Ville de la province de Rome

Monseigneur, moy de Lanssac ay entendu présentement que le jour d'hier entrèrent environ 500 mullets ou chevaulx chargés de vivres à Villetry et Palliano, sansaulcun empeschement ; et y en va continuellement que j'espoire y debvoir entrer ne plus ne moins.

292. — 13 janvier 1557. — Lettre de MM. de Selve et de Lanssac au roi. (Bibl. nat., F. fr. 20644, f° 35. Copie.)

Sire, nous vous escrivismes du 29e du passé par ung courrier seur qui s'en alloit jusques à Lyon, et addressions nostre paquet à M. le lieutenant pour le vous faire tenir en diligence par les postes; et depuis, le xje de ce mois, moy de Selve ay escript à M#r le connestable par la voye de Venize ce qui s'offroit lors, pour le vous faire entendre. Et le 8e de cedit mois nous avons receu les lettres qu'il vous a pieu nous escripre du 20e, par un courrier de Lyon que le général d'Elbène nous a dépesché exprès ; par lesquelles, Sire, nous avons veu ce que pour responce de ce qui vous avoit esté porté par MM. de Soubize et la Couldre, il vous plaise mander à moy de Selve que je debvois remonstrer à nostre Saint Père pour luy faire cognoistre que Vostre Majesté le secoure d'autres choses que de parolles et promesses despendant pour la conservation et deffence tant de mil escus par mois outre le service que Sa Sainteté tire de vos gens de guerre François et aultres de ce vos gallères et la diligence dont vous avez usé pour luy envoyer Mgr le duc de Guise avec les forces qu'il meine. Qui sont toutes choses, Sire, desquelles je n'ay obmits une seule à alléguer et répliquer par plusieurs fois à Sa Sainteté quant j'ay conneu qu'il a esté a propos, laquelle ne les m'a jamais niées estre véritables comme elle ne pouvoit, excepté que quand à la venue de Mgr de Guise et de l'armée qu'il meine Sadite Sainteté qui mons-

troit bien lors du partement desdits sieurs de Soubize et de la Couldre ne s'en pouvoit asseurer par les menaces qu'elle nous usoit et les propos qu'elle nous tenoit de la crainte qu'elle avoit que vous feussiez pour faire paix avec le Roy d'Angleterre, s'est laissé eschapper en colère de dire parfois qu'on ne la secouroit que de parolles et de promesses, n'estimant secours suffisant pour la préserver de ruine et inconvénient tout celluy qui luy a esté faict, sans la venue de ladite armée de M&r de Guise, qu'elle ne se pouvoit bien certainement promettre ne s'en asseurer, quelque tesmoignage que je luy en rendeisse, m'alléga que selon la despesche portée par l'abbé de Saint Ferme ladite armée avec les Suisses debvoient estre en Piedmont dès le 20e de novembre et que l'on en entendoit nulles nouvelles, cependant que les ennemis estoient icy jusques aux portes de Rome et luy tenoit le pied sur la gorge. Et voila, Sire, ce qui le faisoit lors parler de ceste sorte et se courroucer, et quand je l'ay en ce temps là cuidé consoler de bonnes parolles et de commémoration de ce que vous avez fait pour luy, je vous asseure, Sire, que ce a esté à l'heure qu'il s'est mis plus avant en colère en se mettant de son costé à faire des narrations de ce qu'il a faict et veult faire pour vous ; et qu'il n'avoit que faire de la guerre et ne l'avoit sur les bras que pour s'estre rendu du tout vostre, et s'estre donné en proye à vous ; et que s'il vouloit dès le lendemain la paix avec le Roy d'Angleterre, il l'auroit avec tous les avantaiges qu'il sçauroit désirer et demander pour soy et pour sa maison. Par ainsy, Sire, il me semble, sous correction de la nature du pape, l'amour qu'il vous démonstre et les termes où vous vous trouvez avec luy et Testât de ses affaires et des vostres du costé de deçà avec les tentations et practiques dont usent les Impériaulx pour le gaigner, qu'il n'estoit lors et n'est encores temps d'entrer en propos avec qui le puissent aigrir, comme j'ay veu certainement par expérience et plus d'une fois que seur

ceulx que je luy ay tenus de la dépense que vous faites pour luy par deçà. Car pour vous en parler franchement,

