mai 1553. — Lettre de M. de Lanssac au roi

Sire,j'arrivay icisabmedy dernier, pénultième du passé, où je m'apperceu bien en quelle réputation et faveur sont voz affaires pardeça, car le Pape envoia audavant de mov le petit sr Fabyen de Monte et le sr Vincencio de Nobili ses nepveuz, avec sa garde et plus de xij ou xvc chevaulx tant de la famille des cardinaulx que tous autres affectionnez serviteurs de Vostre Majesté, et le lendemain j'allay devers Sa Saincteté laquelle me receut fort favorablement, et après luy avoir dict ce que j'avois charge elle me tint plusieurs propoz de l'affection et amytié qu'elle vous porte, de laquelle elle vous feroit plus ample démonstration quand l'occasion se y présenteroit, et pour vous dire en peu de parolles ce que je pus concevoir de son intention, toutes les fois que vous destournerez vos desseings et vos forces de pardeça, je croy que vous pouvez estre certain de y estre assisté de toute sa puissance, me disant Sadicte Saincteté que tout l'espoir qu'elle avoyt tant pour le regard du Sainct Siège que particulièrement de sa maison, estoit ferme en vous, et qu'il ne mourroit jamais content qu'il ne vous ayt fait congnoistre sa bonne voulontéde l'obligation qu'il a en vous, Sire, mais qu'il falloyt attendre le temps. Et après me parla du désir qu'il avoit que ses légatz fissent bon voiage, parce que vous ne sçau-

riez faire accord à présent qui ne fut à votre ad vantai ge et honneur, et qu'il luy sembloyt meilleur que vous espargnassiez la despense en autre temps que vous pourriez mieulx faire voz besognes. A quoy je luy respondiz que estant prince si chrétien et vertueux que vous estes, amateur du repoz publicq, je ne faisois point de doubte que vous ne désirissiez bien la paix, mais que ce fust ayant osté les occasions de la guerre, ainsy que j'espérois que vous feriez bientost en poursuivant votre bonne fortune et deschargeant la chrétienté de l'ambition et tyrannye de votre ennemy, et que lors se feroit une bonne, sincère et perpétuelle paix. A quoy il me dist qu'il pryoit Dieu de conduyre le tout, mais que s'il ne la pouvoit faire générale, que à tout le moings il désiroit de composer les affaires de Syennes à votre honneur et contentement et à la seuretté de cette pouvre république, et pour lever les ennemys d'autour de son estât, desquels il a une merveilleuse deffiance, mais qu'il se garderoit bien de faire la mort de la pécore, et qu'il pourveoiroit à son affaire le mieulx que pourroyt à l'aide de Dieu et de vous. Sur quoy je luy respondiz que vostre intencion estoit et n'avoit jamais esté autre que de faire ce béneffice à l'Italye de mettre Sienne en liberté et la y maintenir et en oster l'empereur qui ne s'en estoit pas mis pour le proffit de Testât de l'église ni des autres lieux circonvoisins, et que j'estois certain que, quant Sadicte Saincteté mettroit aucuns moyens en main pour la composition dessusdite, pourveu que ce fust avec votre honneur et réputation vous en seriez content, l'ayant bien demonstré par toutes vos actions, et mesmement par le pouvoir pour en traicter que vous aviez dernièrement envoyé à M. le cardinal de Ferrare, auquel j'avois envoyé les articles que messieurs les légatz m'avoient baillez à Ferrare, par le cappitaine Hiéronyme de Pyze, et que j'attendois le retour et la responce d'heure à autre.

Sire, le pape m'a dict aussy que tant que le duc d'Ur-

bin < a pralicqué d'estreà votre service, il ne l'avovt jamais voullu rechercher d'estre au sycn, mais que depuis que les Impériaulx l'en avoient solicité, il ne l'a pas voulu laisser perdre et l'a rettenu pour faire service à vous et à lu\ . mais que touttefoys il avoit esté advcrty que vous en aviez quelque mécontentement, dont je l'assurav du contraire, luy disant quej'avois charge de Vostre Majesté que si ledicl duc estoit en ceste ville de l'aller visiter de voire part et luy dire que estant les affaires de Sa Majesté si unyes avec celles de Sa Saincteté qu'elles sepouvoienl dyre une mesme choze, vous aviez très agréable le party qu'il avoit prins, et que les services qu'il feroit à Sa Saincteté et au Saint Siège vous les repputeriez comme faict à vous, et avoiz semblable voullonté de les reeongnoistre, et m'a semblé n'estre que bon, Sire, de luy tenir ce propoz, affin que le pape ne demoure en suspicion de quelque malveillance <!<■ \ ostre Majesté, et que les choses estant faictes comme elles sont, ledict duc demoure aussy bien affectionné en votre cause comme il me manda hier par son ambassadeur qu'il est, m'asseurant que tous les bons offices qu'il pourroit faire pour Vostre Majesté il les feroyt et se y emploieroyt. Il est maintenant à Pérouze et sera ici dedans dix ou xu jours, où arrivé qu'il sera je ne fauldray de l'aller veoir. Sire, allant visiter messieurs les cardinaulx j'av entendu que l'on a mis en avant au consystoire quelques propoz de réfformation de conclave, mesmement ung article qui vous seroit fort préjudiciable s'il avoit lieu, qui est que l'on n'attendra que x jours après la mort du pape les cardinaulx estrangers que l'on ne procedde à l'eslection, qui

