En marge : « Touchant le Sienois

pouvoint estre passées la dessus entre Vostre Majesté et luy, ne quelle estoit l'intention de Vostredicte Majesté en cest endroict, mais que l'escript ne me sembloit point contenir de prommesse ne d'obligation de bailler leSenois à luy, ne à sa maison. Il insista que si, et voyant que M. le marescbal Strozy semectoit à dire que l'escript s'entendoit en ceste sorte, et que c'estoit lui quiavoit négotié cela, de peur de rien gaster je ne vouluz passer plus oultre et aymay mieulx me taire que de disputer plus avant de chose dont je ne sçavois poinct clairement vostre intention. Quant à la contribution de l'armée, il nous deist tout résolument que le Pape n'y contribueroil poinct, sinon du jour qu'elle marcheroit en Lombardye, et encores à la rigueur par les termes du traicté, vous, Sire, estant obligé à deffendre Sa Saincteté ; nostredict Sainct Père n'estoit tenu poyer aulcune chose de ladicte déflfense, mais qu'il ne se vouloit poinct arrester là et faisoit plus qu'il ne debvoit et qu'il ne mectoit pas à compte de grandes despences qu'il avoit faictes depuis la ligue, que le Pape avoit portées tout seul, et qu'il n'y avoit poinct de propoz de vouloir compter à Sa Saincteté une despence d'armée à commencer dez le mois de novembre, et que ladicte armée ne commenceast qu'à marcher à la fin de décembre ou au commencement de janvier ; et que du temps qu'on lesollicitoit de faire déclarer le Pape l'on ne lui partait pas tel langaige. Car quand il alléguoit la pouvreté de Sa Saincteté, il sembloit que Vostre Majesté ne vouleist rien d'elle, sinon ladicte déclaration et qu'elle vouleist porter toutes les despences, comme il estoit bien raisonnable, veu que presque tout le fruict et profict de ce qui se debvoit acquérir par la ligue debvoit appartenir à Vostre Majesté ; disant qu'à ceste heure qu'on voit le Pape embarqué et à la guerre, l'on parle aultre langaige et qu'il sembloit, à nous ouyr parler, que nostredict Sainct Père et les siens eussent mandié ceste ligue pour l'amour

de Dieu, là où c'estoint eulx qui avoint esté recherchez ; faisant ceste interrogation : « Combien de foys m'a solli- « cité l'ambassadeur d'Avanson de conduire le Pape à « ceste ligue et déclaration, pour le plus grand service « que je pouvois faire au Roy, et vous, M. de Lanssac, « sçavez bien ce que vous m'en avez dict. » Sur quoy moy, de Lanssac, respondeiz que je ne voulois pas nyer que nous n'eussions désiré ceste confédération et amytié, mais que je sçavois bien aussi que quand la ligue avoit esté faicte et quej'estois pour m'en retourner devers Vostre Majesté, lui en porter les nouvelles, Sa Saincteté et ledict sr cardinal mesmes m'avoinl dict que s'il y avoit au traicté quelque condition qui semblast ung peu dure à Vostredicte Majesté, qu'on la feroit juge en sa propre cause et qu'elle pourroit accommoder les choses comme elle jugeroit estre raisonnable. Ledict sr cardinal nous deist, en continuant tousjours son propoz, que Vostre Majesté avoit desja jugé en cas tout semblable la contribution de l'armée que nous demandions, disant que nous sçavions bien que les levées des Françoys qui sont en ceste ville avoint esté faictes aulx seulz despens de Vostre Majesté et que le Pape n'avoit contribué à leur despence, sinon depuis le temps qu'ilz ont commencé à lui faire service. Nous lui respondeismes, si Vostre Majesté lui avoit en cela voulu faire ung passedroit et user libéralité, sans y estre obligée, que ce n'estoit pas à dire qu'on nous deubt en aultre endroict de nyer une chose juste et raisonnable. En somme, Sire, nonobstant toutes noz raisons, il ne nous feust possible de lui faire reconnoistre et confesser d'estre obligé à ladicte contribution et nous deist qu'il estoit seur que Vostre Majesté ne disputeroit point cela quand elle auroit ouy ses raisons, et qu'il dépeschoit le sr Julio Ursin devers elle, auquel il donneroit charge de les vous faire bien au long entendre, cependent que nous regardissions de trouver argent pour fournir par deçà à la despence à la ma-

