despences de la ligue deffensive, à laquelle nous nous sommes pour le présent arrestez et résoluz ; en estimant laquelle instance nous avons desja envoie par delà sur noz gallaires ung bon nombre de gens de pied, qui seront bien prez suiviz d'une aultre bonne trouppe, en attendant que l'on puisse veoir et cognoistre plus clairement ce que vouldront faire et entreprendre lesdicts rebelles et alliez pour, selon cela, augmenter noz forces et faire noz provisions telles que le besoing le requerra pour satisfaire à ce que nous debvons par lesdicts traictez et cappitulations. Et au regard dudict deppost, qui doibt estre pour nostre part de trois cens cinquante mil escuz, pour ce que par adventure il se pourroit trouver quelque longueur ou difficulté à le faire et consigner si tost qu'il seroit besoing par la voie et moyen du général messire Albisse d'Elbene, ayant la charge de noz paiemens qui se font hors nostre
royaulme, nous confians à plain <ies sens, vertuz, suffisance, intégrité, loyaulté et bonne dilligence de nostre amé et féal cousin le sieur Pierre Strozzy, chevallier de nostre ordre, mareschal de France, et de noz amez et féaulz conseillers maislre Jehan, sieur d'Avanson, président en nostre grand conseil et nostre ambassadeur devers Nostredict Sainct Père le Pape, et, Lois de Sainet Gelaiz, chevallier seigneur de Lanssac, gentilhomme ordinaire de nostre chambre, ieeulx et les deulx d'entre eulx, en l'absence, malladie ou aultre légitime empeschement du tiers. Avons par ces présentes faictz, nommez et constituez, faisons, nommons et constituons noz procureurs généraulx cl certains messaigers spéciaulx, leur donnant plain pouvoir, commission et mandement spécial pour en nostre nom convenir et accorder avecques marchans bancquiers de Rome et aultres que nous entendons estre faicte à Venize, dudict dépost montant, pour nostre part et portion, ladicte somme de mc lm escuz, moiennant les intérestz et dons gratuite, avec les seuretez et assignations des remboursemens telz et semblables que nous avons acoustumé de bailler à ceulx que nous avons prins et prenons argent pour prest en nostre ville de Lyon, ou bien avec aultres meilleures et plus adventaigeuses conditions et de moindre despence pour nous, sv faire se peult, et lesdicts marchans bancquiers s'y veullent accommoder, ausquelx marchans bancquiers qui entreprendront et auront promis faire ladicte consignation d'iceluy dépost pour nous audîct Venize, nosdiets procureurs dessus nommez feront et passeront, tant en nostredict nom , qu'en leurs propres privez noms, telles promesses et obligations que besoing sera et que ieeulx marchans bancquiers leur requeront, tant pour les paiemens qui se feront aux termes pour ce préfix desdicts intérestz et dons gratuitz qui leur auront esté promis et accordez, comme dessus, que aussy pour les assignations et seuretez qu'ilz deb-
vront avoir telles et semblables que nous avons aeoustumé de les bailler pour noz empruntz dudict Lion, dont il est envoie mémoire, contenant la forme à nosdicts procureurs dessus nommez. Et néantmoings sy pour plus grande seureté lesdicts marchans voulloient avoir les promesses et obligations des gens de nostredict conseil prins en la manière accoustumée, nosdicts procureurs les leur accorderont et promettront d'en fournir dedans tel temps qu'il sera advisé, moyennant lesquelles promesses, seuretez et obligations iceulz marchans bancquiers seront tenuz de faire audict Venize l'efFectuelle consignation des mc \M escuz pour ledict depost au mesme instant que Nostredict Sainct Père fera pareillement consigner la somme qu'il doibt ensemble depposister au prorata, selon ledict traicté, et ce en la présence de nostre amé et féal conseiller et ambassadeur devers