La Spezzia

2. Ces lettres ne figurent pas dans les Lettres de Biaise de Monluc, édit. de la Soc. de l'hist. de France.

reschal, qui a veu ledict article avec toute la lettre, vous y pourra respondre, comme de chose qui le concerne. Bien vous voulons nous asseurer, Sire, que nous ne fauldrons de conseiller et conforter tousjours mondict sr le marescbal de entreprendre ceste charge, tant pour le bien du service de Vostre Majesté que pour ce que c'est vostre vouloir ; et de faire instance à Mgr le cardinal Caraffe de l'en laisser faire. Mais nous ne vous vouldrons pas asseurer, ne que ledict sr cardinal Caraffe soit pour en laisser faire mondict sr le mareschal Strozy seul, sans que les ministres du Pape s'en meslent, ne que mondict sr le mareschal veulle aussi s'en mesler, s'il n'en peult du tout faire à sa mode et comme il lu) plaira. Ce qui est plus que raisonnable, aultrement il nesçauroit remédier aulx abbuz qui se peuvent faire. Quant aulx commissaires et contrerolleurs, ledict sr mareschal et moy, de Lanssac, en avons tousjours mictz par tout, comme aussi a faict le cardinal Caraffe pour le Pape. Nous eussions bien voulu, Sire, durant ceste trefve diminuer la despence et le numbre des gentz, et l'avons proposé à Mgr le cardinal Caraffe, et en commun et chacun de nous en particulier. Mais il ne lui semble poinct qu'il se doibve de rien diminuer pour encores, jusques à ce qu'il voye plus clairement quelles forces l'ennemy se resouldra à tenir autour de ceste ville. Estant encores ledict ennemy demeuré armé, combien que nous pensons le numbre de ses gentz estre fort diminué, quand ce ne seroit que pour cculx qui s'en vont et se cassent voluntairement eulx mêmes, tant Espaignolz que aultres, ayant dict hver nostre Sainct Père, à moy de Selve, qu'il y avoittout plain d'Espaignolz de ceulx que le duc d'Albe a laissez icv autour en garnison, qui s'enfouyoint etdemandoint congé à Sa Saincteté de passer par son estât ; ce qu'elle leur accordoit voulentiers, combien qu'elle pensoit qu'ilz ne se retyroint ailleurs qu'en Lombardie ; mais qu'elle jugeoit que cela ne feroit pas numbre qui peust de guères servir à

empescber le passaige de Mfir de Guyse. Là ou icy auprès, ilz lui faisoint heauleoup de naisance, et si pouvoint tous jours, estantz par deçà, servir à la deffcnce du royaulme deNaples, pour laquelle ilz ne sçauroint faire aulcun service estantz bien loing.

C'est du dixiesme de décembre 155G.

286. — 10 décembre 1556. — Lettre de MM. de Lanssac et de Selve au duc de Guise. (Bibl. nat., F. Moreau, 774, f° 288. Orig.)

Monseigneur, nous faisons présentement au Roy une dépescbe pour respondre à celle que le courrier Gobbe nous a porté de Sa Majesté et par raesrae moyen n'avons voullu faillir de respondre aux lettres qu'il nous a portées de vous du xxv9 du passé, desquelles nous vous remercions très humblement. Vous advisant, Monseigneur, que nostre Sainct Père et Mgr le cardinal Carafie auxquels moy de Selve en ay faict entendre le contenu, en ont esté fort ayses et seront encores plus quand je leur pourray porter nouvelles devostre arrivée en Piedmont, et de l'acheminement de vous et de vostre armée; car il n'est rien que tant ils désirent, m'ayant encores hyer commandé nostre Sainct Père d'escripre de sa part au Roy qu'il s'asseure de trouver tousjours Sa Saincteté très constante et ferme en son accoustumée estroicte amytié et confédération, et que quelque propos d'accord que le Roy d'Angleterre et ses ministres luy facent tenir, quand ils luy présenteroint tous les partis du monde, il n'en trouvera jamais ung bon, s'il ne vient de la propre main du Rov. Et vous pouvons bien dire, Monseigneur, que sy Sa Saincteté a veine qu'y tende à accord avec ledict roy d'Angleterre, il y a heauleoup de gentz trompez et nous en ce nombre. Car nous ne pensons pas qu'il y entende,, à tout le moins tant qu'il se verra moyen ou espérance d'avoyr la raison de ses ennemys par les armes. Pour le moings s'il fault crovre à

la foy d'ung pape et à de bons sermentz ; moy de Selve vous puis asseurer, Monseigneur, qu'il m'en renouvela encore hyer bien expressément de bonnes et grandes promesses, me priant fort de solliciter et le Roy et vous de diligenter vostre passaige en Italye avec vostre armée qu'il désireroits'il estoit possible estre sur cest estât de l'Eglise avant la fin de la tresve de quarante jours quy viendra à expirer envyron le sept ou buictiesme du moys prochain. Nous vous avons amplement adverty par M. de Morette de ladicte tresve et de toutes aultres choses de deçà, et vous avons envoyé deux brefs de nostre Sainct Père, l'ung contenant vostre pouvoyr de général pour Sa Saincteté en l'absence de Msr le duc de Ferrare, l'aultre addressé au duc de Parme pour luy estre par vous envoyé, quand vous verrez qu'il sera temps et non devant, affin qu'il vous donne seur passaige, vivres, logements et toutes aultres commodités pour vostre armée. Et fault, Monseigneur, que le dict bref soyt présenté en présence de nottaire et tesmoings et que vous rettiriez acte de la response que fera le dict duc de Parme pour l'envoyer, s'il vous plaist, à Nostre Saint Père avec vostre première dépesche.