Sire, e'est le plus sensible et délicat esprit d'hommes et le plus aisé à offenser que je praticquav jamais, et veult qu'on luy doihvent beaucoup et n'aime guères à ouir parler des obligations qui sont de son costé. A raison dequoy, quand je l'ay veu en ces aigreurs et doléances, je n'ay trouvé remède qui plus m'ait servy à l'adoulcir et de l'asseurer de se voir si bien secouru de Vostre Majesté que non seullement il recouvrera tout ce qui s'est perdu, mais qu'il chastira bien ses ennemis contre lesquels il est avec cause et raison sy irrité et indigné que l'on ne luy peult faire plus grand plaisir que de seconder sa colère en cest endroit, et luy donner espérance que Vostre Majesté ne les veult pas laisser impunis des outraiges qu'ils luy ont faicts. Ce pour conclusion, Sire, quelque sucre que je luy aye sceu mettre en mes raisonnements du temps qu'il estoit en opinion que vous feussiez pour accepter paix avec le Roy d'Angleterre, je n'ay sceu si bien faire qu'il ne se soit souvent amèrement couroucé jusques à se laisser eschapper les menaces contre nous que Vostre Majesté a entendues. Maintenant grâce à Dieu, il n'est plus question de tout cela, despuis qu'il s'est veu asseuré du passaige de mondit sieur de Guise et de la venue de vostre armée ; dont il est sy content et consolé qu'il n'est possible de plus. Et oultre de ce qu'il vous plaist renvoyer par deçà M. de la Garde avec vos gallères et croistre le nombre d'icelles; dequoy, moy de Selve, donnay advis à Sa Sainteté dès le 8e de ce mois, dont elle a receu ung très grand plaisir et contentement. Je ne faillis aussy, Sire, le mesme jour luy faire entendre des advis que vous aviez eu d'Angleterre, du 7e du passé ; ce qu'il vous avoit pieu me commander touchant la venue de messer Rignes lequel n'est encores comparu icy, et quand il y arrivera Sa Sainteté ne fauldra comme elle m'a asseurée de se comporter et conduire envers luy

tout ainsy que Vostre Majesté désire et que je luy ay recordé de vostre part, estimant vostre cause et querelle sy commune et sy conjointe à la sienne que tout ce qui sera entrepris et attenté contre Votre Majesté, Sa Sainteté m'a dict qu'elle le tiendra pour faict et entrepris contre soy mesmes et ce Saint Siège, et qu'elle le fera si clairement connoistre à tout le monde que l'on l'entendra.

Sire, le mesme jour du 8e de ce mois et en la mesme audience Sa Sainteté se mit à discourir avec moy de Selve de plusieurs choses, entre autres principalement me parla du passaige de Mgr de Guise, requérant et désirant infiniment la célérité et diligence d icelluy pour la grande opportunité et belle occasion qu'elle disoit veoir et connoistre de faire une belle et grande conqueste au royaulme deNaples dès qu'il y arriveroit. Et mesmement, si vos forces de mer se trouvoient de bonne heure prestes pour le secunder et favoriser, et toutesfois que pour me confesser vérité, elle vous aimoit tant et avoit tant à cœur vostre grandeur et la prospérité de voz affaires, que si la cause du retardement de mondit sieur de Guise estoit pour faire quelque bon exploict pour vostre promet sur le duché de Milan, elle prendroit tout en bonne patience, n'ayant pas tant d'esgard à la peine où elle se trouvoit par deçà ne à s'en délivrer comme elle avoit de désir d'ouyr dire que Vostre Majesté eust mis le pied dedans Milan ou Pavie, ou dedans Plaisance ou Parme. Ce qui seroit cause que Sa Sainteté attendroit encores doulcement et volontiers pour quelques jours la venue de mon dit sieur de Guise, nonobstant le travail où elle se trouve de soustenir la guerre par deçà. Je luy répondis à cela, Sire, que je vous advertirois deceste bonne volonté et que j'estois bien seur qu'elle ne se sçauroit jamais porter à roy ny prince qui en feut plus digne en toutes sortes que Vostre Majesté ne qui l'eust telle envers Sa Sainteté et tous les siens que vous