nière accoustumée, et que nous on escripveissions à M. de Lodève, aultrement qu'il en protestoit comme nous. Nous luy deismes que cela estoit tout regardé de nostre costé et que nous n'y sçaurions faire aultre chose que ce qui nous estoit commandé et que M. de Lodève n'en feroit pas moins de son costé et nous envoyeroit argent selon que Vostre Majesté lui avoit ordonné et non pas d'avantaige. Voylà, Sire, où nous en sommes, et n'a tenu à débattre et soubstenir nostre raison que nous n'ayons saigné nostre cause. Mais tout ainsi que nous ne nous voulons pas rendre à leurs allégations, aussi ne Paie! lediet cardinal aulx nostres, et soustient sa cause avec plus d'authorité chez soy que nous ne pouvons faire. Quant au faiet delà Mirandole, nous n'en avons point voulu renouveller la dispute et n'y sommes point voulu rentrer, pour ce qu'avant desja mietz ladicte despence en compte pour les moys passez, cela est coulé et passé. Quant à la despence de Mgr le duc de Ferrare, moy de Selve, en ay parlé audict sr cardinal Carafîe, qui ne m'a poinct faict de difficulté d'y contribuer, mais dict que le Pape donne aussi de sa part entretenement audict sr duc de Ferrare, et que si Sa Saincteté contribue à la despence que Vostre Majesté faiet en cest endroict, il fault que Vostredicte Majesté contribue aussi réciproquement à la despence que faict Sadicte Saincteté pour lediet duc et l'un compte reviendra à l'autre. A quoy Sire, nous eussions peu et pourrions encores réplicquer que Vostre Majesté ayant prins lediet sr duc de Ferrare au service de la ligue et luy donnant entretenement pour cest efFect, il est superflu que le Pape lui^donne aultre nouveau entretenement et que cela ne peull red... der à aulcun service de ia ligue ; par conséquent que vous n'y estiez point tenu, ains le Pape seul, comme chose voluntaire et qu'il faiet de soy mesmes sans besoing ne nécessité. Mais il est à penser, Sire, si nous mectons en avant ceste raison, que cela pourra causer la diminution ou totale extinction

de l'entretenement que nostre Sainct Père donne audict duc de Ferrare ; car il est à croyre que Sa Saincteté ne vouldra pas faire ces deux despences de contribuer à l'entretenement que vous donnez audict seigneur duc, et de lui en poyer oultre cela ung aultre à part. Nous toucherons audict cardinal ceste raison pour voir comme il la prendra, et vous plaira, Sire, de nous commander si vous voulez que nous insistions là-dessus, dont nous ne fauldrons de faire ce qu'il vous plaira nous ordonner.

Sire, moy de Selve, receuz hyer les lettres qu'il vous a pieu m'escripre par Le Gobbe, du xxiij du passé ; suivant lesquelles je feus dez le raesme jour visiter Mgr le cardinal Caralfe et, présentz Mgrs de Montmorency et de Lanssac, luy parlay de troys poinctz contenus en vosdictes lettres, du tout conformément à ce qu'il vous a pieu m'en escripre. Le premier feust de la négociation du Camerlingo et du praticque de l'accord dont je lui feitz entendre tout ce qu'il vous avoit pieu me mander là dessus ; adjoignant à l'adviz que je lui donnay de vos forces de terre, l'espérance que vous avez de n'estre pas le plus foible par la mer cest esté. Le secund de l'affaire du conte de Petillan. Et le tiers de la promotion des cardinaulx.

Quant au premier poinct, Sire, il a respondu qu'il estoit fort aise que Vostre Majesté eust prins ceste bonne résolution de ne retarder la préparation et acheminement de son armée pour praticque d'accord qui aye esté menée par ledit Camerlingo, Pacheco ou aultres. En laquelle délibération elle pouvoit bien persister et s'asseurer certainement que toute la démonstration qu'il avoit faite d'escoutter telz propoz et de prester l'oreille à telles praticques, n'estoit que pour essayer d'en tyrer une suspension d'armes. Laquelle d'ung costé il voyoit utile au Pape, pour la grande nécessité où il se trouvoit, et de l'aultre costé estre conforme à la voulonté de Vostre Majesté et aulx recordz que je luy avois donnez de vostre

part, et qu'il louoit Dieu de ce que ladicte suspension d'armes s'estoit ensuivre ; de la négociation de laquelle il espéroit que Vostredicte Majesté auroit eu contentement, avant temps parle moyen d'icelle de faire acheminer bien avant son armée. En quoy il vous supplye très humblement, Sire, de vouloir faire user diligence de vous asseurer de la constante et ferme amylié de nostre Sainct Père et de la fidèle servitude de luy et de tous ses frères, qui persévéreront avec toute leur maison, jusques au dernier poinct de leur vye, à vous estre bons et loyaulx serviteurs et qu'il laisseroit parler qui vouldroit parler et souspeçonner qui vouldroit souspeçonner, mais que ses effectz et la fin et issue de toutes ses actions vous feroint connoistre tousjours qu'il n'avoit cheminé que le bon et droict chemin de vostre service, après cellui du Pape, auquel il estoit tenu et que dez que vostre armée commenceroità cheminer, il romproit si tost que nous vouldrions toutes pratiques avec les Impériaulx ; et seroit si manifeste et ouverte déclaration, que l'on connoistroit bien qu'il n'estoit aultre, ne vouloit jamais estre que bon Françoys et vostre serviteur, monstrant de se resjouvr merveilleusement de l'espérance que je lui donnois que nous pourrions estre les plus fortz par la mer.