1. Guidubaldo délia Rovere, duc d'Urbin, gouverneur de la République de Venise, fut fait capitaine général de l'Eglise par le pape Jules III et eut la charge du Sacré Collège après la mort du pape Marcel. Philippe II, roi d'Espagne, le fit capitaine général de ses armées en Italie et lui donna le collier de l'ordre de la Toison d'Or. Il mourut en 4574, ayant épousé: 1° Julie Varana, nièce du pape Léon X; 2° Victoria Farnèse.

seroit frustrer vos cardinaulx d'y pouvoir estre et tendre à la fin de faire ung pape à la poste et dévotion de l'Empereur. Je l'ay remonstré à aucuns cardinaux qui sont depputez pour y regarder, qui m'ont promis que les choses ne sont pas pour estre si tost conclues, mais si j'entendz que l'on passe outre, j'en parleray au pape, et lui remonstreray que je trouve bien estrange que estant en Testât qu'il est bien sain l'on dispose desja de sa mort et à quelle fin tendent ceux qui mettent ces propoz en avant, et que si cella se fust faict dernièrement lors de sa création qu'il ne fust pas où il est, et espère faire en sorte que l'on attendra bien la venue de Mgr le cardinal du Belay * premier que d'en décider, et avec l'aide de voz serviteurs mesmement de M. le cardinal Sermonette2, lequel depuis l'extrémité de la maladie de feu M. de Mirepoix a embrassé vos affaires de telle affection que s'il eust esté vostre privé ambassadeur.

Sire, l'on tient icy pour certain que le cardinal Pachecco s'en va résider viceroy à Napples.

De Rome, le iije jour de may 1553.

14. —6 mai 1553. — Lettre de M. de Lanssac au cardinal de Ferrare et à M. de Termes.

Messeigneurs, je suis merveilleusement marry de ce que vous avez trouvé mauvais, que j'aye fait retourner le cappitaine Hieronyme de Pyze parce que je l'ay faict avec

1. Jean du Bellay, cardinal, homme d'Eiat et poète latin. Il devint évêque de Pans, de Limoges et du Mans, archevêque de Bordeaux, lieutenant du roi en Picardie et en Champagne, successivement ambassadeur en Angleterre et en Italie. A Rome, où il passa une partie de sa longue carrière, il reçut le décanat du Sacré Collège pendant le conclave de 1556, malgré sa qualité de prélat français.

2. Nicolas Caetani de Sermoneta fut créé cardinal à l'âge de dix ans par le pape Paul III, en 1536, devint archevêque de Capoue, et mourut le 7 mai 1585. Il était de la même famille que le pape Boniface VIII.