l'avez; mais que je sçavois que ledict sieur de Guise n'estre dépesché de Vostre Majesté que pour passer eu toute diligence, comme ilestoit délibère l'aire, et que c'estoit sa fin ; que s'il se faisoit quelque autre chose eu passant, ce seroit ou chose qui ne le tarderait point, ains servirait à son passaige, ou bien qu'il en laisserait l'exécution à M. le maréchal de Brissac : avant voulu parler de ceste sorte pour ce que pour la difficulté où nous sommes pour la distribution de l'armée de mondit sieur de Guise il ne faut que pour nous dédire tousjours que son voyage n'est destiné à aultre chose que passer par deçà. Il me vint après parler du duc de Florence, me disant qu'il eust bien voulu qu'il se feut mis hors de la presse et qu'il se (eut voulu rangera ne contrarier poinct aux entreprises communes de Vostre Majesté et de Sa Sainteté en s'asseurant aussy d'estre conservé et respecté par vous deux ; et que je sçavois ce qu'il m'en avoit autrefois dict pour le vous mander, mois qu'il avait peur qu'il ne cheminoit pas de guères bonnes jambes en cecy et que son intention n'estoit pas si droicte et sincère qu'il fauldroit, ayant descouvert je ne sçay quelles choses de luy qui ne luy plaisoient point et le mettoient en défiance. Et qu'il estoit après pour mieulx esclaircir de la vérité, laquelle s'il pouvoit connoistre et mettre le doy en la playe il lui donneroit la sienne aussy bien qu'aulx aultres s'il le trouvoit meschant comme eulx et adhérant et favorable à leur meschancetés ; et que ce qu'il vous avoit voulu prier pour luy estoit pour ce qu'il luy avoit donné quelque intention de se bien déporter envers Sa Sainteté et envers vous s'il pouvoit avoir quelque asseurance de vous deux. Sur quoy luy ayant Sadite Sainteté assez bénignement et amplement promis de Vostre Majesté et de soy pourveu qu'il feist bien son debvoir, il avoit trouvé depuis en luy une certaine froideur à l'heure qu'il devoit plus chaudement que jamais procurer de l'asseurer : ce qui lui sembloit ung maulvais signe, avec cer-

tains aultres qu'il en avoit d'ailleurs. Je luy dictz, Sire, que je croyois quant à moy que ledict duc ne mordroit point quant il n'auroit point de dents, c'est à dire qu'il ne nous feroit point de mal quand il ne s'en trouveroit le moyen ne la puissance ; mais que s'il avoit de quoy nous mal faire et de quoy faire service aux Impériaulx et au roy Philippe, que je ne pensois pas qu'il y faillist. A quoy il me réplicqua qu'il avoit belle peur que cela ne feust vray ; toutesfois qu'il ne s'en voulloitencores résouldre jusques à ce qu'il en feust ung peu mieulx informé. Et à ce propos, Sire, je ne veux faillir de vous dire que ces jours passés M. le duc de Paliano m'envoya monstrer une lettre dudit duc de Florence, escripte au duc d'Albe du 25e du mois passé, laquelle a esté interceptée; et contient le commancement d'icelle narration de quelques plaintes et perplexités dudit duc pour se trouver recherché tant de la part du cardinal de Trente pour les affaires du duché de Milan que pour les affaires de Sienne par le cardinal Burgos, allégant commencement de ronpture entre MM. de Montluc et luy, de sorte qu'il ne sçavoit auquel entendre. D'aultre part, qu'il estoit adverty que ledict duc d'Albe avoit en main la disposition et authorité des choses de Plombin de par le roy d'Angleterre, et néantmoins ne luy en commandoit rien. Après fist un discours audict duc d'Albe de la façon de faire cette guerre, protestant qu'il ne parloit point pour son intérest ; et est le summaire de son discours que tout ainsy qu'il y a trois lieux en Italie en chacun desquels le roy d'Angleterre peut faire grande perte et recepvoir grand dommaige s'il y est assaillv, veult que l'on face trois armées, l'une en Lombardie pour suivre Monseigneur de Guise à la queue quand il sera passé, puisqu'on ne s'est peu opposer à son passaige, quant au royaulme de Naples pour faire teste audict sieur marchant vers le royaulme, et une tierce en Toscane pour luy faire aussy teste s'il tourne vers ce costé là, et pour pouvoir ren-

forcer et favoriser chascunes des aultres deulx armées s'il en est besoing.

