Le passage en italique est chiffré dans la dépêche

deux mil hommes et trois ou quatre cens chevaulx, qui! pourra tirer de ceste ville, avec cinq ou six pièces d' artillerye de campaigne et des pionniers pour se fortiffier, où il ad visera . Le conte de Pétillan est arrivé en ce lieu, lequel nous métrons peyne d'entretenir, en attendant ce qu'il vous plairra nous commander sur ce que nous vous en avons escript par ledict abbé de Sainct- Ferme. Vous suppliant très humblement, Sire, que ce soit vostre plaisir de nous en faire entendre vostre intention le plus tost qu'il sera possible.

Nostre Sainct Père tint hier ung concistoire, auquel il feit lire la lettre que Vostre Majesté luy avoit escripte par Mgr le cardinal Caraffe \ assavoir l'original en françois par Mgr le cardinal du Bellay, doyen du colleige, et la translation par le cardinal Saincte-Fior pour lors doyen des diacres. S'estendant Sa Saincteté en une infinité de louanges de Vostre Majesté et sur ladicte lettre touchant la paix, le concilie et autres choses spirituelles, comme vous entendrez plus particulièrement par M. d'Angoulesme *, qui partira dans trois ou quatre jours bien instruict et résolu de tous les affaires de deçà. N'avant voulu faillir de vous faire cependant ceste petite dépesche, pour la fin de laquelle il nous a semblé, Sire, vous debvoir faire entendre les plainctes que nous font ordinairement tous les cappitaines qui sont icy, du peu de moyen que leurs souldatz ont de vivre, ayant seulement la paye que Vostre Majesté leur a ordonnée par le dernier reiglement, laquelle véritablement, Sire, nous voyons estre telle qu'ilz ne sçauroient eschapper, s'il ne vous plaist leur faire

1. Philibert Babou de la Bourdaisière, né en 1512, devint évêque d'Angoulême à la mort de son frère Jacques, en 1532, cardinal en 1561, enfin évêque d'Auxerre (1563). Il mourut à Rome, le 25 janvier 1570, après y avoir passé douze années, d'abord comme ambassadeur, puis comme protecteur des affaires de France. Sa correspondance diplomatique (1560-1564) a été publiée en 1859 dans les Travaux de ï 'Académie de Reims, t. XXVII, par MM. Henry et Loriquet.

ordonner quelque chose oultre Testât ordinaire, attendu mesmement que les vivres sont extrêmement chers en ceste ville et qu'ilz n'y ont aulcune subvention, ny vont dehors en endroict où ilz puyssent riens profiter ; joinct que, pour entretenir la réputation, nous leur tenons la plus courte bride qu'il nous est possible, afin de les faire bien porter à ceste première fois qu'ilz sont venuz par deçà : sur quoy il vous plaira nous faire entendre vostre volonté.

Sire, nous supplions le Créateur vous donner en parfaiete santé et prospérité heureuse et longue vie.

De Rome ce xxix0 jour de septembre 1556.

Voz très humbles et très obéissans subgetz et serviteurs. — Pietro Strozi. — J. d'Avaxson. — Laiïssac.

278. — 10 octobre 1556. — Lettre de MM. de Lanssac, d'Avanson et Pierre Strozzi au roi. (Bibl. nat. F. fr. 20442, f° 163. Orig.)

Sire, nous vous escrivismes du xxixe du mois passé par le seigneur Cesare Brancazze, qui s'en est allé résider nunce du Pape prez de Vostre Majesté, l'occasion pourquoy l'on ne feit poinct l'abouchement qui se debvôit faire entre Mgrs les cardinaulx Sainct Jaques et Caraffe et le duc d'Alve ; et pareillement la prinse de Tivoly que les ennemys avoient faicte, estans quatre ou cinq jours aprez venuz assiéger Vicovare ', qui est une place forte et de grande importance, et laquelle ces seigneurs nous avoyent asseuré estre très bienpourveue de toutes choses. Toutesfois s'estoyt esmeu quelque dissention dedans entre ceulx de la ville et les souldatz, le sr Francesco Orsino 2 et les autres cappitaines qui la gardoyent ont esté, comme

1. Vicovaro, petite ville de la province de Rome, se rendit à Ascanio délia Corgna le lcr octobre.