très bonne intencion et avecques l'aduis et conseil du sr Pierre Strozzy et du sr de Lodesve, et ne l'eusse pas faiet sinon que je sçavois que le voulloir du roy estoit d'entendre aux propoz d'accord que le pape mectoyt en avant, et me sembla que ledict Hieronyme estoit le meilleur instrument qu'on y eust peu emploier, puisque desja il en auoit eu charge et d'autre part que pour aller à la court il n'eust riens adjousté au secours parce que Sa Majesté en estoit résolu ainsi que je vous escriviz dernièrement de Ferrare, et qui plus est lediet sr Pierre a emporté sa dépesche et créance qu'il exposera, faisant entendre toutes choses aussy bien qu'il eust sceu faire. Pareillement il vous plaira croire que je n'ai riens gasté en ceste négotiacion d'accord, car premièrement à Ferrare quand MM. les légatz me meyrent en avant les articles, je leur fisz responeeque je n'avois aucune charge de traicter ne d'accorder, ains seullement de faire entendre au pape et à tout le monde la voullonté du roy qui n'estoit que de maintenir Sienne en asscurée liberté et qu'il n'y avoyt aultre intérest. Maiz s'en estant bien sorprys mesmement à l'instance de M. le duc de Ferrare et sçachant l'intention de Sa Majesté, il me sembla ne pouvoir moings faire que de prandre lesdicts articles pour les vous envoyer comme à ceux qui ont tout povoir d'en traicter, pour après, selon ce que vous m'en ordonnerez, en négotier avec le pape. Davantage, je vous advise que, quant lesdietz sgrs cardinaulx ne m'en eussent parlé, j'avoys charge du roy, estant icy, de faire, par quelque tierce personne confidente, stimuler le pape de mettre en avant ledit accord. Par quoy il fut beaucoup mieulx à propoz que lesditz ggw légatz en parlassent les premiers, et ne pouuois faillyr de y entendre en la façon que j'ay faicte, et depuis que je suis icy quant il m'a esté parlé desditz propoz je n'y ay riens adjousté du myen, mais refferé le tout à vous, gardant en tous mes propoz la repputation de Sadite Majesté,

faisant bien entendre que ses forces sont tellement prestes que plus voullentiers nous entendrions à donner ordre aux affaires de Syenne par les armes que par la voye dudit accord, sicen'estoitpour rendre en toutes choses sa bonne voullonté justiffiée, vous asseurant encores ung coup que je n'y ay faict ne feray rien plus ne moings que ce que vous m'en ordonnerez.

Messeigneurs, incontinent après le retour dudit cappitaine Hieronime de Pyze, je le menay au pape pour faire luy mesme votre responce, quy estoit que ayant veu lesdits articles et entendu l'intencion du roy, vous Monseigneur le cardinal, estiez content de vous trouver où Sadicte Saincteté ordonneroit avec seuretté pour en traicter selon votre povoir et entendre à toutes choses raisonnables ; à quoy Sadicte Saincteté me respondit qu'il ne seroit pas honneste qu'elle se meyt en chemin sans veoir quelque bon fondement et espérance dudict accord, et pour ceste cause qu'elle mettroit son adnis pour l'éclaircissement desdits articles, et qu'elle envoyeroit ung syen chambrier devers vous et puis à Florence, affin que, selon ce qu'il en rapporteroyt, Sadicte Saincteté fust incontinent preste pour se trouver avec vous et M. le duc de Florence pour y mectre fin. Sadite Saincteté vous envoyé ledit chambrier et lesdits articles et advys et mov pareillement Nicquet pour plus particulièrement vous rendre compte de toutes choses, pour, selon l'intencion du roy que je vous ay dernièrement escript de Ferrare et par ung article de mon instruction que aussy je vous envoyé, vous advisiez de composer les choses à l'intencion et contentement de Sa Majesté et m'aduiser comme il vous semblera que je me deveray gouuerner.

Messeigneurs, je vous enuoye le double d'une lettre que le duc de Florance m'a escripte et de la responce que je luy ay faicte , semblablement je vous envoie un autre double de lettre que M. de Bassefontaine, ambas-

sadeur en Suysse, avoit escripte au roy par lequel vous entendrez comme toutes choses sont à présent réduittes en Ulemaigne. Mais s'il vous plaist vous tiendrez cella secret jusques à ce que les choses soient plus resollues, dont je seray incontinent adverty par ledicl s1 de Bassefontaine. Pour vous faire attendre je vous envoyé aussy des nouvelles que M. de Sclve, ambassadeur à \ enize, m'a envoiées pour faire tenir avec ses lettres. Aussy, Messeigneurs, Nicquet vous commun iequera de quelques praticques que l'on me mect en avant, sur lesquelles il vous plaira me faire entendre votre bon ad vis affin que je me gouverne selon icelui. Lesr Paulo Ursin1 m'a escript qu'il désireroit que je luv envoyasse l'argent nécessaire pour le paiement de ses soldatz d'iev, parce qu'il luv est difficile de le recouvrer de vous, et qu'il pourroit aussy pour ijc écus faire quelque réparation qui est bien nécessaire à Cbiusy2, vous ordonnerez à tout ainsy qu'il vous plaira.

Au demourant, Messeigneurs, Maillart, commis du trésorier de l'extraordinaire des guerres, vous porte xm écus. Je l'ay fait partyr avec Nicquet pour aller jusques à Rossillon 3, et de là il prendra escorte pour aller jusques à Castres4.

De Rome, le vjejr de may 1533.