Finablement il brave et fait ses forces gaillardes et suffisantes pour mettre en seuretéson estât, et monstre que pour se déffendre il n'a besoing de rien et qu'il a retiré tous ses vivres dedans les places fortes, de sorte que une armée ne peult venir vivre en sou estât jusque au mois de juillet. Et néantmoins qu'il délibère faire provision de quatre mil Allemands et de quelques gens de cheval pour pouvoir tenir la campagne. Qui sont sy bien les principaulx points de ceste lettre, de laquelle, Sire, ledict duc m'a fait entendre que le double vous avoit été envoyé. Finis les propos que Sa Sainteté me teint du duc de Florence, elle entra sur le duc de Parme, me disant que ung gentilhomme envoyé devers luy par le duc d'Albe estoit revenu, et passant par icy pour s'en aller trouver ledict duc d'Albe, avoit dict merveilles de la bonne intention dudict duc de Parme envers Sa Sainteté et des honnestes propos qu'il en tenoit, mais que tout cela n'estoit que belles paroles générales esquelles n'y avoit aulcune particulière offre ne submission envers Sadite Sainteté ; par où elle peult connoistre qu'il se vouloit mettre en aulcun debvoir de son vassal es occasions qui se présentent, et qu'il n'avoit envoyé personne des siens devers elle pour cest effect. Qui estoit bien signe exprès de sa maulvaise intention. De là, Sire, vient à parler des procès de privations qu'il vouloit faire en brief, me disant qu'il n'y espargneroit personne de ceulx qui se trouvoient adhérans et consentans à l'Empereur et son fils hérétiques et scismatiques, me demandant si l'Empereur méritoit pas d'estre privé de l'Empire, et attendu que la pluspart des éllecteurs estoient hérétiques et rebelles à l'Eglise, si l'élection de l'Empire ne pouvoit pas estre légitimement transférée de l'Allemaigne aux aultres nations chrétiennes. Je luy respondis qu'il me sembloit que jamais l'élection du-

dict Empire n'avoit été justement ne avec raison commise à la seule nation germanique ; car cela se pouvoit avoir esté faict sans injure des aultres nations chrestiennes, et mesmement de la françoise comme la principale et es mains des rois de laquelle l'Empire avoit esté longue espace de temps. Et qu'il y auroit beaucoup plus de cause de transférer l'élection de l'Empire de la nation germanique aux aultres nations qu'il n'y avoit eu de la bailler à ceste là seulle : ce qui avoit esté faict le temps passé par papes passionnés et intéressés sans garder ordre ne raison, de justice ne aucune esgalité de distribution d'honneur entre les nations chrestiennes. Ce qu'il monstra de trouver fort bon, et me dict qu'il n'estoit rien plus vray et qu'il vouloit prier Vostre Majesté de faire bien consulter à la faculté de théologie de Paris et aux aultres universités fameuses de vostre royaulme, où il y avoit gens sçavans en droict civil et droict canon, s'il ne lui estoit pas loisible et juste de procedder à ladite privation et translation d'Empire et des royaulmes et estats que tiennent ledict Empereur et son fils, car il failloit que lesdictes privations légitimement faictes et avec causes, procédassent les investitures qu'il vouloit faire. Et que d'entrée il osteroit bien à l'Empereur et aux pourveus par luy les commanderies de Saint-Jacques ', deCulatrava2 et d'Alcantara'

1. Saint-Jacques de PEpée, ordre de chevalerie religieuse et militaire fondé en Galicie à la fin du xue siècle (1175) pour protéger contre les Maures les pèlerins qui se rendaient à Saint-Jacques de Compostelle. Les chevaliers suivaient la règle augustine. En 1493, Alexandre VI transporta la grande maîtrise de l'ordre à la couronne de Castille en la personne de Ferdinand le Catholique.

2 Calatrava, province de Ciudad-Real. Siège d'un ordre de chevalerie fondé en 1158 par deux moines cisterciens, à l'imitation de celui des Templiers, pour combattre les infidèles. En 1493, Ferdinand et Isabelle obtinrent d Alexandre VI la réunion de la grande maîtrise de l'ordre à la couronne. Plus tard Charles-Quint exigea de la cour de Rome que cette incorporation fût déclarée perpétuelle, le roi de Castille étant de droit le grand maître de l'ordre.

