tome xxxin

dictz hyer audict cardinal Caraffe. Et quant audict premier poinct, Sadiete Saincteté est merveilleusement aise, Sire, de ce qu'il vous plaist faire diligenter vostre armée, nonobstant tous les propoz d'accord, dont il s'est parlé, m'ayant dict qu'elle n'eust jamais daigné prester l'oreille à propoz qu'on lui eust sceu tenir de quelque accord qu'on luy eust sceu offrir, si ce n'eust esté par le conseil et record de Vostre Majesté, et pour voir si on en pouvoit tyrer le bénéfice de quelque suspension d'armes, laquelle, en la grande nécessité où il se trouvoit, il voioit lui estre bien utile ; mais que nonobstant cela, il ne se y feust jamais condescendu si vous ne lui eussiez conseillé et si ce n'eust esté pour donner temps et loisir à voz forces de s'acheminer. Que de lui, il n'estoit pas si cruel et si inhumain qu'il ne preferast une bonne paix universelle pour la chrestienté, à la guerre, quelques injures et oultrages qu'il ave receues ; mais qu'il estoit tout résolu qu'il estoit impossible qu'il y peust jamais avoir paix sincère avec les héréticques ennemys de Dieu, jusquesà ce qu'on les eust humiliez et chastiés, et que tous leurs partiz n'estoint que tromperies, tant ceulx qu'ilz vous pouvoint présenter, que ceulx qu'ils offroint à Sa Saincteté. Et qu'il failloit, Sire, que ce feust vous qui feissiez la paix avec voz forces de terre et de mer. Et que quand vous auriez chassé les Espagnolz d'Italie, ce qu'il pensoit que vous feriez en moins de temps et avec plus de facillité que vous ne cuydiez, alors il seroit en vous de faire la paix et de la donner bonne et asseurée à toute la chrestienté, qui tiendroit ce bénéfice de Vostre Majesté, et que de lui il ne vouloit ne espéroit point d'aultre paix que ceste-la ; me jurant que par le Dieu vivant, il vous avoit, Sire, si imprimé et engravé en son cueur que quand on lui présenteroit tous les estatz et tous les biens du munde, vous pouviez bien estre seur qu'il ne trouveroit jamais party bon, que ce qui viendroit de vostre main, et qu'il vous prioit de tenir cela pour si certain que

vous n'y feissiez jamais doubte ; et qu'il vous pleust de faire diligenter la venue de vostre armée, sans l'engaiger ne faire arrester en Lombard) e à aultre entreprinse. Me répétant tous les discours qu'il m'a souvent faictz, et dont je vous ay adverty, de ce qu'il désire faire pour Messeigneurs voz enfantz et des privations qu'il est résolu user, me disant pour conclusion, Sire, que vous feissiez estât de n'avoir poinct ung meilleur François en vostre royaulme, ne qui vous voulust plus de bien que luy. Et qu'il vous remercyoit infinement des bonnes consolations qu'il vous plaisoit lui donner ez travaulx où il se trouve, et par parolles et par effect. Et en me discourant des choses que Vostre Majesté pouvoit et debvoit faire pour abbaisser le roy d'Angleterre, m'a dict qu'il failloit que vous chercheissiez les moiens de lui lever le pays de Flandres, qui estoit de vostre subjection et obéissance, et où les peuples estoint si mal contentz des Espaignolz qu'il n'estoit possible de plus, et que, si vous vouliez y entendre pour vous, qu'il lui sembleroit bon de sussiter quelc'un des enfantz du roy des Romains et lui donner en mariage l'une de Mesdames voz filles, et lui ayderà se faire seigneur de cest estât qui estoit si beau et si riche, qu'il auroit de grâce de vous estre bon vassal et se remectre soubz vostre subjection et obéissance pour devenir si grand seigneur. Et de l'adviz que je luy ay donné du moyen par lequel vous espériez d'estre le plus fort sur la mer cest esté, il m'a monstre d'en estre fort aise et me l'a fort loué et approuvé. Quant au conte de Petillan, Sire, il m'a asseuré que le procez lui sera faict par gentz de bien, selon tout droict et justice, et qu'il vous sera envoyé pour en estre le juge. Et que Vostre Majesté se peult bien proumectre que Sa Saincteté n'est pour faire, en cest endroict ne aultre où Vostredicte Majesté puisse avoir quelque intérest, que selon vostre désir et satisfaction. Touchant la promotion des cardinaulx, nostredict Sainct Père m'a dict, Sire, qu'il désiroit grandement de la faire