Quant au faict du conte de Petillan, que Vostre Majesté se peult asseurer qu'on lui fera faire son procez par gentz de bien, gardées toutes les formes et solemnités de justice, et que ledict procez faict et parfaict, avant que venir à donner aulcune sentence, vous sera envoyé pour le foire voyr et visiter et en ordonner ce qu'il vous semblera que le cas mérite. Disant que la vye dudict conte estoit fort maulvaise et malheureuse, et plaine de plusieurs vices, et entre aultres d'hérésie et autres cas qui méritoient privation de Tordre. Je luy respomleiz qu'il avoit esté retenu prisonnier pour infidélité et desloiaulté, et pour avoir eu intelligence et traicté avec les ennemys,

et qu'il estoit plus raisonnable de luy faire son proeez là dessus, et de voir s'il estoit coulpable de cela ou non, que d'aller rechercher par le menu sur sa forme de vivre et sur les délictz de sa jeunesse, sy l'on le trouvoit bon et fidèle serviteur de qui il le debvoitestre ; mesmement puisqu'on l'avoit appelle icy pour venir au service de nostre Sainct Père, et qu'il y estoit venu franchement. D'avantaige qu'il failloit prendre garde à la seureté de Testât dudict conte de Petillan et ne despérer poinct sa femme et son filz de pouvoir obtenir quelque bonne issue de son affaire, de peur qu'en ce désespoir ils ne se meissent à chercher party et vouloir disposer de leur estât au préjudice de vostre service. Ce que ledict cardinal approuve, et dict que pour remédier à cest inconvénient, il a envoyé audict Petillan le sr Jehan Anthoine Ursin ', père de ladicte contesse, vertueux et saige gentilhomme et de qui le Pape se peult bien asseurer, et que pour ceste mesme cause il estoit d'opinion qu'on ne commençast poinct à faire le proeez audict conte avant que vostre armée feust bien avant en campaigne et prez d'icy, affîn que cela feist demourer en cerveau ladicte contesse et son fdz, et affin qu'on eust moyen, en cas qu'ilz vouleissent faire quelque mutation, de se jecter dedans leurs places et s'en faire maistre.

Au regard de la promotion des cardinaux, dict qu'il n'y a personne qui y aye tant d'intérest ne qui la doibve tant solliciter que luy, et que l'une des grâces receues de Vostre Majesté, dont il lui est le plus obligé, est de ce qu'elle procure envers nostre Sainct Père ladicte promotion, qui est tout l'establissement et le fundement de lui et de sa maison. Mais qu'il fault, pour bien faire, différer cela jusques à ce que l'armée commence à marcher, et que lors tout en ung jourg et en ung instant il fera faire ladicte promotion

1. Jean-Antoine Orsini, duc de Santo Gemini, fils de François Orsini, duc de Gravina, épousa Cornélie de Capoue et en eutN... Orsini, mariée à Nicolas Orsini, comte de Piligliano.

à Sa Saincteté, prendre Tordre au duc de Paliano et au sr l'aiilc Jourdan el commencer d'entrer aulx privations dont Sa Saincteté a souvent parle. Cependant que nous pourrions estre ensemble et que je lui pourrois présenter une liste telle que bon me sembleroit des personnaiges que je penserois estre dignes de cette promotion, et que lui en feroit une aultre, et que des deux nous regarderions d'en eslire quelque bon numbre de personnaiges, telz que le Pape et \ ostre Majesté s'en pourroint contenter. Mais qu'il ne failloit point parler à Sa Saincteté d'en faire pour argent, me disant que je me garderois bien, quand je lui en parlerois, de lui faire mention de cela, car on ne lui sçauroit tenir propoz qui lui feust plus mal agréable ; pareillement que je ne luy nommasse poinct l'évesque de Padoue ', car il sçavoit bien que Sa Saincteté n'en avoit pas bonne opinion et ne le jugeoit pas digne de ce lieu la, et qu'il ne voyoit pas grand ordre que ceste promotion se peust résouldre avant ces quatre temps prochainement venantz ; mais que cela n'importoit rien, car en tout temps Sa Saincteté pouvoit faire ceste promotion et création, et qu'il s'asseuroit de la lui faire faire lorsque voslre armée eommenceroit à cheminer. Mais toute la difficulté estoit de trouver des personnes desquelles l'on peust parler au Pape et que Sa Saincteté peust avoir agréables, dont il failloit que lui et moy communiquissions ensemble. Ce que je lui ay dict que je ferois quand il lui plairoit.

Voylà, Sire, les troys poinetz dont il me semble que j'avois à parler de vostre part, tantaudict cardinal Carafte qu'à nostre Sainct Père, devers lequel j'ay esté ceste aprèsdisnée pour lui en parler, conformément à ce que j'en

1. Fraucesco Pisani, vénitien de naissance, cardinal dès 1517, cumulait alors à la fois les sièges épiscopaux de Padoue (1524-1567) et de Trévise (1528-1564), et l'archevêché de Narbonne (1551-1563). Il ne peut donc être question ici que de son coadjuteur au siège de Padoue.