3. Capitale d'un ordre célèbre de chevalerie, analogue aux précédents, fondé en 1176 et soumis comme celui de Calatrava à la règle

qui ont comme Dieu et raison et contre tout devoir divin et humain esté mises es mains dudict Empereur et de personnes incapables de les tenir et que cela monte un revenu si grand que c'est presque ung royaulme. Se meist aussy à me parler de la vacation de l'évesché de Cambray ' me disant qu'il n'y vouloit pourvoir aulcunement à la nomination ou réquisition du roy d'Angleterre, attendu que c'estoit une ville neutralle, et où de raison il n'avoit que voix et qu'il y vouldroit mettre voulontiers quelcun qui ne despendeist que de luy et qui fust néammoins serviable et agréable à Vostre Majesté, me priant que je luy en nommasse quelcun si j'en connoissois qui feust dudict pays mesmes affin que le roy d'Angleterre n'eust point de cause de luy refuser la possession dudict évescbé comme il auroit qui la vouldroit bailler à un François ou quelcun de vos sujects naturels.

Voilà, Sire, tous les propos que me teint Sa Sainteté en l'audience que j'eus ledict 8e de ce mois, après laquelle et le lendemain ayant parlé à M. le duc de Paliano de messer Rignes qui doit venir par deçà de la part de la reine d'Angleterre et du cardinal Paul, il me deist qu'il n'estoit encores arrivé, mais qu'il estoit bien venu un homme du dict cardinal qui luy en avoit porté des lettres du 8e de décembre, lesquelles il m'a monstrées ; et vous en ay faict faire le double qui sera cy enclos, par lesquelles lettres il n'est faict aulcune mention que ledict personnage vienne de la part de la royne d'Angleterre et lui-même ne se dict estre envoyé que du cardinal, vray est que cestuy cy est

bénédictine et à l'observance cistercienne. En 1494, deux ans après la prise de Grenade, un accord conclu entre Ferdinand. Isabelle et le dernier grand maître attribua à la couronne la grande maîtrise de l'ordre. Les chevaliers résidaient dans le vaste couvent de San Benito, dont les ruines dominent encore la petite ville d'Alcantara, située sur le Tage, près de la frontière du Portugal.

1. Robert de Croy, évêque de Cambrai, était mort le 31 août 1556. Maximilien de Berghes lui succéda, après trois ans de vacance, et fut le premier archevêque.

logé et adressé chez le cardinal MoroiH comme debvoit estre le dict messer Rignes. Et estant, Sire, les advis d'Angleterre qu'il vous a pieu m'envoyer du 7e et la lettre dudict cardinal que je vous envoyé du 8e de décembre, il est assez croyable que ce doibve estre cestuy là mesmes qui debvoit venir ; et mesmement que le 10e de ce mois Sa Sainteté, m'ayant envoyé quérir pour aultre cause cy après déclarée, me deist qu'il y avoit icy ung homme du dit cardinal d'Angleterre qui avoit parlé de luy à messer Silvestre Alcobrandin a, à présent secrétaire de Sa Sainteté, par lesquelles à ce que Sadicte Sainteté me disoit il sembloit que le dict cardinal la vouloit exhortera la paix tout ainsy comme sy elle avoit commencé la guerre et qu'elle en eust esté cause, usant de persuasions en son endroict qui eussent esté beaucoup plus convenables en l'endroit du roy Philippe ; et qu'il s'ébahissoit comme le dit cardinal avoit escript une si inepte et indiscrette lettre, commandant audit Altobrandin de me l'envoyer pour la veoir, ce qu'il n'a encores faict. Et me dict Sa Sainteté à ce propos que l'homme dudit cardinal d'Angleterre monstroit d'estre venu pour l'expédition de quelques éveschés qui sont vacquants audict pays et desquels la Royne escript à Sa Sainteté à ce qu'il luy plaise en pourvoir les nommés par elle ; dont l'ambassadeur d'Angleterre lui estoit venu faire requête de par sa maistresse. Auxquels nostre Saint Père me deist avoir faict réponce qu'il se pouvoit asseurer qu'il

1. Giovanni Morone, fils de Girolamo Morone, chancelier des derniers ducs de Milan. Né dans cette ville le 25 janvier 1509, à l'âge de vingt ans, il devint évêque de Modène, nonce de Paul III en Allemagne de 1536 à 1538 et de mai 1539 a 1542, cardinal en juin de la même année, légat de Bologne (1544), président au concile de Trente, etc. Il mourut à Rome le 1er décembre 1580.