pour deux raisons : l'une, pour ce qu'il vouloit asseurer ce Sainct Siège, durant son vivant, de n'avoir à tumber après sa mort en puissance d'héréticques et scismaticques; l'aultre, que connoissant combien Vostre Majesté et tous les Roys de France ont tousjours esté protecteurs et déffenseurs de ce Sainct Siège, il lui semble bien raisonnable d'user ce moyen pour asseurer Vostredicte Majesté de la constante et perpétuelle amylié de ce Sainct Siège, non seulement durant sa vie et pontificat, mais encores durant le temps des papes qui seront après luy, lesquelz il ne pense pas estre si bons serviteurs de Dieu et de son Eglise qu'ils doibvent estre, s'ilz ne vous portent pareille amour que lui. Et que je vous pouvois asseurer de deux choses là dessus : l'une, qu'il est délibéré de faire, et au plus tost qu'il pourra, ceste promotion ; l'aultre, que ceulx qu'il fera cardinaulx, quand ilz auroint toutes les bonnes et dignes qualités du munde, s'ilz n'ont ceste là quand et quand de vous estre fidèles et agréables, ilz se peuvent asseurer de n'y entrer poinct. Mais que surtout il failloit qu'il regardast de mectre en ce lieu la gentz qu'il y peust promovoir avec son honneur et sa conscience, et qu'il y avoit de la difficulté à les trouver telz qu'il vouldroil bien ; et que cela estoit cause qu'il ne s'en pouvoit si tost résouldre, avec ce qu'il avoit tousjours esté tellement travaillé et ennuyé et estoit encores, qu'il n'avoit bonnement peu penser à cela ; s'estant trouvé et trouvant encores comme assiégé et presque la gorge soubz le pied de son ennemy. Mais que doresenavant il y vouloit vacquer et s'en résouldre, combien que ce ne pouvoit estre pour ces Quatre Temps prochains, à cause de la briéfveté du temps, mais que ce seroit le plus tost qu'il lui seroit possible ; m'ayant pryé de penser à lui nommer quelques personnaiges vertueux et gentz de bien de la qualité que je voyois qu'il les demandoit, et s'il estoit possible qu'ilz ne feussent point absenz ; car il désiroit que ce feussent gentz qu'il peust

connoistreet examiner pour la descharge de sa conscience, et que je ne les nommasse à personne vivant que à luymesmes ; el qu'il failloit que nous en partissions et diseourissions ensemble plus d'une foys ; e! après qu'il se seroit résolu de quelque numbre suffisant, il me donneroit charge de vous en advertir seerettement par chiffre pour sçavoir vostre voulenté : et lors il les feroit cardinaulx. Je luy ay dict, Sire, qu'il me sembloit que le sr de Vineuf lui avoit porté une liste de la part de Vostre Majesté, contenant ceulx qu'elle luy avoit nommés pour estre honorés de ce degré. Il m'a dict qu'il estoit vray et qu'il vouloit revoir ladicte liste et penser à ceulx là et à d'aultres, que je lui pouvois nommer, et qu'il y en avoit ung desdicts nommez de Vostre Majesté qui estoit mort. Ce que je pense, Sire, qu'il vouloit entendre de M. de La Caze. C'est en substance, Sire, ce qui est passé en ceste audience.

Sire, nous avons veu ce qu'il vous plaist nous escripre, dudict x.\iij6, touchant la contribution de la despence de la Mirandole, dont nous ne sommes vouluz rentrer en aulcun propoz avec Mgr le cardinal Caraffe, tant pour ce qu'il ne nous est possible de luy parler plus vifvement ny avec plus de raisons la dessus, que nous avons faict par deux ou troys fois que, pour ce qu'ayant jusques icy passé la despence de ladicte Mirandole en noz comptes, et y ayant par ce moyen Sa Saincteté contribué sa part, nous n'avons que faire, ce nous semble, de resveiller ceste dispute. Et quant à la despence de Ferrare, vous verrez, Sire, par ceste lettre ce que nous en avions desja dict, avant qu'avoir veu ce qu'il vous a pieu nous en escripre ; pour à quoy satisfaire, Sire, nous ne fauldrons, au premier jour, d'en reparler de nouveau audict cardinal CarafFe et de faire nostre plain debvoir d'en tyrer la résolution 'que vous désirez. Et vous plaira croyre, Sire, que, si telles difficultés ne se résolvent par deçà à vostre contentement et satisfaction sans que vous ayez la poine d'en ouyr parler,

il ne tient à nous, ne à ministre que vous ayez icy, ne à diligence que nous puissions user pour vous rendre content de nostre service ; car nous n'avons rien plus cher en ce munde, et ne tient à la lecture du traicté, ne à l'entendre et interpréter de nostre costé, tout ainsi, Sire, que vous l'entendez, que telles difficultés ne se vuident par deçà sur le champ i. Mais le plus souvent l'on n'en veult croire ne nous, ne noz raisons ; et quant vostre bon plaisir sera de considérer avec qui nous avons à négocier, vous ne trouverez pas estrange si nous n'en obtenons tousjours ce que nous voulions, pour le moins sommes nous seurs que on ne nous a jamais faict fleschir, ne confesser chose au préjudice de vostre service, comme nous ne ferons à V advenir, si Dieu nous garde V entendement. Quant à la despence qui se faict icy, nous vous pouvons asseurer, Sire, encores qu'elle soit plus grande que nous ne vouldrions, qu'il ne tient à recorder ce qu'il nous est possible pour la diminuer. Toutesfoys, moy de Lanssac, vous puis asseurer que, ce qui est mitz en compte est véritable et va en ladicte despence ; ayant usé toute la diligence que j'ay peu pour le bon mesnaigement d'icelle. Au regard des soldatz de deçà, qu'il vous plaist ordonner estre payez doresenavant selon l'ordonnance faicte par Vostre Majesté, auparavant la trefve, il vous plaira entendre, Sire, que, avant la réception de vostredicte lettre, l'on avoit desja faict la paye desdicts soldatz pour ce moys ; qui sera cause que nous attendrons au moys advenir à praticquer ladicte ordonnance. Mais d'aultant, Sire, qu'à la vérité les pouvres soldatz ne peuvent vivre de leur solde pour l'extrême chereté de toutes choses et que nous voyons vostre vouloir estre de leur subvenir, nous regarderons pour cedict mois de les contenter avec quelque petit don et subvention, qu'on leur fera oultre ce qu'ilz ont receu.