la Seigneurie de Venize Messire Dominicque du Gabre evesque de Lodève, lequel ou aultre qui pourroit estre cy après en son lieu nostre ambassadeur audit Venize, aura une clef des coffres ou coffre où seront enfermez les deniers dudict deppost, d'une part et d'autre, comme en semblable en aura une aultre le nonce de Nostredict Sainct Père audict Venize ou aultre qu'il plaira à Sa Saincteté sur ce commettre et depputter, avec ceulx qui en auront la garde, afin que, quant ce viendra à toucher auxdicts deniers diceluy deppost, selon lebesoing et la nécessité des affaires, cela ne se puisse faire sans le sceu et commune particippation des ministres d'une part et d'autre, et a mesure que ledict mareschal Strossy et lesdicts sieurs d'Avanson nostre ambassadeur et de Lanssac, estans audict Rome auprès de Nostre Sainct Père, verront et congnoistront estre requis et nécessaire de prandre et tirer quelque somme d'iceulx deniers du deppost. Après toutesfois que la despence qu'il fault faire pour maintenir la deffensive seullement aura esté deuement réglée pour ce qu'elle debvra monter par chacun mois d'une part et
d'autre, ilz le prandront et feront savoir auriiet évesque de Lodève, nostre ambassadeur, lequel, suivant le comman lement qu'il a de nous par le pouvoir que luv avons faict expédier pour recepvoir iceluy deppost et en (aire faire pour nous les distributions et envoi/ par le menu parles ordonnances et mandemens des dessuz nomme/, noz procureurs el ministres, ne fauldra d'y sattisfaire selon lesdictes ordonnances, mandemens et règlemens de ladicte despence ; mesmes quant il se trouvera que les aultres provisions de deniers, que nous avons acoustumé de faire mettre chacun mois audiet Venize pour satisfaire à noz despenees de delà, seront tardives et n'auront peu venir au temps ny à propos pour s'en aider. Et pour ce qu'il y a desja d'advance par nous faicte soixante mil eseuz qiie nous avons puis naguères faict fournir en deux parties à Rome par commission du général d'Elbène, oultre aultres dix. mil escuz que peu auparavant avoient esté délivre/ par no/ mynistres dudict Rome, à la requeste et instance de Nostre sainct Père, qui sont en tout soixante dix mil eseuz, ledict sieur maresclial Strossy, d'Avanson nostre ambassadeur et de Lanssac en viendront à compte avec Nostredict Sainct Père ousesdicts ministres, ensemble de la part et portion que Sa Saincteté doibt porter, selon le traicté, de la despence que nous faisons par chacun mois au Siennois, Parme, la Mirandolle et ailleurs en Rallie, horsmis le Piedmont, à commancer du jour mesmes que nous commancerons d'entrer en contribution de la ligue deffensive, afin que toutes ces parties comptées, précomptées et défalquées ou compensées, l'on puisse venir à bon compte les ungsavec les aultres, comme il est très requis et raisonnable entre amis. Et pour ce que nostre voulloir et intention est résolutement de maintenir la protection et deffension de Nostredict Sainct Père et des siens avec leurs estât/, selon que porte ledict traicté, lesdicts sieurs marcschai Strossy, d'Avansson nostre ambassadeur et de Lans-
sac feront entendre, avec commandement très exprès de par nous, à tous cappitaines qui sont et seront par delà avec charge de noz gens de guerre tant de cheval que de pied, estans à nostre solde pour l'aide et secours de Nostredict Sainct Père qu'ilz aient à obéir et faire ce qui leur sera commandé et ordonné de la part de Sa Saincteté, pour le service d'icelle seuretté, conservation et deffences des places et estatz où elle vouldra faire mectre et départir nosdicts gens de guerre, avec l'advis et conseil dudict mareschal Strossy et aultres ministres, d'une part et d'aultre, expérimentez au faict de la guerre. Voulons en