2. Sylvestre Aldobrandini, célèbre jurisconsulte, né à Florence le 24 novembre 1499, mort à Rome le 6 juin 1558. Professeur de droit à Pise, il s'exila de sa patrie quand les Médicis furent à la tête de la république de Florence. Plus tard Paul III le fit venir à Rome et le nomma avocat consistorial, avocat du fisc et de la chambre apostolique. Il fut le père du pape Clément VIII.

n'accorderoit aulcunement l'expédition desdits éveschéssy le roy Philippe y estoit en façon que ce feust nommé ou compris, car c'estoitung hérétique et scismaticque, ennemy deDieuet de son Eglise, et qui la persécutoitavec les armes; et qu'il falloit bien que ladicteroyne sa femme se gardastde participer ne adhérer à ses actions et malignes entreprises contre ce Saint Siège neles favoriser directement ne indirectement de ses forces ne de celles de sonroyaulme; aultrement qu'elle encourroit l'ire et l'indignation de Dieu et seroit excommuniée et mauldite de luy comme son dict mary, et qu'elle s'asseurast qu'en ce cas là, il entendroit les censures et privations d'estats comme elle mesme. Dont il vouloit bien qu'elle feust advertie et qu'elle ne se laissât point séduire ne persuader de consentir à la guerre contre ce Saint Siège et aussy peu contre Vostre Majesté alliée et confédérée de Sa Sainteté et qui a prins les armes pour sa déffense et de ce Saint Siège ; aultrement que ce que elle attenteroit contre Vostredicte Majesté elle le tiendroit directement attenté contre soy mesme, mais que si elle monstroit par effect que elle n'aprouvoit poinct les iniques actions de son mary et qu'elle n'y veult prester consentement, faveurny ayde, il l'aimeroit et honnoreroit pour fille, et la gratiffieroit non seullement de l'expédition qu'elle demandoit desdicls éveschés, mais de toutes autres grâces justes et raisonnables qu'elle luy pourroit demander pour soy et pour son royaulme. Me usant ces propres parolles qu'ayant veu qu'il venoit à propos de faire cest office avec ledict ambassadeur d'Angleterre, il luy avoit bien voulu antonner ceste antienne de bonne manière ; et qu'il ne luy avoit pas dict pour n'en rien faire, ains estoit bien résolu de ne l'espargner pas ny son royaulme sy elle ne se départoit aultrement que de raison. Et qu'en ce cas il révoqueroit le légat de là et le feroit bien revenir à Rome ou le priveroit de son chapeau et procéderoit contre luy comme il faut s'il ne luy obéissoit.

Sire, ledict 10* de ce mois Sa Sainteté me manda me trouver l'après diné devers elle avec M. le duc de Palian, ce que nous feismes ; et estant là elle commança son propos par réciter les excès et énormes actes faicts es terres de l'Eglise occupées par les gens du duc d'Albe, disant qu'ils y ont faict pis que ne sçauroit avoir faict le Turc, car après avoir ravy et saccagé les biens des maisons ils ont mené les hommes et les femmes prisonniers et jusques aux filles à marier comme esclaves, et affin que leur impieté et meschanceté feust notoire par tout le monde, me dist qu'ils avoint commencé à précipiter toute l'Espagne en un scisme, ayant le Roy Philippe ordonné rétention estre faicte de tous les deniers dudict pays qui venoient à Rome, comme Sa Sainteté en a eu advis par le double que l'on luy a envoyé de l'ordonnance dudict Roy Philippe faicte là dessus qui m'a esté monstrée et en sera un double enclos avec ceste lettre. Sur lequel propos, Sire, je réduisis à mémoire à Sa Sainteté l'advertissementque je luy dictzde vostre part à mon arrivée de la délibération que l'Empereur et son fils avoient de luy louer l'obéissance de l'Eglise d'Espagne, lequel advertissement se voyoit en partie vérifïié par ladicte ordonnance qui estoit ung commancement pour pis faire ; ce que nostre dict Saint Père me dist estre véritable. Et changeant ce propos, me déclara que la cause pour laquelle il m'avoit mandé estoit pour me communiquer une lettre du duc d'Albe que le cardinal Pacieco ' luy avoit présentée en l'absence du cardinal Caraffe auquel elle estoit addressée et à qui elle avoit esté envoyée à Venize pour y faire responce ou en mander son advis ; et qu'après l'avoir veue ledict cardinal la luy avoit renvoyée avec deux seins blancs signés adressant l'un audict duc d'Albe et l'autre audict cardinal Pacieco, afîin que Sa Sainteté les peust faire remplir au nom dudict cardinal de telle responce qu'il luy