Quant aux nouvelles de deçà, le duc d'Albe s'est depuis la tresve retiré à Naples avec les principaux seigneurs et barons et grande partie de la cavallerie, laquelle a grandement souffert et faict perte de plus de sept centz chevaulx. Il a laissé quatre enseignes d'Espaignolz qui sont environ quatr ecentz hommes à la garde d'Hostie et des fortz qu'il faict à la bouche de ceste rivière. Le reste de ses Espaignolz et une partie des Italiens et de la cavallerie qu'il avoyt, il lez a réunit/ en garnison ez places qu'il a prinses icv autour comme Valmontone, Vicovaro, Anagny et aultres.

Nous avons envoyé exprès sur lez lieux pour sçavoyr à la vérité quelles gens il y a, et ne fauldrons de vous en advertir. Le Pape deist hyer à moy de Selve que leurs gai-

laires et les Allemantz qui estoienl dessuz pour se venir joindre au duc d'Albe s'en estoint retournés de vers Gennes, et que lesdicts Allemantz s'en alloient pour servir en Lombardie et en Piedmont, ce que nous pensons estre véritable paradviz conforme que nous venons d'en avoyr de M. de Montluc.

Monseigneur, nous supplions le Créateur vous donner en parfaîcte santé et prospérité très longue et très heureuse vie.

De Rome le xe jour de décembre 155G.

Yoz très humbles et très obéissans serviteurs. — Odet de Selve. — Lanssac.

A Monseigneur, Monseigneur le duc de Guise, pair et grand chambellan de France.

287. — 19 décembre 1556. — Lettre de MM. de Selve et de Lanssac au duc de Ferrare. (Arch. de Modène, etc. Orig.)

Monseigneur, M. de Rambouillet doibt estre le porteur de ceste lectre, par le quel vous serez sy bien et amplement adverty de toutes lez occurences de deçà que ce serbyt faire tort à sa suffisance et vous donner poine superflue de vous en faire aultre discours par escript. A ceste cause, Monseigneur, nous nous remectons à ce que nous l'avons prié vous en dire à bouche, qui est tout aultant que nous vous en seaurions racompter nous mesmes sy nous estions prez de vous.

Monseigneur, nous supplions le Créateur vous donner en parfaiete santé et prospérité très longue et très heureuse vie

De Rome le xixe de décembre 1556.

Voz très humbles et très obéissante serviteurs. — Odet de Selve. — Lanssac.

A Monseigneur, Monseigneur le Duc de Ferrare, lieutenant général pour le Roy en Italye.

288.— 24 décembre 1556. — Lettre chiffrée du duc de Guise1 à MM. de Selve et de Lanssac. (Archives de Modène, etc. Copie.)

Messieurs, je vous ay cy devant advertiz de mon arrivée en ceste ville 2 où j'ay séjourné jusques à présent pour donner ordre aux provisions de gent que j'avois à emporter avec moi dont dans demain je serai entièrement satisfaict pour partir dimanche 3 et me rendre en Piedmont

vers le de ce mois4, suivant ce que je vous ay desja

escript, où incontinant le seigneur le mareschal de Brissac et moi ne fauldrons à rompre ainsi que nous est comandé, pour avec les forces dudict seigneur mareschal m'acheminer à mon passaige auquel ne perderai une seule heure de temps, et de tout ce qui succédera audict Piedmont vous donerai advix de jour à autre.

A Messieurs de Selve et de Lanssac.

289. — 31 décembre 1556. — Lettre du duc de Guise à MM. de Selve et de Lanssac. (Mémoires-journaux du duc de Guise, coll. Michaud, p. 265.)

Messieurs,j'ay receu les lettres que vous m'avez escrites auxquelles j'ay tousjours différé de répondre jusques à mon arrivée en ce lieu où j'ay aujourd'huy reçeu les vostres. Par lesquelles j'ay veu le partement du

1. Cette lettre est certainement du duc de Guise et sa date approximative nous est fournie par une lettre datée de Lanslebourg, du 26 décembre 1556, et adressée à M. de Saint-Laurent, dans laquelle le duc de Guise écrit : « Je me délibère passer demain Ja montaigne et aller coucher à Suze ». (Mémoires-journaux du duc de Guise, p. 321.)

2. Nous avons tout lieu de penser qu'il s'agit ici de Lanslebourg, petite ville située au milieu des Alpes, sur la route de Modane à Turin par Suze, d'où le duc de Guise écrivit au roi le 24 décembre 1556. (Mémoires-journaux du duc de Guise, p. 320.)