oultre et nous plaist que iceluy sieur mareschal et lesdicts sieurs d'Avanson et de Lanssac puisse toutes et quantesfois que besoing sera et le service de Nostredict Sainct Père le requerra, mander et faire sçavoir au baron de la Garde, capitaine général de noz gallaires,ce qu'ilz verront etcongnoistront estre requis et nécessaire qu'il face et exécute, avec nosdictes gallaires ou partie d'icelles pour accommoder et favoriser les affaires de Nostredict Sainct Père ; à quoy ledict baron ne fauldra de satisfaire et obéir, selon le commandement très exprès qu'il a de nous à ceste fin. Ordonneront aussy les dessus nommez du faict de noz finances, selon les estatz et règlemens qui seront faictz et passez de la despence, sur quoy ilz expédiront aux trésoriers de l'extraordinaire de noz guerres ou leurs commis, ou aultres noz comptables qu'il appartiendra, leurs ordonnances et mandemens, lesquelz dès à présent, comme pour lors, nous vallidons et auctorizons et voulions, qu'en iceulx rapportans avec les quictances des parties où elles escherront, les sommes y contenues soient passées et allouées es comptes desdicts trésoriers et comptables, partout où il appartiendra, sans aulcune difficulté, promettant en bonne foy et parolle de Roy par cesdictes présentes signées de nostre propre main, et soubz l'obligation et hipothecque de tous et chacuns . noz biens meubles et
immeubles présents et a venir, avoir agréable, tenir ferme et stable ce que par aosdicts procureurs dessus nommez, et les deux d'entre eul\ en l'absence du tiers, aura esté faict, exploieté, négotié, passé, accordé, promis et assuré et spécialement ausdicts marclians banequiers qui pour nous auront faict ledict deppost, ainsy que dict est, sans aller, ne souffrir aller ne venir directement ou indirectement au contraire en quelque manière que ce soit. Et quant aux obligations qu'ilz auront faictes pour nous, ainsy que dict est, en leurs propres et prive/ noms, les en rendront quiètes, indamnes et deschargez par tout où il appartiendra et besoing sera, selon droict, raison et équieté, car tel est nostre plaisir. Et pour ce que de ces présentes l'on pourra avoir affaire en plusieurs et divers lieux, nous voulions que au vidimus d'icelles faict soubz seel royal et deuement collationné, foy soit adjoustée, comme au présent original, auquel, en tesmoing de ce, nous avons faict mettre nostre seel.
Donné, etc., l'an de grâce, etc., et de nostre règne le, etc.
274. — Lettre de MM. de Lanssac et Pierre Strozzi au roi. [Bibl. nat. F. fr. 3117, fo-25. Orig.)
Sire, M. le légat nous a monstre les nouvelles qu'il a eu ceste nuict de Rome, qui sont ung double de lettres que le duc de Paliane nous escript par ce courrier exprès, par lesquelles il advertit Vostre Majesté des grandes provisions que font les ennemvs pour assaillir le Pape. Lesquelles véritablement sont suffisantes, si elles sont vrayes, pour endommager grandement Sa Sainteté, et estimons qu'il sera fort difficile qu'elle y puisse résister, si toutes ces forces luy tombent sur les bras, et que lesdicts ennemvs ne soient empeschez en aultre endroict par diversion. Par quoy il plaira à Vostredicte Majesté
considérer les demandes que vous faict ledict sr de Paliane tant de gendarmerye que de Suisses et aultres choses, pour y faire pourveoyr au plus tost qu'il sera possible, ainsi qu'il nous semble que le besoing le requiert ; et mesmement de faire solliciter le général d'Albène et aultres marcbantz à Lyon, pour avancer le payement qu'il a promis de faire a la my-octobre, ainsi qu'avons accordé avecques luy, à la fin de septembre, affin que cela puisse servir pour la paye dudict moys d'octobre. Et sur ce nous prions le Créateur vous donner, Sire, en parfaicte santé longue vye.
