Jean-François Orsini, comte de Pitigliano, mort en
ilz disent, forcez de la rendre, par ung grand nombre de ceulx de la ville qui prindrent les armes contre eulx.
Depuis le duc d'Alve a disposé son camp en divers endroictz, demeurant sa personne audict Tivoly, en attendant qu'il feit payer ses gens, comme nous avons entendu qu'il a faict ; mais quoy qu'il en soit, nous ne voyons par deçà les choses aulcunement acheminées à l'accord, se voyant le Pape environné de tant decoustez, qu'il dict n'y pouvoir entendre qu'à son grand déshonneur, perte et réputation de Testât ecclésiastique ;joinct que de nouveau, comme l'on dict, les ennemys se préparent pour aller assiéger Velletri, qui a esté cause que nous y avons envoyé deux compaignies françoises, assavoir celles des cappitaines Jehan de Gaye et de L'Isle, avec deux autres italyennes, pour en retirer deux de mesme nation, qui sont dedans, pour quelque soupçon qu'on a conceu des cappitaines.
Ces jours passez, la Seigneurie de Venize a envoyé ung de ses secrétaires devers le duc d'Alve, pour luy faire des remonstrances sur le faict de ceste guerre et le persuader de se désister d'occuper l'Estat de l'Eglise et ne molester plus oultre le Sainct Siège appostolique et Nostre Sainct Père : le tout en termes généraulx, sans entrer en aulcune particularité. A quoy le duc d'Alve a respondu par semblables termes généraulx, qui nous fait persévérer en ceste oppinion que si la paix et l'accord ne vient de vostre costé, il ne la fault pas attendre de cestui-cy, attendu mesmement que si le roy d'Angleterre est en volonté de demeurer en paix et d'observer la trefve, il peult commander à ses gens de pardeca de se retirer et remettre les choses en leur premier estât, estant comme ilz sont agresseurs et ayans rompu et offencé les premiers. Vous asseurant, Sire, que nous avons tenté et essayé tous les moyens et persuasions dont nous nous sommes peu adviser, tant pour satisfaire à l'intention de Vostre Majesté que pour
éviter aussi la despence de quatre vingtz mille escuz ou environ, à quoy se pourra monter vostre cotité par cliaeun mois, comprins l'ordinaire de la Toscane et de la Myrande ; mais nous ne voyons pas que nous y puyssions avancer autre chose, continuant Nostredict Sainct Père aux mesmes remonstrances que nous vous avons esciiples par le courrier Protestan et par l'abbé de Sainct Ferme, comme faict pareillement Mgr le cardinal Caraffe, lequel, ces jours passez, a esté extrêmement malade et non sans soupçon de quelque empoisonnement, néanmoins il est de présent en entière convalescence, ayant tousjours son espérance sur le secours de Vostre Majesté. Qui sont les termes au vray où se retrouvent de présent les affaires. Vous advisant au surplus, Sire, que il y a deux jours que Nostredict Sainct Père nous feit apeller tous trois, nous priant, après longz et doctes discours, de penser s'il n'estoit pas sur les termes de user des rigueurs spirituelles et de procéder par censures et privations contre ceulx qui luy foisoient la guerre, et par mesme moyen d'infeuder à Vostre Majesté ou à Messeigneurs voz en fans les royaulmes d'Angleterre, d'Ybernie ' et de Naples qui sont du fief de l'Eglise, veu que l'on le molestoit sans cause et qu'il n'y avoitaujourd'huy homme de raison qui ne trouvast fort estrange que, soubz prétexte que Sa Saincteté a voulu procéder contre ses vassaulx, sans s'estendre en aulcune façon plus oultre à aulcune rompture de trefve, qu'on soit venu courir sus ses terres, piller et ruyner tout l'estant ecclésiastique et user envers luy de parolles scysmatiques et injurieuses ; nous priant de rechef de y vouloir penser et luy ayder de nostre conseil et advis. Sur quoy, après que par moy, mareschal Strozzi, luy avoit esté discouru les occasions que pourroient alléguer les ennemys, mesmes de ce que à leurs desraisonnables articles, on n'avoit aulcune-
i. Ancien nom de l'Irlande.
ment respondu pour tenir vive la pratique de l'accord, nous luy aurions persuadé de chercher par tous moyens quelques honnestes conditions pour la justification de sa cause envers les princes et nations chrestiennes. A quoy sa Saincteté reppliqua que le duc d'Alve avoit délibéré de faire prisonnier ledict sr cardinal Caraffe, s'il feut allé à l'abouchement, dont nous vous avons escript et persévéra tousjours sur les tortz qu'on luy faisoit, tellement que, pour l'heure, nous ne sceusmes que prendre délay de penser et respondre à la question qu'il nous avoit proposée. Nous eslans résouluz depuis de luy conseiller de différer encores pour quelzques jours, pour n'en aigrir les choses plus fort qu'elles sont.
Il vint hier nouvelles en ceste ville, tant à Sa Saincteté que à nous, du costé de Venize, que les cinq mille lansquenetz de la levée qui a esté faicte nouvellement au conté de Tirol, pour venir de renfort au duc d'Alve, estoyent desjà arrivez sur le Véronnoys, qui feust cause que ledict sr cardinal Caraffe et M. le duc de Paliane nous prièrent instamment d'en advertir Vostre Majesté et luy faire pareillement entendre comme Ferrante de Loffredo estoit venu sur les confins de la marque ' d'Ancône avecques cinq ou six mille hommes, tant de leurs batailles que de gens souldovez et quelque nombre de chevaulx d'artillerie, ayant escript une lettre aux gouverneur et habitans d'Ascoli 2, de laquelle, Sire, nous vous envoyons présentement le double, par ce mesmement que, oultre les injures y contenues contre le Pape, il semble que les ministres du roy d'Angleterre persuadent à ce peuple de croire que Vostre Majesté estoit participante à la rompture de ceste guerre et aux traictez y mentionnez.
Il reste, Sire, à vous advertir que le quatriesme de ce
