Pacheco

plairoit estre faicte. Et esloit la dicte lettre du <lii«' d'Albe, que Sa Sainteté me feistlire, escripte à Naples du 27e décembre, contenant en substance qu'il avoit receu les lettres du IV du dict mois que lediet cardinal Caraffe lus avoit escriptes ausquelles il n'avoit plustost faict responce, ayant entendu son partement de Rome ; et qu'il estoit vray que le roy Philippe, son maistre, luy avoit envoyé ordre et commission de ce qui estoit à faire sur le faict de la paii et réconciliation d'entre Sa Sainteté et luy, et prie luy, cardinal, de luy voulloir donner advis de son retour dès qu'il sera revenu ; finalement parle de quelques vins grecs qu'il avoit promis de laisser venir pour le Pape et de certaines besoignes prinses à un secrétaire dudict cardinal. Après la lecture de laquelle lettre faite par le duc de Pa- Liano, nostredict Saint Père me demanda mon opinion de la responce qu'on debvoit faire et dont l'on debvoit remplir lesdicts blancs, me disant qu'il se trouvoit fort perplexe et empêché ; car d'un costé, il ne vouloit plus attacher praticque aulcune d'accord ne de tresve, ains vouloit s'il pouvoit honnestement les rompre et escleure ; d'autre coté ne faire point du tout de responce sembloit incivil au duc de Paliano, lequel estoit d'oppinion qu'on deubt respondre que venant la tresve à expirer, il estoit nécessaire, si lediet duc d'Albe vouloit et désiroit la paix, qu'il se laissât entendre et qu'il vinct à proposer et spécifier les conditions d'icelle, et que par ce moyen sans se descouvrir l'on viendroit à tirer et entendre de luy sa fantaysie, et qu'en ne respondant rien l'on pourroit donner grand blasme à Sa Sainteté et la calumnier de adhouer la paix à quelques conditions que ce feust. Sur quoi nostredict Saint Père vouleust que j'en deisse mon advis, disant qu'il vouloit estre le dernier à opiner et qu'il vouloit conclure ; pour à quoy satisfaire, je luy deist que la lettre du duc d'Albe me sembloit maigre et réservée, et que s'il y escheoit responce il la luy failloit faire de mesmes, qu'il me sembloit avoir