De Vienne ce xxiiij6 jour d'aoust 1556, à minuict.
Voz très humbles et très obéissantz subjeetz et serviteurs. PlETRO STROZI, La>SSAC.
275. — 13 septembre 1556. — Lettre de M. de Lanssac au connétable de Montmorency. (Bibl. nat. F. fr. 20Î42, f° 159. Copie.)
Monseigneur, après vous avoir écrit de Antibes le samedi 5e de ce mois, nous en partimes ! au soir et eûmes le vent si à propos que nous arrivâmes le lundi matin à Civita Vecchia et vinmes coucher 2 à Rome où nous trouvâmes le Pape se portant aussi bien que je le vis jamais, mais tout le peuple de celte ville si effrayé et les affaires en si grand désordre et confusion que sans
1. Lanssac était accompagné du cardinal Caraffa, de Pierre Strozzi, de Monluc et d'un grand nombre de gentilshommes. En outre, huit compagnies de Gascons, fortes de 1500 hommes, furent transportées sur vingt galères. (Lettre de Bernardo Navagero, ambassadeur de Venise à Rome, au doge, du 11 septembre 1556. Archives de Venise, lettres originales.)
2. Le cardinal Caraffa, Monluc, Lanssac et le cardinal de Motula arrivèrent à Rome pendant la nuit, ayant laissé à Civita-Vecchia Pierre Strozzi, malade de fièvre tierce, et les troupes occupées au débarquement des chevaux. Comme ceux-ci n'étaient pas assez nombreux pour monter la totalité des hommes d'armes, toutes les écuries des cardinaux furent vidées. (Pietro Nores, Storia délia guerra di Paolo 1 V sommo pontifice conlro gli Spagnuoli, Archivio storico italiano, t. XII, p. 353.)
notre venue les ennemis voulant marcher j'estime qu'ils eussent trouvé ici bien peu de résistance, combien que le duc de Paliane et le sr Camille l rein tussent fait levée jusques au nombre de vingt mille hommes. Néanmoins ils avoient laissé toutes les places de la frontière dépourvues de gens et de munitions, en sorte que une petite partie desdits ennemis en ont pris celle que vous verrez par le mémoire que je vous envoie ci enclos. Auquel pareillement est contenu le nombre desdits ennemis, tant de gens de pied que de cavalerie, selon le rapport que nous en a fait un gentilhomme de bon esprit que M. l'ambassadeur et moi y envoyâmes incontinent pour nous en rapporter la vérité ; laquelle nous a été confirmée par lavis de plusieurs autres qui depuis nous en sont venus. Aussi, Monseigneur, vous verrez l'état qui nous a été baillé de la dépense qu'ils disent être requise pour la deffense de cest état, qui se monte sans comprendre le Sienois ne la Mirandole près de cent mil écus par mois ; sur quoi nous n'avons pas failli de remontrer à MM. les cardinal Caraffe et duc de Palliano que nous estimions que le roi trouveroit merveilleusement étrange que pour la défensive (à quoi nous étions résolus pour si petit nombre d'ennemis) il fallût entrer en si grande dépense. Il nous fut répondu qu'elle ne se pouvoit régler à moins pour la sûreté de cet état, attendu qu'il est circuit d'un coté du royaume de Naples et de l'autre du duc de Florence et de la mer, les ennemis sont les plus forts et que cedit état n'est pas uni ne de même volonté. Car il y a plusieurs partz et divisions de gens affectionnés à l'Empereur, aux Collonnas et aux Farnèzes, et qu'ils n'ont entrepris de garder sinon les places fortes et les plus nécessaires, ainsi qu'il est contenu dans ledit état, vous advisant, Monseigneur, qu'il me semble, attendu que les gens sont déjà levés et les ennemis dedans le pays, qu'on n'y sauroit pour le présent faire aucune restriction ni bon ménage-
