Le passage en italique est chiffré dans la dépêche

Sire, ce matin est venu vers nous le Fantuccio, qui va devers le roy d'Angleterre de la part de Mgr le cardinal Caraffe, prendre congé de nous. Et nous a demandé si nous avions rien à Iny dire et recorder pour voslre service. Nous lui avons respondu, après l'avoir remereyé de ce bon office, que nous pensions qu'il communiqueroit le faict de sa négociation à Msr de Bassefontaine, vostre ambassadeur, qui estoit si saige et advisé, et qu'il trouveroit si gracieux et honneste, qu'il seroit fort aise d'avoir affaire à ung tel personnage, et qui le sçauroit bien conseiller en amy et en homme qui connoissoit fort bien la court de delà. Il nous a fait ung discours contenant en somme que sa commission estoit plus lost pour n'aller rien faire et pour temporiser et faire le malade par chemin que pour faire quelque chose. Et qu'on lui avoit commandé de ne faire que troys postes par jour et de faire le malade quand il seroit à Bouloigne ; mais qu'il nous voulaist bien dire, comme bon serviteur du Pape et le vostre, qu'ayant Vostre Majesté ung Pape tant sien et sy résolu à ne faire que ce que vous lui conseillerez qu'est nostre Sainct Père, Vostre Majesté feroit ung grand péché de n'user envers luy, en la grande nécessité où il se trouve, de grande charité et grande prudence. Que la charité consistoit à secourir Sa Saincteté vertueusement avec voz forces et vostre puissance, pour la mectre hors de la nécessité où elle estoit, et ne la laisser pas précipiter en ung danger pour la laisser là et l'abandonner. Que la prudence estoit de considérer quel inconvénient ce pouvoit estre à Sadicte Saincteté, d'avoir refuzé une bonne et honnorable paix en cas que le secours de vostre armée ne produisist tel effect et bénéfice à Sadicte Saincteté, comme l'on espéroit ; lequel cas advenant, l'on donneroit blasme à Vostre Majesté, ou d'avoir débilement secouru Sadicte Saincteté et avoir usé peu de charité, ou de l'avoir mal conseillée et avoir mal préveu les inconvéniens, où Sadicte Saincteté se pré-

cipitoit pour l'amour qu'elle vous porte. Et qu'en l'honneur de Dieu et pour le bien de la chrestienté, vous y voulissiez bien penser. Nous luy avons respondu, Sire, que vous n'aviez jamais presque faict guerre que meu de charité et du besoing d'aultruy plus tost que du vostre ; luy en allégant les exemples, et que à présent estant en bonne et ferme résolution d'observer la trefve, vous estiez tyré à la guerre en despit de vous, tant par les injures qu'on avait faictes au Pape, que par les pryères et sollicitations de Sa Saincteté, au seul arbitre et voulenté de laquelle vous aviez tousjoursmitz et mectiez encores et la paix et la guerre, et l'eslection de se servir de voz forces pour l'ung ou l'aultre effect, selon qu'il luy trouveroit plus à propoz. Car de vous, vous n'aiez querelle que la sienne, et que nous ne sçaurions pas quelle plus grande et libéralle charité se pouvoist démonstrer que ceste là. Au regard de la prudence que, qui auroit bien observé voz actions passées et comme vous aviez conduict voz affaires depuis vostre advénement à la couronne, pourroit connoistre que Dieu vous en avoit pourveu aultant que nul aultre prince du munde, de sorte qu'il n'y avoit homme de bon entendement qui en deubst estre en doubte. D'avantaige que nostre Sainct Père n'estoit pas ung enfant, ains ung des plus saiges, lectrez et expérimentez princes ecclésiasticques qui aye jamais esté, et que c'estoit à lui à bien connoistre et choisir ce qui lui estoit le plus utile et nécessaire, et qu'il trouveroit tousjours en Vostre Majesté et bon conseil et bon secours et ayde .

Vous aurez icy, Sire, ung long discours de ce qu'il nous a semblé estre digne de vous mander par ce courrier présent porteur, que nous pensons debvoir estre devers Vostre Majesté avant l'arrivée du sr Julio Ursin, nayantz aultre chose à adjouster à ce que dessus, sinon que le duc d'Albe s'est retyré à Naples avec la pluspart des barons et seigneurs qui estoint avec luy et beaulcoup de la cavallerie, ayant

laissé quatre enseignes d'Espaignolz à Hostie et es forlz d'environ, qui ne montent, comme l'on diet, pas iiijc hommes. Et pense l'on qu'il a cassé et licencié la pluspart des Italiens, et si peu qu'il en a retenu avec les Espaignolz, qui ne sont pas plus de xvc, il les mect en garnison es places qu'il a prinses icy entour. Etadict Sa Saineteté ce jourd'huy, à moy de Selve, qu'il estoit mort fort grand numbre de ehevaulx ausdicts Impériaulx et que tant lesdicts ehevaulx que eulx. avoint enduré de grandes nécessités et qu'il crovoit bien que cela les avoit faict condescendre à la trefve de quarante jours. Aussi m'a diet Sadicte Saincteté qu'elle avoit adviz que les gallères qui portoint les Allemantz pour se venir joindre avec le duc d'Albe, s'en estoint retournéez devers Lcspccie l et Gennes, reporter lesdicts Allemantz pour servir aulx affaires de Lombardye.

Sire, nous pryons le Créateur vous donner en parfaicte santé et prospérité très longue et très heureuse vye.

De Rome ce ixe de décembre mvclvi.

Sire, nous pensons que l'adviz de noslre Sainct Père du retour des gallères et Allemantz soit véritable, car nous venons d'avoir lettres de AI. de Montluc2 du viijedecemoys, qui nous mande que l'armée de mer estoit toute retournée à Gennes et qu'il n'y a plus rien à l'Elbe et à Plombin, et que le duc de Florence a cassé xvc hommes qu'il avoit audict Plombin, de sorte qu'il n'y a rien plusdont il faille doubter du costé de la maremme de Sienne. Quant à ce qu'il vous plaist nous mander, Sire, que AI. le mareschal Strozy et M. de Montluc en l'absence l'ung de l'aultre ayent le commandement sur les gentz de guerre que vous poyés et leur facent faire les monstres, selon voz ordonnances, sans que les ministres du Pape s'en meslent, mondict sr le ma-